गोरखापत्र समाचारदाता
काठमाडौँ, मङ्सिर ९ गते । गीतकार लोकराज अधिकारीको लेखन रहेकोे ‘गर्न मन छ कुरा पियारी’ बोलको गीतको म्युजिक भिडियो सार्वजनिक भएको छ । सिडी विजय अधिकारीको सङ्गीत रहेकोे गीतमा समीक्षा अधिकारी र सिडीको स्वर रहेको छ । पुष्कर खत्रीको सङ्गीत संयोजन रहेको गीतको मिक्सिङ साजन साहले गर्नुभएको छ । गीतको भिडियोमा उमेशसँगै मोडल जुना विश्वकर्मा र कमल सिंहको अभिनय रहेको छ । राजीव समरको निर्देशनमा बनेको गीतको भिडियोलाई दिनेश पराजुलीले खिच्नुभएको हो । युवि क्रियसन युट्युब च्यानलबाट सार्वजनिक गीतमा विवेक सुनारको सम्पादन र सुप्रिम पराजुलीको रङ संयोजन रहेको छ ।