पर्यटन व्यवसायमा उत्साह
लामो प्रतीक्षापछि निर्माण भएको पोखराको क्षेत्रीय अन्तर्राष्ट्रिय विमानस्थलबाट हवाई उडान सुरु भएपछि पोखरेली जनतामा पोखराबाटै अन्तर्राष्ट्रिय उडान हुने आशा पलाएको छ ।
पर्यटकको पर्खाइमा म्याग्दीको तास्नाधुरी
धवलागिरी गाउँपालिका–१ गुर्जास्थित तास्नाधुरी पर्यटकका पर्खाइमा छ । हिमशृङ्खला, सूर्योदय, पहाडी भूगोलको दृष्यावलोकन र एकान्त वातावरणमा रमाउन सकिने तास्नाधुरी प्रचारप्रसार र पूर्वाधारको कमीले ओझेल परेको हो ।
समृद्धिको आधार पर्यटन
तराईको नवलपुरको त्रिवेणी सुस्तादेखि हिमालको धवलागिरि हिमाल (८१६७ मिटर) सम्म फैलिएको गण्डकी प्रदेश प्राकृतिक विविधतापूर्ण छ । साबिक धवलागिरि अञ्चलका चार जिल्ला, गण्डकी अञ्चलका छ जिल्ला र लुम्बिनी अञ्चलको नवलपरासी जिल्लाको बर्दघाट सुस्तापूर्वको क्षेत्र समेटेर बनेको प्रदेशको समृद्धिको मुख्य आधार नै पर्यटन हो । ऊर्जा, कृषि, उद्योग र व्यवसायका सम्भावना पनि यो प्रदेशमा छन् । पर्यटनको राजधानी सहर पोखरा महानगर प्रदेशको राजधानी सहरसमेत हो । राष्ट्रिय जनगणना २०७८ बमोजिम यो प्र
होमस्टेको ‘हब’ बन्दै लमजुङ
सार्क राष्ट्रकै नमुना पर्यटकीय गाउँका रूपमा विख्यात लमजुङको घलेगाउँ पुग्दा मुग्ध नहुने कोही नहोला ।
‘स्पार्क एडेभेञ्चर’: राजेश हमालदेखि विजय लामासम्म सहभागी
ओखलढुङ्गा र सोलुखुम्बुको पर्यटकीय स्थलहरुको प्रवद्र्धन गर्न ‘स्पार्क एडेभेञ्चर’ सञ्चालन गरिएको छ । पर्यटन प्रबर्धन गर्न उद्देश्यले ‘स्पार्क कार’को आयोजनामा ‘तेस्रो स्पार्क एड्भेञ्चर’ गरिएको हो ।
-original-thumb.jpg)
तिलिचो ताल जाने पर्यटकलाई आश्रयस्थल
मुस्ताङबाट सबैभन्दा छिटो पुगिने संसारकै अग्लो स्थानमा रहेको आकर्षक पर्यटकीय गन्तव्य तिलिचो ताल जाने पर्यटकलाई लक्षित गरी अन्नपूर्ण संरक्षण क्षेत्र आयोजना (एक्याप) इलाका संरक्षण कार्यालय जोमसोमले आश्रयस्थल निर्माण गरेको छ ।
खोटाङमा खेलकुद, साहित्यिक तथा पर्यटन महोत्सव आजदेखि
खोटाङ, वैशाख २७ गते । नेपाल खेलकुद प्रतिष्ठान खोटाङले दिक्तेल बजारमा आयोजना गरेको ‘दोस्रो बृहत खोटाङ हलेसी खेलकुद, साहित्यिक तथा पर्यटन महोत्सव–२०८२’ आजदेखि आगामी जेठ–४ गतेसम्म सञ्चालन हुँदै छ । खेलकुदको माध्यमबाट खोटाङलाई राष्ट्रिय तथा अन्तरराष्ट्रिय क्षेत्रमा परिचित गराउन, पर्यटकीय जिल्लाको रूपमा अघि बढाउन, खेलकुदलाई जिल्लाको गौरवको आयोजना बनाउन र सन् २०५० भित्र ओलम्पिक पदक जित्ने विभिन्न विधाका खेलाडी जिल्लामै उत्पादन गर्ने उद्देश्यले महोत्सवको आयोजना गरिएको हो । महोत्सवमा ६३ वटा पदकका लागि १३ वटा इभेन्टमा एथलेटिक्स विद्याका खुला महिला÷पुरूष हाफ म्याराथनसहित दौड, खुला महिलारपुरूष टेबलटेनिस, खुला पुरूष बुद्धिचाल र साहित्यिक प्रतियोगिता आयोजना गरिएको आयोजक नेपाल खेलकुद प्रतिष्ठान खोटाङका अध्यक्ष सञ्जयकुमार राईले जानकारी दिनुभएको छ । महोत्सवको पहिलो दिन आज (वैशाख–२७ गते) खुला महिला