गुणबहादुर रोका
सुलीकोट, मङ्सिर १२ गते। गण्डकी प्रदेश सभाका सभामुख कृष्णप्रसाद धिताललाई मातृशोक परेको छ।
सभामुख धितालको ममतामयी आमा चित्रकुमारी धितालको वि.सं. १९९४ सालमा जन्म भएर २०८१ साल मङ्सिर १२ गते राति ८७ वर्षको उमेरमा निधन भएको परिवार स्रोतले जनाएको छ।
गोरखाको भीमसेन थापा गाउँपालिका–२ तान्द्राङस्थित आफ्नै घरमा उहाँको निधन भएको सभामुख धितालका छोरा सरोज धितालले जानकारी दिनुभयो।
सभामुख धिताल गोरखा क्षेत्र नम्बर १ (क) बाट प्रदेश सभा सदस्यमा निर्वाचित हुनुभएको हो।
