भावना जोशी
अत्तरिया, असार २४ गते । कैलाली र कञ्चनपुरमा नदीमा डुबेर दुई जना बेपत्ता भएका छन् । कैलाली जिल्लाको कैलारी गाउँपालिका–९ गदरियाका १७ वर्षीय अजय राना नुहाउने क्रममा डुबेर बेपत्ता हुनुभएको हो । राना सोही ठाउँको भुररा नदीमा नुहाउने क्रममा डुबेर बेपत्ता भएको सुदूरपश्चिम प्रदेश प्रहरी कार्यालयले जनाएको छ ।
उहाँको खोजतलास भइरहेको र हालसम्म फेला नपरेको इलाका प्रहरी कार्यालय हसुलियाको प्रहरी टोली खटाई उहाँको खोजतलास भइरहेको प्रहरीले जनाएको छ । यस्तै कञ्चनपुर, जिल्ला बेलडाँगी गा.पा.३ बस्ने वर्ष अन्दाजी २३ को डम्मर चौधरी माछा मार्ने क्रममा खोलाले बगाई बेपत्ता भएको प्रदेश प्रहरी कार्यालयले जनाएको छ । चौदारा नदीमा माछा मार्न गएको बेला खोलाले बगाई बेपत्ता भएको र प्रहरी चौकी झिलमिला, कञ्चनपुरबाट प्रहरी टोली खटिई गई खोजतलास भइरहेको, प्रहरीले जनाएको छ ।
हालसम्म लास फेला नपरेको, नदीमा पानीको बहाव बढेकोले खोज तलासमा समस्या भएको प्रदेश प्रहरी कार्यालयले जनाएको छ ।