र पुरूष हाफ म्याराथनसहित एथलेटिक्स विद्याका सबै प्रतियोगिता सञ्चालन हुने आयोजकले जनाएको छ । खुला महिला र पुरूष २१ किलोमिटर हाफ म्याराथन प्रतियोगितामा नेपाली सेना, जनपद र सशस्त्र प्रहरीका तीन वटै क्लब, विभिन्न जिल्लाका धावकगरी ३५ जनाले सहभागिता जनाउने आयोजकले जनाएको छ । म्याराथनमा प्रथम, द्वितीय, तृतीय, चौथो, पाँचौ, छैटौँ र सातौँ हुनेले क्रमशः ७७ हजार सात सय ७७, ५५ हजार पाँच सय ५५, २५ हजार पाँच सय ५५, १५ हजार पाँच सय ५५, ११ हजार एक सय ११, सात हजार सात सय ७७ र पाँच हजार पाँच सय ५५ नगद पुरस्कारको साथमा ट्रफी, मेडल र प्रमाणपत्र पाउनेछन् । जिल्लाको प्रमुख व्यापारिक केन्द्र दिक्तेल बजारमा आयोजना गरिएको महोत्सवमा १० वर्षमुनिका छात्रछात्राका लागि एक माइल, १२ वर्षमूनिका छात्रछात्राका लागि दुई किलोमिटर, १५ वर्षमाथिका महिला÷पुरूषका लागि १० किलोमिटर, ६० वर्षमाथि पुरूषका लागि दुई किलोमिटर, आमाहरूका लागि पाँच किलोमिटर, १२ वर्षदेखि १५ वर्षमुनिका छात्रछात्राका लागि सात किलोमिटर र ३५ वर्षमाथिका राजनीतिज्ञ, जनप्रतिनिधि, पत्रकार, कर्मचारी, शिक्षक र व्यवसायीको दौड प्रतियोगिता हुने छ । दौड प्रतियोगितामा सहभागी हुनका लागि करिब सात सय धावकहरू जिल्ला भित्रिसकेको आयोजकले जनाएको छ । दस वर्षमुनिका छात्रछात्रा एक माल दौड प्रतियोगिताका प्रथम, द्वितीय र तृतीय हुनेले तीन हजार, दुई हजार, एक हजार, बाह्र वर्षमुनिका छात्रछात्रा दुई किलोमिटरमा प्रथम, द्वितीय र तृतीय हुनेले, चार हजार, तीन हजार र एक हजार पाँच सय, ६० वर्षमाथिका पुरूषको दुई किलोमिटर र आमाको पाँच किलोमिटरमा प्रथम, द्वितीय र तृतीय हुनेले क्रमशः नगद पाँच हजार पाँच सय, तीन हजार पाँच सय र दुई हजार पाँच सयका दरले पुरस्कार प्राप्त गर्ने जनाइएको छ । बाह्र वर्षदेखि १५ वर्षमुनिका छात्रछात्रा सात किलोमिटरमा प्रथम, द्वितीय र तृतीय हुनेले क्रमशः नगद सात हजार पाँच सय, छ हजार पाँच सय र पाँच हजार पाँच सयको साथमा ट्रर्फी, मेडर र प्रमाणपत्र प्राप्त गर्ने छन् । पैतीस वर्षमाथिका राजनीतिज्ञ, जनप्रतिनिधि, पत्रकार, कर्मचारी, शिक्षक र व्यवसायीको दौडमा प्रथम, द्वितीय र तृतीय हुनेले क्रमशः नगद १५ हजार, १० हजार र सात हजार पुरस्कार पाउनेछन् । १५ वर्षमाथिका महिला र पुरूष १० किलो मिटरमा प्रथम, द्वितीय र तृतीय हुनेले क्रमशः नगद १५ हजार, १० हजार, सात हजारको साथमा ट्रर्फी, मेडर र प्रमाणपत्र प्राप्त गर्ने छन् । महोत्सवको चौथो र पाँचौँ दिन ९वैशाख–३० र ३१ गते० खुला टेबलटेनिस र खुला राष्ट्रिय बुद्धिचाल प्रतियोगिता सञ्चालन हुने जनाइएको छ । जिल्ला समन्वय समिति खोटाङको सभाहलमा बुद्धिचाल तथा दिक्तेलस्थित माटिकोरे खेलमैदानको खोटाङ बहुउद्देश्यीय कभर्ड हलमा टेबलटेनिस प्रतियोगिता सञ्चालनको तयारी गरिएको छ । खुला सिनियर पुरूष टेबलटेनिस प्रतियोगिताअन्तर्गत प्रथम, द्वितीय र सेमिफाइनलिष्टले क्रमशः नगद २५ हजार, रु १२ हजार पाँच सय र सेमिफाइनलिस्ट दुई जनाले छ हजार दुई सय ५० का दरले पुरस्कार प्राप्त गर्ने छन् । खुला जुनियर पुरूष टेबलटेनिसमा प्रथम, द्वितीय र सेमिफाइनलिस्ट ले क्रमशः १५ हजार, सात हजार पाँच सय र सेमिफाइनलिस्ट दुई जनाले तीन हजार सात सय ५० का दरले नगद प्राप्त गर्ने छन् । खुला जुनियर महिला टेबलटेनिस प्रतियोगितामा प्रथम, द्वितीय र तृतीय हुनेले १० हजार, पाँच हजार र सेमिफाइनलिस्टले दुई जनाले क्रमशः दुई हजार पाँच सयका दरले नगद पुरस्कार पाउने छन् । उनीहरूका लागि ट्रफी, मेडल र प्रमाणपत्रसमेत प्रदान गरिने आयोजकले जानकारी दिएको छ ।खुला राष्ट्रिय बुद्धिचाल प्रतियोगितामा प्रथम, द्वितीय, तृतीय, चौथो, पाँचौँ र छैटौँ हुनेले क्रमशः नगद २५ हजार, १५ हजार, १० हजार, आठ हजार, सात हजार र चार हजारसहित ट्रफी, मेडल र प्रमाणपत्र पाउने छन् । महोत्सवको अन्तिम दिन अर्थात् आगामी जेठ–४ गते साहित्यिक (गीत, गजल र कविता गायन तथा वाचन) कार्यक्रम राखिएको आयोजकले जनाएको छ ।महोत्सव समापनको अवसरमा साहित्यिक क्षेत्रमा लामो समयदेखि कलम चलाउँदै आउनुभएका जिल्ला बाहिरका एक जना महिला साहित्यकारलाई नगदसहित सम्मान गर्ने तयारी गरिएको जनाइएको छ । महोत्सवका लागि जिल्ला समन्वय समिति खोटाङका प्रमुख सनबहादुर राईको संयोजकत्वमा मूल आयोजक समिति गठन गरिएको छ । दिक्तेल बजारस्थित सिँचाइगेटबाट सुुरु हुने हाफ म्याराथन तथा दौड प्रतियोगितामा सहभागी हुने विभिन्न जिल्लाका धावक तथा दर्शकले जिल्लामा माहोल बनेको छ । छ दिनसम्म सञ्चालन हुने महोत्सवको अवसरमा करोडौँको कारोबार हुने अपेक्षा गरिएको उद्योग वाणिज्य सङ्घ खोटाङले जनाएको छ । महोत्सवका लागि ३९ लाख ५५ हजार ८७ बजेट लाग्ने अनुमान गरिएको सहआयोजक नेपाल सितोरियो कराते सङ्घ खोटाङका अध्यक्ष सुमन राईले जानकारी दिनुभयो ।
पर्यापर्यटनको सम्भावना
तराईका पाँचसहित भित्री मधेश र पहाडी जिल्ला समेटेर १२ जिल्ला रहेको लुम्बिनी प्रदेश जैविक विविधता र पर्यापर्यटनको सम्भावना बोकेको प्रदेश हो ।
प्रदेश सरकारको प्राथमिकता पर्यटन प्रवर्धन : मुख्यमन्त्री आचार्य
लुम्बिनी प्रदेशका मुख्यमन्त्री चेतनारायण आचार्यले लुम्बिनी प्रदेशका धार्मिक, सांस्कृतिक र पर्यटकीय दृष्टिकोणले महत्त्वपूर्ण मानिएका स्थलको संरक्षण, प्रवर्धन र प्रचारप्रसारलाई प्राथमिकतामा राखेर सरकारले विशेष ध्यान दिएको बताउनुभएको छ।
पर्यटक पर्खिरहेको ‘भाले बास्ने’ ताल
राष्ट्रिय र अन्तर्राष्ट्रिय रूपमा परिचित ऐतिहासिक ताल मालिका र मङ्गला गाउँपालिकाको सिमानामा अवस्थित ताल पर्यटक पर्खिरहेको छ । मालिका गाउँपालिकाले तालसम्म पुग्ने पदमार्गसहित पूर्वाधार निर्माण गरेको छ भने स्थानीय दुखुबेँसीबासी यो तालको प्रचारप्रसार र प्रवर्द्धनमा जुटेका छन् ।
दुई करोड लगानीमा हाडिकोटमा पर्यटकीय पूर्वाधार निर्माण
पर्यटकीय गन्तव्यका रूपमा विकास भइरहेको जैमिनी नगरपालिका १० राङखानीको हाडिकोट टापुमा २ करोड बढी लगानीमा पर्यटकीय पूर्वाधार निर्माण गरिएको छ ।
