काठमाडौँ, जेठ २९ गते । गायक राजनराज शिवाकोटी र गायिका सदीक्षा कट्टेलको स्वरको ‘खुर्सानीलाई बियाँ’ म्युजिक भिडियो सार्वजनिक गरिएको छ । राजेन्द्र थापाको शब्द र राजनराजको सङ्गीत रहेको म्युजिक भिडियोलाई प्रसन्न पौडेल र प्रचण्ड पौडेलले निर्देशन गर्नुभएको छ । भिडियोमा यशराज गराच, सामरिका ढकाल, अनिशा न्यौपाने र सरोज प्रजाको अभिनय छ ।
प्रकाश हमालले निर्माण गरेको भिडियोमा युमी बलामीको कोरियोग्राफी, राजुजङ्ग बस्नेतको सम्पादन, कुनालको कलर ग्रेडिङ र निशान पौडेलको छायाङ्कन रहेको छ । गीतको भिडियो भेल्भेट भाइब्स इन्टरटेनमेन्ट प्रोडक्सनबाट निर्माण गरिएको हो ।
