काठमाडाैँ, भदाै १९ गते । चलचित्र ‘कार्साङ्’को पहिलो पोस्टर सार्वजनिक भएको छ । निर्माण टिमले पोस्टरसँगै प्रदर्शन मिति सङ्केत घोषणा गरेको हो ।
सार्वजनिक गरिएको पोस्टरमा चलचित्रका दुई मुख्य पात्र दयाहाङ राई र सिर्जना निङ्लेखु छन् ।
यम शेर्पाको निर्देशनमा बनेको यो चलचित्रको अघिल्लो हप्ता मात्रै छायाङ्कन सकिएको हो । सिन्धुपाल्चोक जिल्लाको बाह्रबिसे नगरपालिका, भोटेकोसी गाउँपालिका क्षेत्रमा खिचिएको छ ।
यार्सा फिल्म्स र पुरुषोत्तम प्रधान फिल्म्सको प्रस्तुतिमा सिनेमा निर्माण गरिएको हो । सामाजिक कथावस्तुमा निर्माण भएको चलचित्रमा निर्देशक शेर्पा स्वयंको पटकथा र संवाद छ ।
चलचित्रमा दयाहाङ र सिर्जनासँगै जितु नेपाल, दीया मास्के, बुद्धि तामाङ, प्रेम लोप्चन, डोमा ह्योल्मो, सृष्टि गौतम, छोकी शेर्पा, शूरवीर पण्डित र कर्मा शेर्पाको अभिनय छ ।
बाल कलाकारमा राशि लिम्बू र सोहन थापाको अभिनय छ । सिनेमालाई पुरुषोत्तम प्रधानले खिच्नुभएको हो भने उहाँ चलचित्रका निर्माता हुनुहुन्छ ।
गोविन्द बोहरा सह–निर्माता रहेको सिनेमाका कार्यकारी निर्माता आङछिरिङ शेर्पा, लाइन प्रोड्युसर वीरेन्द्र शाही हुन् । मनोज थापा मगर, वरिष्ठ सेलो गायक एवम् सङ्गीतकार विश्व दोङ सङ्गीत रहने सिनेमाको मुख्य सहायक निर्देशकमा सुदीप कुँवर, अभि लामाको कोरियोग्राफी, दिलीप पन्त प्रोडक्शन म्यानेजर हुनुहुन्छ ।