पर्यटक आकर्षणको केन्द्र सौराहा
कलासंस्कृति तथा पर्वतीय पर्यटनका लागि नेपाल विश्वकै प्रमुख आकर्षणको केन्द्रका रूपमा स्थापित छ ।
चौथो औद्याेगिक प्रदर्शनी तथा पर्यटन महोत्सव सुरू
घरेलु उत्पादनको प्रवर्धन एवम् पर्यटन तथा जातीय परिकार प्रवर्धनका लागि चौथो औद्याेगिक प्रदर्शनी तथा पर्यटन महोत्सव २०८२ धनकुटामा सुरू भएको छ ।
रामारोशनको पर्यटन प्रवर्धन गर्न महोत्सव
मनमोहक र सुन्दर रामारोशन पर्यटकीय क्षेत्रको प्रवर्धन र विकासका लागि रामारोशन महोत्सवको तयारी थालिएको छ ।
टुर–द–खिजिदेम्बा पिके साहसिक पर्यटनको सुरुवात
काठमाडौँ, वैशाख २२ गते । काठमाडौँबाट दूरीले नजिक रहेको ओखलढुङ्गाको खिजिदेम्वामा रहेको पिके क्षेत्र रमणीय मात्र नभएर साहसिक पर्यटनका लागि उपयुक्त क्षेत्र मानिन्छ । पर्यटन व्यवसायीहरूले यस क्षेत्रको प्रवर्धनका लागि टुर द खिजिदेम्वा पिके साहसिक पर्यटन कार्यक्रमको सुरुवात गरेको छ । नयाँ वर्ष २०८२ सँगै टुर–द–खिजिदेम्बा पिके २०२५ प्रतियोगिता १ मे देखि ४ मे सम्म सफलतापूर्वक सम्पन्न भएको छ। यस ऐतिहासिक कार्यक्रमले खिजिदेम्बा र पिके–थोलेदेम्बा क्षेत्रलाई नेपालका प्रमुख साहसिक पर्यटन गन्तव्यहरूको सूचीमा उभ्याएको छ। यस कार्यक्रमले अल्ट्रा ट्रेल रेस म्याराथनको अवधारणा पुनः परिभाषित गर्दै, माउन्टेन बाइकीङ र साहसिक खेलहरूको माध्यमबाट यस क्षेत्रको पहिचानलाई नयाँ आयाम दिएको छ।खिजिदेम्बाले पाँच संस्करणसम्म अल्ट्रा ट्रेल रेस म्याराथन आयोजना गरिसकेको छ, जसले यस क्षेत्रलाई विश्वभरका साहसिक खेल प्रेमीहरूको ध्यान आकर्षित गराएको छ। यस कार्यक्रमको अनुभवले खिजिदेम्बा क्षेत्रलाई माउन्टेन बाइकिङ र साहसिक खेलका लागि पनि एक प्रमुख गन्तव्यको रूपमा स्थापित गरेको छ।साथै, केही दिन पहिले खिजिदेम्बा गाउँपालिकाले एक गल्फ प्रतियोगिता पनि आयोजना गरेको थियो, जसले क्षेत्रको विविधता र साहसिक पर्यटनका अवसरहरूलाई अझ बलियो बनाएको छ। यसले खिजिदेम्बाको पर्यटन क्षमतामा नयाँ अवसरहरूको प्रस्तुति गरेको छ र यस क्षेत्रको विशिष्टता र नयाँ पहलहरूलाई ध्यानमा राखेर यो कदम उठाइएको पर्यटन व्यवसायी एवं नेपाल पर्यटन बोर्डका पूर्व सदस्य ङावाङिमा शेर्पाले बताउनुभयो । खिजिदेम्बा पर्यटनको नयाँ दिशाटुर–द–खिजिदेम्बा पिके २०२५ को सफलता खिजिदेम्बाको पर्यटनको नयाँ युगको सुरुवात हो। यसअघि, खिजिदेम्बा अल्ट्रा ट्रेल रेस म्याराथनका लागि प्रसिद्ध थियो, जहाँ धावकहरूले उच्च हिमाली क्षेत्रमा ५० किलोमिटरभन्दा बढीको ट्रेल पार गर्थे। यस प्रतियोगिता को माध्यमबाट खिजिदेम्बाको पहिचान अब माउन्टेन बाइकिङ र साहसिक खेलका लागि पनि एक प्रमुख गन्तव्यको रूपमा स्थापित भएको छ।