शिवराज ढुंगाना
अछाम, कात्तिक १५ गते। वयलपाटाबाट बाजुरा गइरहेको बलेरो जिप रिडिकोटमा दुर्घटना हुँदा बाजुराका चार जना घाइते भएका छन्। साँफेबगर नगरपालिका-७ रिडिकोटस्थित मध्यपहाडी सडकमा लु १ ज ४७११ नम्बरको जिप दुर्घटना भएको हो।
घाइते हुनेमा बाजुराको त्रिवेणी नगरपालिका-६ का नन्दा बुढा, बुढीगंगा नगरपालिका-४ का राजेन्द्र लुहार र उनका छोरा ६ वर्षका सक्षम लुहार, खप्तड छेडेदह गाउँपालिका(३ का २३ रोहित रावत घाइते हुनुभएको हो।
घाइतेको वयलपाटा अस्पतालमा उपचार भइरहेको अछाम प्रहरीले जानकारी दिएको छ।
घाइतेमध्ये नन्दाको टाउको र मुखमा चोट छ भने अरूको अवस्था सामान्य रहेको बताइएको छ। सडकमा गुडिरहेको जिपको एक्कासि ब्रेक फेल भएर दुर्घटना भएको अछाम प्रहरीले जानकारी दिएको छ।
