बाबुराम कार्की
वराहक्षेत्र, कात्तिक १८ गते । सुनसरीको वराहक्षेत्र ३ नडाहबाट जुवा खेलिरहेका १५ जना जुवाडेहरुलाई प्रहरीले पक्राउ गरेको छ । प्रहरीले गोप्य सूचनाका आधारमा आइतबार बिहान जुवाडेहरुलाई पक्राउ गरेको जिल्ला प्रहरी कार्यलय सुनसरीले जनाएको छ ।
प्रहरीले जुवाडेहरुको साथबाट नौ लाख ६८ हजार नगद समेत बरामद गरेको छ । गोप्य सूचनाको आधारमा जिल्ला प्रहरी कार्यालय सुनसरी र इलाका प्रहरी कार्यलय पकलीबाट खटिएको प्रहरी अधिकृतको टोलीले जुवाडेहरुलाई पक्राउ गरेको जिल्ला प्रहरी कार्यलय सुनसरीले जनाएको छ । पक्राउ परेकालाई इलाका प्रहरी कार्यलय महेन्द्रनगरमा राखी थप अनुसन्धान भइरहेको प्रहरीले जनाएको छ ।