६७ किलोमिटर लामो ट्रेल, जो घना जङ्गल, सांस्कृतिक गाउँ र बौद्ध धरोहर स्थलहरूबाट गुज्रन्छ, यस क्षेत्रको समृद्ध सांस्कृतिक र प्राकृतिक सौन्दर्यलाई प्रस्तुत गरेको छ। खास गरी, पिके पिक (४,०६५ मिटर) मा रहेको सूर्योदय अवलोकन स्थलले सहभागीहरूलाई सगरमाथा र अन्य हिमालयन शृङ्खलाहरूको अनुपम दृश्य प्रदान गरेको थियो।अल्ट्रा ट्रेल रेस म्याराथनको कडा चुनौती र अब धावकहरूको लागि माउन्टेन बाइकिङको चुनौतीले एक नयाँ साहसिक अध्याय थपेको छ। यस प्रतिस्पर्धाले खिजिदेम्बा क्षेत्रको प्रकृति र साहसिक अवसरलाई नवीनतम पद्धतिमा प्रस्तुत गरेको छ।समुदायको सहभागिता र प्रभावयस प्रतियोगिताले स्थानीय समुदायलाई सक्रिय रूपमा समावेश गर्नमा सफलता प्राप्त गर्यो। खिजिदेम्बा गाउँपालिका र स्थानीय पर्यटन समितिले सहयोग गरेर, स्थानीय होमस्टे, गेस्ट हाउस, युवा स्वयंसेवकहरू र सांस्कृतिक प्रस्तुतिकर्ताहरूलाई एकीकृत गरी यस कार्यक्रमको सफलतामा महत्त्वपूर्ण भूमिका निभाएको थियो। स्थानीय व्यवसाय र रोजगारीमा प्रत्यक्ष योगदानले यस कार्यक्रमलाई एक दिगो र समावेशी गतिविधिका रूपमा स्थापित गर्यो।कार्यक्रम संयोजक ङावा ङीमा शेर्पा ले भन्नुभयो, “यहाँ हामी केवल एक साहसिक प्रतियोगिता मात्र आयोजना गर्दैछौं भन्ने कुरा होइन। यो हाम्रो समुदायको पहिचान, गर्व र दिगो पर्यटनको हाम्रो भविष्यको प्रतिबद्धता हो।”दिगो पर्यटन र सशक्तीकरणको प्रतिबद्धताखिजिदेम्बा गाउँपालिकाका अध्यक्ष गम्बु शेर्पाले यस कार्यक्रमको सफलता र भविष्यमा खिजिदेम्बालाई पर्यटनको दिगो गन्तव्य बनाउनका लागि थप योजनाहरू साझा गरे। उनले भने, “हाम्रो गाउँपालिकामा अपार सम्भावना छ। हामीले खिजिदेम्बालाई एक उत्कृष्ट पर्यटन गन्तव्यका रूपमा प्रस्तुत गर्न चाहन्छौं, जसले केवल हाम्रो पहिचानलाई बलियो बनाउँछ, तर स्थानीय रोजगारी र आर्थिक समृद्धिको नयाँ ढोका पनि खोल्ने छ।”उनको नेतृत्वमा, खिजिदेम्बा गाउँपालिका दिगो, पर्यावरणमैत्री र समावेशी पर्यटनको विकासमा कटिबद्ध छ। आगामी वर्षहरूमा ट्रेल संरक्षण र क्षेत्रीय विकासका लागि कदम उठाइनेछ, जसमा अल्ट्रा ट्रेल रेस म्याराथन र माउन्टेन बाइकिङ गल्फ लाई जोड दिइनेछ।खिजिदेम्बाले पछिल्लो समय गल्फ प्रतियोगिता पनि आयोजना गरी क्षेत्रको पर्यटन र खेलकुदको सम्भावनालाई थप व्यापक बनाएको छ। यसले खिजिदेम्बालाई एउटा विविध खेल गन्तव्यको रूपमा प्रस्तुत गरेको छ, जहाँ साहसिक खेलहरू, सांस्कृतिक गतिविधिहरू र खेलकुदका अवसरहरू मिलेर एक नयाँ पर्यटन मोडेलको सुरुवात भएको छ। वैश्विक सहभागिता र समृद्धिको यात्राटुर–द–खिजिदेम्बा पिके २०२५ मा ६२ जना अन्तर्राष्ट्रिय र राष्ट्रिय साइक्लिस्टहरूको सहभागिता भएको थियो, जसमा श्री किम यङ सिक, चुङ्गबुक पर्वतारोहण सङ्घका अध्यक्ष (दक्षिण कोरिया) र एक पेशेवर माउन्टेन बाइक सवार पनि सहभागी थिए। यस प्रतियोगिताले खिजिदेम्बालाई एक अन्तर्राष्ट्रिय स्तरको साहसिक पर्यटन गन्तव्यको रूपमा प्रस्तुत गर्यो, जसले वैश्विक ध्यान आकर्षित गर्न सफल भएको छ।