काठमाडौँ, भदौ ३० गते । स्टार खेलाडीद्वय केलियन एमबाप्पे र भिनिसियस जुनियरले पेनाल्टीमा गोल गरेपछि साविक विजेता रियाल मड्रिडले स्पेनिस ला लिगामा रियाल सोसिडाडमाथि सानदार जित निकालेको छ ।
शनिबार राति भएको खेलमा रियलले रियल सोसिडाडलाई उसैको मैदानमा २–० गोलले हरायो । रियलले दुवै गोल दोस्रो हाफमा गरेको हो । भिनिसियसले ५८औँ मिनेटमा पेनाल्टीमा गोल गर्दै टोलीको उत्साह जगाउनुभयो । त्यसपछि ७५औँ मिनेटमा एमबाप्पेले अर्को पेनाल्टीमा गोल गर्दै टोलीलाई जिताउनुभयो ।
तेस्रो जितसँगै पाँच खेलबाट ११ अङ्क बनाएको रियल दोसो स्थानमा उक्लिएको छ । पराजित सोसिडाड पाँच अङ्कसहित १६औँ स्थानमा छ । शीर्षस्थानमा हरेको बार्सिलोनाको चार खेलबाट १२ अङ्क छ । रियालले अब यसै साता च्याम्पियन्स लिगमा जर्मन बुन्डेसलिगाको स्टुटगार्ड क्लबसँग खेल्दैछ । एजेन्सी
