गाईजात्रामा रुरुक्षेत्रमा सार्वजनिक बिदा

तिलाचन पाण्डे
तम्घास, भदौ २ गते । गाईजात्राको अवसरमा रुरुक्षेत्र गाउँपालिकाले सार्वजनिक बिदा दिएको छ । सामाजिक तथा सांस्कृतिक रूपमा मनाइने पर्व गाईजात्राको अवसरमा भदौ ४ गते सार्वजनिक बिदा दिइएको गाउँपालिकाले जारी गरेको सूचनामा उल्लेख गरिएको छ ।

भदौ २ गतेको पालिका अध्यक्ष स्तरीय निर्णय अनुसार ४ गते सार्वजनिक बिदा दिने निर्णय भएको निमित्त प्रमुख प्रशासकीय अधिकृत छत्रबहादुर अधिकारीले जानकारी दिनुभयो ।

४ गते पालिका मातहतका कार्यालयहरू, शिक्षण संस्था ,स्वास्थ्य संस्था, बैङ्क तथा वित्तीय संस्थाहरू बन्द रहने कार्यालयले जनाएको छ ।

पालिका भित्र मनाइने विभिन्न पर्वहरूको संरक्षण गर्नु पालिकाको दायित्व समेत रहने पालिकाले जनाएको छ ।