‘मुटुमै गाँसेको साइनो’

गोरखापत्र समाचारदाता

काठमाडौँ, असोज २१ गते । टेक बिसीको स्वरमा ‘मुटुमै गाँसेको साइनो’ गीतको भिडियो सार्वजनिक गरिएको छ । भीम बिसीको सङ्गीत, हरिभक्त बुढाथोकीको शब्द रचना र विश्व अधिकारीको सङ्गीत संयोजन रहेको गीतमा अस्मिता अधिकारीको स्वरसमेत रहेको छ ।

भिडियोको निर्देशन विक्रम चौहानले गर्नुभएको छ । भिडियोमा सुन्दर घलान, विनीता घलान र विकाश बुढाथोकीको अभिनय छ । आफूले मन पराएको मान्छे आफूदेखि कहिल्यै टाढा नहोस्, मायामा कमी नहोस् भन्ने भाव भिडियो कथामा व्यक्त गरिएको छ । प्रकाश खड्काको छायाङ्कन रहेको भिडियोको सम्पादन मीन रावलले गर्नुभएको छ । भिडियो गीतकार हरिभक्तको अफिसियल युट्युब च्यानलमार्फत सार्वजनिक गरिएको छ ।