कास्की समाचारदाता
कास्की, कात्तिक १२ गते । पोखरा काजीपोखरीकी सृष्टि खड्का यस वर्षको मिस पोखरा बन्न सफल हुनुभएको छ । ११ औँ संस्करणको मिस उपाधिसँगै उहाँले स्कुटर र नगद ५० हजार रुपियाँ पुरस्कार प्राप्त गर्नुभएको छ । यस्तै रेखा गैरे पहिलो विजेता र जेसिका विश्वकर्मा घिमिरे दोस्रो विजेता बन्न सफल हुनुभयो उहाँहरूलाई क्रमशः ३० हजार र २० हजार रुपियाँसहित विभिन्न उपहार प्रदान गरिएको छ । रेखाले उत्कृष्ट ‘इन्टेलेक्ट’ को समेत उपाधि जित्दा जेसिकाले उत्कृष्ट पहिरन तथा ‘क्याटवाक’ अवार्ड हात पार्नुभयो । पोखार जेसिज इभेन्ट फर युको व्यवस्थापनमा छ वर्षपछि मिस पोखरालाई निरन्तरता दिइएको हो । सन् १९९५ मा पहिलो पटक मिस पोखरा भएकोमा पछिल्लो समय २०१८ मा आएर रोकिएको थियो ।
