जनार्जन खत्री
सर्लाही, कात्तिक २१ गते । सर्लाहीको लालबन्दी नगरपालिका–१, नवलपुर बुढाथोकी रुखबाट खसेर एक वृद्धको मृत्यु भएको छ । स्थानीय ७२ वर्षीय छत्रबहादुर कार्कीको रुखबाट लडेर मृत्यु भएको हो ।
इपिलको रुखमा चढेर घाँस झार्ने क्रममा कार्की रुखबाट खस्नुभएको थियो । रुखबाट लडेर गम्भीर घाइते भएका कार्कीलाई स्थानीय मेडिकलमा सामान्य उपचारपश्चात् थप उपचारका लागि नेशनल मेडिकल कलेज वीरगन्ज लगिएकोमा उपचारका क्रममा मृत्यु भएको इलाका प्रहरी कार्यालय नवलपुरले जनाएको छ ।
