अविनाश चौधरी
धनगढी, पुस १२ गते । कैलालीको धनगढीमा मोटरसाइकल दुर्घटनामा एक जनाको मृत्यु भएको छ ।
हिजो बिहीबार धनगढी उपमहानगरपालिकामा–३ मा अत्तरियाबाट धनगढीतर्फ आइरहेको दुई मोटरसाइकल ठोक्किएर बाजुराको बडिमालिका नगरपालिका–७ का ३० वर्षीय धर्मराज खत्रीको मृत्यु भएको हो । मृतक मार्तडी स्वास्थ्य चौकीमा कार्यरत जनस्वास्थ्य निरीक्षक रहेको जिल्ला प्रहरी कार्यालयले जानकारी दिएको छ । खत्रीले चलाएको सुपप्र ०१–०१२ प ७११ नम्बरको मोटरसाइकलमा पछाडि सवार डोटीको शिखर नगरपालिका–११ का २५ वर्षीया शर्मिला थापा घाइते भएको प्रहरीले जिल्ला प्रहरी कार्यालयले जनाएको छ । उहाँको उपचार भइरहेको छ ।
धनगढी उपमहानगरपालिका–५ का २५ वर्षीय पुरन शाहले चलाएको सुपप्र ०१२ प १४१६ नम्बरको मोटरसाइकलसँग खत्रीले चलाएको मोटरसाइकल ठक्कर खाएको थियो । दुर्घटनामा घाइते खत्रीलाई उपचारका लागि मायामेट्रो अस्पताल लगिएकोमा चिकित्सकले मृत घोषणा गरेको जनाइएको छ । मोटरसाइकलसहित शाहलाई प्रहरीले नियन्त्रणमा लिएको छ ।
