काठमाडौँ, भदौ ५ गते । कर्पोरेट क्रिकेट टी–१० लिगको उपाधि उपाधि डोग्मा ग्रुपले जितेको छ । फाइनल खेलमा डोग्माले प्राइम बैङ्कलाई ६ विकेटले हरायो ।
ललितपुरस्थित ग्रेट हिमालय क्रिकेट एकेडेमीको इन्डोर हलमा प्राइमले दिएको एक सय चार रनको लक्ष्य डोग्माले एक ओभर बाँकी छँदा एक विकेटको क्षतिमा पूरा गरेको थियो । डोग्माको लागि ओपनर आश्रय बस्नेतले अविजित ५७ रन बनाउनुभयो । कप्तान सुमन सिजापतिले अविजित २७ र निश्चल रिमालले १३ रन जोड्नुभयो ।
यसअघि टस जितेर पहिलो ब्याटिङ गरेको प्राइमका लागि नितेन मलेगोले २५, कृतार्थ शाक्यले २१ र प्रवेश श्रेष्ठले अविजित १६ रन बनाउनुभयो । बलिङमा डोग्माका लागि सगुन खड्का र सुमन सिजापतिले एक एक विकेट झार्नुभयो ।
सेमिफाइनलमा डोग्माले राष्ट्रिय वाणिज्य बैङ्कलाई ६ विकेट र प्राइमले आईसीएफसी फाइनान्सलाई ६ नै विकेटले हराएको थियो । प्रतियोगितामा कुल २० टोलीले प्रतिस्पर्धा गरेका थिए ।
