गोरखापत्र समाचारदाता
काठमाडौँ, कात्तिक १२ गते । युवापुस्तामा मण्डलाको महत्वबारे जानकारी गराउने उद्देश्यले कात्तिक १७ गते गोदावरीमा मण्डला प्रतियोगिता आयोजना हुने भएको छ ।
नेपाल संवत् अर्थात न्हुँ दँ ११४५ को दिन गोदावरीको ठेचोमा झीःझी पुचद्वारा मण्डला प्रतियोगिता आयोजना हुन लागेको हो । प्रतियोगिताले युवापुस्तामा मण्डलाको संरचना र यसमा प्रयोग गरिने रङले सकारात्मक ऊर्जा र जीवनमा पार्ने प्रभावबारे राम्रो ज्ञान दिने अपेक्षा लिइएको आयोजक संस्था पुचका अध्यक्ष अनिल महर्जनले जानकारी दिनुभयो । नेवार समुदायको संस्कृति जोगाउन र गोदावरी नगरपालिकालाई पर्यटकीय नगर बनाउन यस्तो कलात्मक प्रतियोगिताले सहयोग पु¥याउने विश्वास लिएको कार्यक्रमका संयोजक धर्मेन्द्र महर्जनले बताउनुभयो । व्यक्तिगत तथा संस्थागत रूपमा जसले पनि भाग लिन सक्ने प्रतियोगितामा उमेरको कुनै सीमा तोकिएको छैन ।
