‘आधा मुटु’ सार्वजनिक

गोरखापत्र समाचारदाता

काठमाडौँ, मङ्सिर १ गते ।  अभिनेता सुशान्त कार्की र मोडल तथा अभिनेतृ गरिमा शर्माको अभिनय रहेको म्युजिक भिडियो ‘आधा मुटु’ सार्वजनिक गरिएको छ । गीतले एक जोडीको प्रेम, विवाह र सम्बन्धविच्छेदको कथालाई समेटेको छ ।

शान्तिश्री परियार र नेत्र भण्डारीको स्वर रहेको आधुनिक गीतमा रमेश परियारको शब्दरचना तथा गायक भण्डारीको सङ्गीत  रहेको छ । रिजन नेपालको युट्युब च्यानलबाट सार्वजनिक भएको गीतलाई कृष्ण केसीले एरेन्ज गर्नुभएको हो । भिडियोमा जेरी भण्डारीको निर्देशन, कथा र पटकथा रहेको छ ।