बिष्णुप्रसाद पोखरेल
दमक, कात्तिक १६ गते । झापाको मेचीनगर नगरपालिका काँकडभिट्टा एक होटलमा लक्ष्मी पूजाको साँझ आगलागी भएको छ । राति ८ः३० बजे तिर काँकडभिट्टामा प्रेम गुरुङको ५ तलाको घरको भुइँतलामा रहेको न्यु सागर होटलमा आगलागी भएको जिल्ला प्रहरी कार्यालय झापाले जनाएको छ ।
प्रारम्भिक अनुसन्धानबाट फ्रिजबाट अचानक विद्युत् सर्ट भई आगलागी भएको जानकारी भएको प्रहरीको भनाइ छ । मेचीनगर नगरपालिकाका २ वटा दमकलको साहयतामा आगो नियन्त्रणमा लिइएको थियो ।
आगलागीबाट होटेलभित्र रहेको भाडा वर्तन, फ्रिज, फर्निचरलगायतका सरसामानहरू पूर्ण रूपले जलेर नष्ट हुँदा करिब ७ लाख बराबरको क्षति भएको जिल्ला प्रहरी कार्यालय झापाले जानकारी दिएको छ ।
