संविधान दिवस तथा राष्ट्रिय दिवस विशेष समारोह (प्रत्यक्ष प्रसारण)

काठमाडौँ, असोज ३ गते । संविधान दिवस तथा राष्ट्रिय दिवस २०८१ का अवसरमा सैनिक मञ्च टुँडिखेलमा आयोजना भएको विशेष समारोहमा राष्ट्रपति रामचन्द्र पौडेल प्रमुख अतिथिका रूपमा सहभागी हुनुभएको छ । 

यसैगरी, उपराष्ट्रपति रामसहायप्रसाद यादव तथा संविधान दिवस मूल समारोह समितिका अध्यक्ष प्रधानमन्त्री केपी शर्मा ओली समारोहमा उपस्थित भइसक्नुभएको छ ।समारोहमा प्रधानन्यायाधीश विश्वम्भरप्रसाद श्रेष्ठ, प्रतिनिधि सभाका सभामुख देवराज घिमिरे, राष्ट्रिय सभाका अध्यक्ष नारायणप्रसाद दाहाल, पूर्व प्रधानमन्त्री डा. बाबुराम भट्टराईलगायत विशिष्ट पाहुनाहरुको उपस्थिति छ । 

समारोहमा नेपाली सेनाको हेलिकोप्टरबाट पुष्पवृष्टि गरिएको छ भने नेपाली सेना, सशस्त्र प्रहरी बल, नेपाल प्रहरी, काठमाडौं महानगरपालिका, ललितपुर महानगरपालिकालगायतले विशेष झाँकी प्रस्तुत गर्ने क्रम जारी छ ।