काठमाडौँ, साउन १४ गते । चलचित्र ‘सतीदेवी’ ले चलचित्र प्रवर्धनको नयाँ शैली प्रयोग गरेको छ । ‘ठुङ मार्नूस्, नगद पुरस्कार जित्नूस्’ प्रतियोगितामार्फत ‘सतीदेवी’ निर्माताले पुरस्कार घोषणा गरेको छ ।
प्रतियोगितामा सहभागी हुने नियम पनि काइदाकै छ । परिवारका महिला सदस्यले सँगै बसेर ठुङ मार्दै गरेको फोटो खिचेर आफ्नो फेसबुक र इन्स्टाग्राममा ‘फिल्म ‘सतीदेवी’ ०७ भदौबाट प्रदर्शन हुँदै छ’ भन्ने क्याप्सन लेखेर पोस्ट गरी फेसबुक पेज सतीदेवीमा ‘ट्याग मेन्सन’ गर्ने र इनबक्समा पठाउनु पर्ने छ । त्यसै गरी इन्स्टाग्राममा अनिवार्य ‘ट्याग मेन्सन’ गर्नुपर्ने छ । प्रतियोगिताका पहिलो विजेताले २० हजार, दोस्रोले १० हजार र तेस्रोले पाँच हजार रुपियाँ प्राप्त गर्ने चलचित्र निर्माण कम्पनी दिलासा व्रिmएसनले जनाएको छ । फोटो पठाउने अवधि साउन ३१ गते रातिसम्म तोकिएको छ ।
‘सतीदेवी’ मा मलिका महत, सिर्जना अधिकारी, सुजिता शिवाकोटीको अभिनय रहेको छ । हर्षिका वली, मञ्जिला बानियाँ र समृद्धि सेन्चुरी बालकलाकार हुनुहुन्छ । चलचित्रमा कुलबहादुर अधिकारी, रमेश बुढाथोकी, सिर्जना अधिकारी, सन्दीपबाबु लोहनी, सन्देश लिम्बू, भोला सापकोटा, सुजिता शिवाकोटीलगायतको अभिनय रहेको छ ।
