प्रशिक्षक थापासँग फुटबलबारे अन्तक्रिया
नेपाली राष्ट्रिय टोलीका पूर्व प्रशिक्षक तथा दक्षिण एसियाली महान फुटबलर श्याम थापासँग फुटबल खेलबारे अन्तरक्रिया गरिएको छ । खेलाडी डटकमले हाम्रो फुटबल नेपालसँगको सहकार्यमा आइतबार थापासँग अन्तरक्रिया कार्यक्रम गरेको हो ।
दीपकलाई सहायक मुख्य प्रशिक्षकको जिम्मेवारी
साग स्वर्ण पदकधारी दीपक श्रेष्ठलाई राष्ट्रिय खेलकुद परिषद्ले थप जिम्मेवारी प्रदान गरेको छ । सहायक प्रशिक्षकमा कार्यरत श्रेष्ठलाई साउन २६ गतेको सदस्य सचिव स्तरीय निर्णयानुसार समान श्रेणी, पद र सुविधा कायम रहने गरि सहायक मुख्य प्रशिक्षकको जिम्मेवारी प्रदान गरिएको हो ।
दुई तीन महिनामा ब्याटिङ समस्या सुधार्ने प्रशिक्षक प्रभाकरको प्रतिबद्धता
नेपाली राष्ट्रिय क्रिकेट टोलीका नवनियुक्त प्रशिक्षक मनोज प्रभाकरले नेपाली राष्ट्रिय क्रिकेट टोलीका देखिएको सदाबहार ब्याटिङ समस्या दुई देखि तीन महिनामा सुधार गर्ने बताउनु भएको छ ।
राष्ट्रिय टोलीको प्रारम्भिक सूचीमा ४० खेलाडी
अखिल नेपाल फुटबल संघ (एन्फा) ले राष्ट्रिय फुटबल टोलीको तयारीका लागि प्रारम्भिक सुचीमा ४० जना खेलाडीलाई बोलाएको छ । एन्फाले हालै नियुक्त गरेको कार्यवाहक प्रशिक्षक प्रदीप हुमगाईंले यसअघि टोलीबाट विद्रोह गरेका १० जना पूराना खेलाडीसहित ४० जनालाई प्रारम्भिक चरणको तयारीमा बेलाउनु भएको हो ।
एसी मिलान र इन्टरको सुखद सुरुवात
साविकको विजेता एसी मिलान र उपविजेता इन्टर मिलानले इटालियन सिरी ‘ए’ फुटबलमा सुखद सुरुवात गरेका छन् । नयाँ सिजनको पहिलो खेलमा शनिबार राति एसी मिलानले घरेलु मैदानमा उडिनेसलाई ४–२ गोलले हरायो । अर्को खेलमा इन्टरले लिस्सेलाई २-१ गोलले स्तब्ध बनायो ।
सिजनको पहिलो खेलमा बार्सिलोनाको बराबरी
बार्सिलोनाले स्पेनिस ला लिगा फुटबलबा बराबरी खेल्दै अंक बाँडेको छ । घरेलु मैदानमा शनिबार राति भएको खेलमा बार्सिलोना रायो भालेकानोसँग गोलरहित बराबरी रोकिएको हो । बल पोसेसनमा पकड जमाएपनि बार्सिलोनाले गोल गर्न सकेन ।
नेयमार चम्किएपछि पीएसजीको सानदार जित
ब्राजिलका स्टार नेयमार चम्किएपछि पेरिस सेन्ट जर्मेन (पीएसजी) ले फ्रेन्च लिग वान फुटबलमा सानदार जित निकालेको छ । घरेलु मैदानमा शनिबार राति पीएसजीले मोन्टपेलियरलाई ५–२ गोलले हरायो ।
सिटी र आर्सनलको लगातार दोस्रो जित
साविक विजेता म्यानचेस्टर सिटी र आर्सनलले इङ्लिस प्रिमियर लिगका लगातार दोस्रो जित निकालेका छन् । घरेलु मैदानमा शनिबार राति भएको खेलमा सिटीले बर्नमाउथलाई ४-० गोलले हरायो । अर्को खेलमा आर्सनलले लेस्टर सिटीमाथि ४-२ गोलको जित निकालेको हो ।
क्रिकेट प्रशिक्षक प्रभाकर आइपुग्नुभयो
