गोरखापत्र समाचारदाता
काठमाडौँ, कात्तिक ११ गते । चलचित्र ‘अग्निदहन’ को ‘दाइ दाइ नभन मलाई’ बोलको गीत शनिबार सार्वजनिक गरिएको छ । गीतमा पार्वती जिसी र तुलसी क्षेत्रीको स्वर रहेको छ । परशुराम अधिकारीको सङ्गीत रहेको गीतलाई लोकमणि पौडेलको रचना गर्नुभएको हो ।
धर्मेन्द्र पौडेलले कोरियोग्राफी गरेको गीतको भिडियोमा अनुपमा भण्डारी, प्रमिला तुलाचन, रमा त्रिपाठी, सनिशा भट्टराई, तुलसी क्षेत्री, सरलाकुमारी पाण्डे, प्रसिना आचार्यलगायत रहेका छन् ।
विवाहको सेटअपमा तयार परिएको गीत रत्यौली खेल्दै गाइने झ्याउरे पाराको छ । भिडियोमा पश्चिमाञ्चल क्षेत्र वरपर प्रचलनमा रहेको यस रत्यौलीमा छोरी मान्छे छोरा मान्छे बनेर नाच्ने प्रचलन देख्न पाइन्छ । घनश्याम लामिछानेको निर्देशन रहेको चलचित्रमा प्रकाश घिमिरे, प्रमिला तुलाचन, माओत्से गुरुङ, अनुपमा भण्डारी, तुलसी क्षेत्री, विष्णु बाँस्तोला, ताराबहादुर गुरुङको अभिनय रहेको छ ।
