अविनाश चौधरी
धनगढी, साउन १४ गते । कैलालीको गोदावरी नगरपालिका-९ मा स्कुल बस दुर्घटना हुँदा दुई जना विद्यार्थी घाइते भएका छन् । विद्यार्थीलाई घर छोड्न जाने क्रममा दुर्गाज्योति इङ्गलिस बोर्डिङ स्कुलको से ०१००१ ख २१८२ नम्बरको बस दुर्घटना भएको हो ।
अस्थायी प्रहरी पोष्ट स्याउलेका अनुसार बसमा २७ जना विद्यार्थी रहेकोमा दुई जना घाइते भएका छन् । उनीहरुलाई उपचारका लागि अत्तरियास्थित पद्मा अस्पताल लगिएको छ । बस चालक ३५ वर्षीय सैतुराम चौधरीलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