अन्तर्राष्ट्रिय खेलाडीहरूको उपस्थितिले खिजिदेम्बाको पर्यटन क्षेत्रमा नवीनतम ज्ञान आदानप्रदान र सहकार्यको अवसर प्रदान गर्यो, जसले क्षेत्रीय विकास र स्थिर पर्यटनको सम्भावना थप प्रवर्धन गर्यो।टुर–द–खिजिदेम पिके २०२५ को समापन समारोहमा, खिजिदेम्बा गाउँपालिकाका अध्यक्ष गम्बु शेर्पा र प्रदेश सदस्यले प्रतिस्पर्धामा सहभागी ६२ जना विजेताहरूलाई गोल्ड मेडल र प्रमाणपत्र प्रदान गरे। यस पुरस्कार वितरण कार्यक्रमले प्रतियोगितामा भाग लिएका साइक्लिस्टहरूको कडा परिश्रम र सफलता सम्मानित गर्न एक ऐतिहासिक क्षण प्रदान गरेको थियो।यो पुरस्कार वितरण केवल विजेताहरूका लागि सम्मान मात्र थिएन, यसले स्थानीय समुदाय र साहसिक पर्यटनमा थप उत्साह र प्रेरणा थपेको छ। खिजिदेम्बाका लागि यस कार्यक्रमले पर्यटनको नयाँ युगको सुरुवात गरेको छ, जसले न केवल प्रतिबद्धता र साहसिक उत्साहीहरूको मनोबल बढाएको छ, तर स्थानीय समुदाय र युवा प्रतिभाहरूको प्रोत्साहन पनि बढाएको छ।
एसियन बुद्धिस्ट सांस्कृतिक महोत्सव सम्पन्न
काडमाडाैँ, वैशाख २२ गते । चौथो एसियन बुद्धिस्ट सांस्कृतिक महोत्सव २०२५ सम्पन्न भएको छ । लुम्बिनीमा आयोजना भएको सम्मेलन विभिन्न कार्यक्रमका साथ सम्पन्न भएको हो । महोत्सवमा बौद्ध धर्मका विभिन्न धार्मिक अनुष्ठान र प्रवचन र विभिन्न कार्यक्रमहरू आयोजना भएको थियो । तीन दिनसम्म चलेको महोत्सवमा विश्वभरका बौद्ध धर्म अनुयायीहरू, विद्वानहरू, युवाहरू र संस्कृति अनुरागीहरूको सहभागिता थियो । लुम्बिनीलाई अन्तर्राष्ट्रिय बौद्ध दर्शन, अध्यात्म र शान्तिको केन्द्रका रूपमा अझ सुदृढ बनाउने लक्ष्यका साथ महोत्सवको आयोजना गरिएको लुम्बिनी विकास कोषका उपाध्यक्ष ल्यारक्याल लामाले बताउनुभयो । प्रधानमन्त्री केपी ओलीको प्रमुख आतिथ्य रहेको कार्यक्रममा पर्यटन मन्त्री, प्रदेशका मुख्य मन्त्री लगायत अतिथिहरूको सहभागिता थियो । यस महोत्सवमा चीन, थाइल्यान्ड, श्रीलङ्का, क्याम्बोडिया, म्यानमार, भुटान, जापान, दक्षिण कोरिया, भारत लगायत ५० भन्दा बढी राष्ट्रका प्रतिनिधि सहभागी थिए। महोत्सव बौद्ध दर्शन र संस्कृतिको प्रवर्द्धन गरी विश्वशान्ति, सद्भाव अभिवृद्धि गर्ने उद्देश्यले सारिपुत्र फ़ाउण्डेशनको आयोजनामा नेपाल सरकार लुम्बिनी विकास कोष, चाइनिज कल्चर प्रोमोशन सोसाइटी, लुम्बिनी विश्वविद्यालय, वर्ल्ड एलायन्स फर बुद्धिस्ट कल्चरल एक्सचेन्ज लिमिटेड र वुजोउ पीस कलिग्राफी एण्ड पेन्टिङ एकेडेमी संस्थाहरुको सहकार्यमा सम्पन्न भएको हो। सारीपुत्र फ़ाउण्डेशनका अध्यक्ष भन्ते सुमंगलोका अनुसार यो महोत्सवको आयोजना सन् २०११ मा पहिलो पटक क्याम्बोडियाबाट सुरु भएको थियो र त्यसयता श्रीलङ्का, थाइल्यान्ड हुँदै यस पटक नेपालको लुम्बिनीमा चौथो संस्करण सम्पन्न भएको हो। यस आयोजनाले लुम्बिनीको मात्र नभई रामग्राम, मधुवन र विशेष गरेर तिलौराकोटको अन्तर्राष्ट्रिय स्तरमा उच्च तहमा प्रचार हुन सहयोग पुगेको बताउनुभयो। यसका साथै स्थानीय पर्यटन र आर्थिक विकासमा समेत टेवा पुगेको र पुर्याउने अपेक्षा गरिएको बताउनु भयो।