प्रतीक शर्मा ‘इच्छुक’
सल्यान, कात्तिक १४ गते । बाँकेको नेपालगन्जदेखि रुकुम पश्चिम जाँदै गरेको फोर्स गाडीमा आगलागी भएको छ । पश्चिम रुकुम चौरजहारी नगरपालिकाको–११ चौफातर्फ जाँदैगरेको गाडी बुधबार बेलुका सल्यानको बागचौर नगरपालिका–१ थारमारे चारखोलामा आगलागी भएको हो ।
बेलुकी ६ बजे भे १ ख ३७५० नम्बरको फोर्स गाडीमा आगलागी भएको सल्यान प्रहरीले जनाएको छ । जिल्ला प्रहरी कार्यालय सल्यान प्रहरी प्रमुख केशर न्यौपानेका अनुसार गाडीमा अचानक आगो लागेको र नियन्त्रण आइनसकेको बताउनुभयो ।
उहाँको अनुसार आगलागीबाट मानवीय क्षति भएको छैन । घटनास्थलमा प्रहरी पुगेको छ । २९ जना यात्रु सवार गाडीमा रहेको यात्रुहरूको सबै समान जलेर नष्ट भएको प्रहरीको भनाइ छ ।
