२९ हजार अमेरिकन डलर सहित मिया पक्राउ

काठमाडौँ, मङ्सिर २८ गते । २९ हजार सात सय अमेरिकी डलर सहित एक जनालाई झापा प्रहरीले पक्राउ गरेको छ । प्रहरीले बिहीबार दिउँसो २ बजे कमल गाउँपालिका वडा न ३ केर्खा चोक स्थित पूर्व पश्चिम राजमार्गमा सवारी साधन चेकजाँच गर्ने क्रममा दमकबाट बिर्तामोड तर्फ जादैं गरेको प्रदेश १–०२–००१ ख ९५३० नम्बरको बसमा सवार झापा गौरादह नगरपालिका वडा न ५ बस्ने वर्ष २५ को मोहम्मद नौसाद मियालाई रकम सहित पक्राउ गरेको जनाएको हो । 

स्रोत नखुलेको अमेरिकन डलर १०० दरका २९७ थान २९,७०० (नेपाली दररेट अनुसार रु.४०,३३,८५४ रुपियाँ फेला पारी कानुन बमोजिम बरामद गरी सो सम्बन्धमा इलाका प्रहरी कार्यालय दमकबाट थप अनुसन्धान कार्य जारी रहेको जनाएको छ ।