जयकृष्ण यादव
इनरुवा, कार्तिक ७ गते । सुनसरीको इनरुवामा तेस्रो रात्रिकालीन मेयर कप भलिबलको उपाधि झापाले चुमेको छ । फूलबारी खेल मैदानमा मङ्गलबार राती अबेर फूलबारी क्रिकेट क्लब इनरुवाको आयोजनामा सम्पन्न भएको तेस्रो रात्रिकालीन मेयर कप भलिबल प्रतियोगिता २०८१ को उपाधि पीटीभीसी झापाले चुमेको हो ।
झापाले कोशी प्रदेश भलिबल ट्रेनिङ सेन्टरलाई पराजित गर्दै उपाधि कब्जा गर्दै नगर एक लाख रुपियाँ, प्रमाणपत्र र सिल्डसहितको पुरस्कार पाएको छ । त्यसैगरी दोस्रोमा चित बुझाएको प्रदेश भलिबल ट्रेनिङ सेन्टर कोशी प्रदेशले नगद ५१ हजार रुपियाँ, सिल्ड र प्रमाणपत्र प्राप्त गरेको आयोजक समितिका अध्यक्ष शिवकुमार यादवले जानकारी दिनुभयो ।
विजेता र उपविजेताहरुलाई सिल्ड र प्रमाणपत्र प्रदान गरेको आयोजक फूलबारी क्रिकेट क्लबका अध्यक्ष शिवकुमार यादवले जानकारी दिनुभयो ।
