नारायणगढ समाचारदाता
नारायणगढ, मङ्सिर १० गते । कवि गोविन्दराज विनोदीको अङग्रेजी अनुवादसहितको ‘अनुपमा धर्ती’ कवितासङग्रह सार्वजनिक भएको छ । त्रिवेणी साहित्य प्रतिष्ठानको आयोजनामा आइतबार गैँडाकोटमा सम्पन्न कार्यक्रममा सो कृति विमोचन गरिएको हो । कवि विनोदीले नेपाल भूमिलाई आफ्नो जननी मानेर विश्वभरमै सुन्दरता भएको कवितामा उल्लेख गरेको जानकारी दिनुभयो । कवितालाई प्रेम सिक्देलले अङ्ग्रेजीमा अनुवाद गर्नुभएको हो । सो कार्यक्रममा लेखक सृजन लम्सालको निबन्धसङ्ग्रह दृष्टि बिम्बमा सृजन लम्साल कृति पनि विमोचन गरिएको थियो ।