यसै गरी उक्त महोत्सवले आध्यात्मिक एवं सांस्कृतिक प्रभाव मात्र नभई ,विश्व समुदायमा नै करुणा, सहिष्णुता र शान्तिको सन्देश दिने एउटा उदाहरणीय प्रयास भएको पनि बताउनुभयो। महोत्सवको पहिलो दिनको, साँझमा लिटिल बुद्धको परिसरमा आयोजित “महादीप प्रज्वलन कार्यक्रम” विशेष आकर्षण बनेको थियो । सारिपुत्र फाउन्डेसन र लुम्बिनी विकास कोषको सहकार्यमा आयोजित यस कार्यक्रममा ६० हजार बत्ती बालिएको थियो, जसले करुणा, शान्ति र एकताको सन्देश विश्वभर फैलाएको थियो। हजारौँ भिक्षु, भिक्षुणी, अतिथि तथा भक्तजन यस अवसरमा उपस्थित थिए।हालै म्यानमारमा गएको विनाशकारी ७.७ म्याग्निच्युडको भूकम्पका पीडितहरूप्रति श्रद्धाञ्जली र प्रार्थना पनि गरिएको थियो।
सोक्ला रक क्लाइम्बिङ प्रतियोगितामा सक्सेस लामा प्रथम
सोक्ला रक क्लाइम्विङ महोत्सव तथा प्रतियोगिता २०८२ को उपाधि सक्सेस लामाले हात पार्नुभएको छ। रक क्लाइम्विङ प्रतियोगितामा लामाले १ मिनेट १४ सेकेन्डमा ३० मिटरको रक आरोहण गरेर प्रथम भएको हो।
मुस्ताङमा चार महिनामा ५१ हजार विदेशी पर्यटक
मुस्ताङमा सन् २०२५ को चार महिना ५१ हजार ८९६ विदेशी पर्यटक भित्रिएका छन् । अन्नपूर्ण संरक्षण क्षेत्र आयोजना ९एक्याप० जोमसोमका अनुसार सन् २०२५ को जनवरी १ देखि अप्रिल अन्तिमसम्म उक्त सङ्ख्यामा विदेशी पर्यटक मुस्ताङ भित्रिएका हुन् ।
आगामी दशकलाई आन्तरिक रोजगारी दशकका रूपमा मनाइने
आगामी दशकलाई आन्तरीक रोजगारी दशकका रूपमा मनाइने भएको छ । शुक्रबार सङ्घीय संसदको संयुक्त बैठकमा २०८२/८३ को नीति तथा कार्यक्रम प्रस्तुत गर्नुहुँदै राष्ट्रपति रामचन्द्र पौडेलले यस्तो जानकारी दिनुभयो ।
कर्णालीको पर्यटनमा लगानी गर्न मुख्यमन्त्री कँडेलको आग्रह
कर्णाली प्रदेशका मुख्यमन्त्री यामलाल कँडेलले कर्णालीको पर्यटन क्षेत्रमा लगानीका गर्न आग्रह गर्नुभएको छ ।
बर्दिया राष्ट्रिय निकुञ्जमा बढे पर्यटक
कोरोना सङ्क्रमणका कारण धरासायी बन्दै गएको बर्दिया जिल्लाको पर्यटकिय क्षेत्र पछिल्लो समय भने पर्यटकको आगमन हुन थालेको छ ।
ढोरपाटनमा ११ नाउर र सात झारलको सिकार
ढोरपाटन सिकार आरक्षमा चालु आर्थिक वर्ष २०८१–८२ को दोस्रो याम (फागुन–वैशाख) मा ११ नाउर र सात झारलको सिकार भएको छ ।
सिदिङ्मा धाममा बढ्न थाले पर्यटक
ताप्लेजुङको धार्मिक पर्यटकीय क्षेत्रको रूपमा रहेको सिदिङ्मा धाममा पर्यटक बढ्न थालेका छन् ।
गौमुखी ऋषिले तपस्या गरेको आकर्षक ‘गाईथुने’
पवित्र कालीगण्डकी नदीको किनारमा अवस्थित छ गाईथुने । बागलुङको जैमिनी नगरपालिका–८ छिस्ती बेलबगरमा अवस्थित गाईथुनेप्रति मानिसका विभिन्न मान्यता र बुझाइ रहँदैआएको छ।
दोलखा ‘रक क्लाइम्बिङ महोत्सव’ हुँदै
चरिकोट, वैशाख १७ गते । दोलखालाई साहसिक पर्यटकीय गन्तव्यको रूपमा विकास गर्न ‘सोक्ला रक क्लाइम्बिङ महोत्सव हुने भएको छ । महोत्सवमा क्लाइम्बिङ प्रतियोगितासमेत हुने आयोजकले जनाएको छ । सोक्लाश्वरी पर्यटन विकास समाजको आयोजनामा ‘एडभेन्चर क्लाइम्बिङ हब’को रूपमा दोलखाको सोक्ला भ्यालीको प्रवर्द्धन गर्ने उद्देश्यका साथ वैशाख २० र २१ गते महोत्सव आयोजना गर्न लागिएको हो । दोलखाको भीमेश्वर नगरपालिका २ स्थित सोक्ला भ्यालीमा आयोजना हुने यो तेस्रो संस्करणको महोत्सव रहेको पर्यटन विकास समाजले जनाएको छ । नेपाल पर्यटन बोर्ड र भीमेश्वर नगरपालिकाको आर्थिक सहयोगमा दुई दिने रक क्लाइम्बिङ महोत्सव हुन लागेको पर्यटन समाजका अध्यक्ष अर्जुन पाख्रिनले जानकारी दिनुभयो । ‘साहसिक पर्यटनको विकास गर्ने उद्देश्यले सोक्लामा रक क्लाइम्बिङ सुरु गरिएको हो’, समाजका अध्यक्ष पाख्रिनले भने, ‘सोक्ला र चक्पा क्षेत्रमा पर्ने गुम डाँडाको भीर ४२० मिटरको पहाड हो। यही प्राकृतिक चटानमा रक क्लाइम्बिङ गन्तव्यको विकास गर्न महोत्सव आयोजना गरेका छौं ।’सोक्ला र चक्पाको भीरमा आयोजना गरिने रक क्लाइम्बिङको लागि २५-२५ मिटरको दुई वटा सिङ्गल पिचको रक रुट तयार गरिएको छ । यस वर्ष रक रुट सय मिटरको उचाइमा पुर्याउने लक्ष्य रहेको पर्यटन विकास समाजले जनाएको छ । पर्यटन विकास समाजले २०७८ देखि सोक्ला भ्यालीको चरा पर्यावरण, प्रकृतिसँगै संस्कृति, पर्यटन प्रवर्द्धन, पर्यटकीय पूर्वाधार विकासमा रचनात्मक कार्यहरू गर्दै आइरहेको छ । समाजले यसअघि जापानीज नागरिकहरूको हिकारी संङ गिफ्ट कार्यक्रम, फ्रान्सको दूतावासको सहयोगमा रक क्लाइम्बिङ हाइकिङ गरेका थिए । यसपछि समाजले साहसिक गन्तव्यको रूपमा सोक्ला भ्यालीलाई प्रवर्द्धन गर्ने क्रममा रक क्लाइम्बिङ परियोजना सञ्चालन गर्दै आइरहेको छ । समाजका अध्यक्ष पाख्रिनले सोक्ला भ्यालीमा साहसिक गन्तव्यको विभिन्न सम्भावना भएको बताए । यहाँ बन्जिजम्प, जिपलाइन, साइक्लिङ, चराका प्रजाति अध्ययन केन्द्र, मरेङ खोलामा क्यानोनिङ, सिंगटीदेखि सोक्ला भ्यालीसम्म र्याफ्टिङ जस्ता सम्भावना भएको पाख्रिनको भनाइ छ । ‘भीमेश्वरको सोक्ला भ्याली सम्भावना बोकेर पनि ओझेलमा परेको पर्यटकीय साहसिक गन्तव्य हो,’ अध्यक्ष पाख्रिनले भन्नुभयो,‘तर, स्थानीय तहले यस विषयमा अध्ययन अनुसन्धान र सम्भावनाको विषयमा खोजी गर्न सकेको छैन ।’ सदरमुकाम चरिकोटबाट आठ किलोमिटर दुरीमा रहेको सोक्ला गाउँ धार्मिक एवं सांस्कृतिक रूपमा समेत महत्त्वपूर्ण छ । सोक्ला गाउँ विशेष गरी कृषि पर्यटनसँगै, पर्यापर्यटन, साहसिक पर्यटन, चरा पर्यापर्यटन, गौरीशङ्कर शृङ्खलाको दृश्य हेर्ने गन्तव्य र धार्मिक अध्ययन अनुसन्धानका लागि यो क्षेत्र प्रसिद्ध छ ।महोत्सवका लागि माउन्टेन गाइड एसोसिएसन अफ नेपालले प्राविधिक पक्षको संयोजन गरेका छन् । रक क्लाइम्बिङ उद्घाटन समारोहमा स्थानीय झाँकी, ताम्बा, झाँक्री, मारुनीसँगै पञ्चै बाजाको समेत प्रस्तुति रहनेछ । सोक्लाश्वरी पर्यटन विकास समाजले विगत पाँच वर्षदेखि सोक्ला रक क्लाइम्बिङ प्रवर्धनमुखी कार्यक्रमहरू गर्दै आइरहेको छ । रक क्लाइम्बिङ महोत्सवमा तीन सयको सहभागिता रहने अपेक्षा गरिएको छ ।