नेपाली राष्ट्रिय क्रिकेट टोलीको नवनियुक्त प्रशिक्षक मनोज प्रभाकर शनिबार साँझ नेपाल आइपुग्नुभएको छ । नेपाल क्रिकेट संघ क्यानले साउन २३ गते उहाँलाई नेपालको प्रशिक्षकमा नियुक्त गरेको थियो ।
मनिष डाँगी बहराइनको क्लबमा अनुबन्ध
नेपाली राष्ट्रिय फुटबल टोलीका मिडफिल्डर मनिष डाँगी बहराइनको क्लब इत्तेहाल अल रेफमा अनुबन्ध हुनुभएको छ । क्लबले शनिबार मनिषसँग सम्झौता गरेको जनाएको छ ।
विष्णुकान्तलाई निर्वाचन संयोजकको जिम्मेवारी
नेपाल फुटकन्ट्याक्ट महासंघको साधारण एवं विधान संसोधन सभाले महासंघका महासचिव विष्णुकान्त अर्याललाई महासंघको नयाँ निर्वाचन गर्नका लागि संयोजकको जिम्मेवारी प्रदान गरेको छ ।
मेस्सी १५ वर्षपछि बालोन डी’ओरको मनोनयन बाहिर
अर्जेन्टिना एवं पेरिस सेन्ट जर्मेन (पीएसजी) का स्टार लियोनल मेस्सी डेढ दशकपछि बालोन डी’ओर मनोनयनमा अटाउनु भएको छैन । मेस्सी १५ वर्षपछि बालोन डी’ओरको मनोनयनमा नअटाउनु भएको हो ।
खेलकुद पत्रकार मञ्च कैलालीको अध्यक्षमा पाठक
नेपाल खेलकुद पत्रकार मञ्च समन्वय शाखा कैलालीको अध्यक्षमा प्रदीप पाठक चयन हुनुभएको छ । मञ्चको शनिबार भएको चौथो साधारणसभा तथा तेस्रो अधिवेशनबाट पाठक सर्वसम्मत अध्यक्षमा हुनुभएको हो ।
सेभियालाई पहिलो खेलमै ओसासुनाको झट्का
स्पेनिस ला लिगामा नयाँ सिजनको सुरुवातमै सेभियालाई ओसासुनाको नमिठो झट्का लागेको छ । शुक्रबार रातिदेखि सुरु भएको ला लिगाको पहिलो खेलमा सेभिया ओसासुनासँग उसैको मैदानमा २–१ गोलले पराजित भयो ।
च्याम्पियन मार्सल आर्ट्स एकेडेमी स्थापना
मार्सल आर्ट्स खेलमा नेपाललाई विभिन्न समयमा पदक जिताउने च्याम्पियन खेलाडीहरुले काठमाडौं महानगरपालिका -१६ को खरिबोटमा च्याम्पियन्स मार्सल आर्टस् एकेडेमीको स्थापना गरेका छन् । हाल प्रवासमा रहँदै आएका पूर्व राष्ट्रिय तथा अन्तर्राष्ट्रिय खेलाडीको पहलमा शुक्रबारदेखि एकेडेमी औपचारिक सञ्चालनमा आएको हो ।
यु-१७ को प्रशिक्षणबाट १५ खेलाडी बाहिरिए
काठमाडौं, साउन २७ गते। अखिल नेपाल फुटबल संघ (एन्फा) ले साफ यु-१७ च्याम्पियनसिप र एएफसी यू-१७ एशियन कप छनोटका लागि प्रशिक्षणमा रहेका १५ खेलाडी बाहिरिएको जनाएको छ। बन्द प्रशिक्षणमा रहेका ४५ खेलाडी मध्येबाट १५ खेलाडी बाहिरिएको जनाएको हो। अब प्रशिक्षणमा टप ३० खेलाडी रहेका छन्। मुख्य प्रशिक्षक उर्जन श्रेष्ठले सम्हालेको टोलीबाट शुक्रवार बन्द प्रशिक्षणमा रहेका ४५ खेलाडीबाट १५ खेलाडी बाहिरिएको एन्फाले बताएको छ। यससँगै अब यु-१७ को बन्द प्रशिक्षणमा ३० खेलाडी मात्र रहेका छन्। श्रीलंकामा सेप्टेम्बर ५ हुने आयोजना हुने साफ यु- १७ च्याम्पियनसिपमा नेपाल समूह बीमा रहेको छ। नेपाल रहेको समूहमा भारत र भुटान रहेका छन् भने समूह ए मा आयोजक श्रीलंका बंगलादेश र माल्दिभ्स अटाएका छन्। यस्तै यु-१७ को अर्को प्रतियोगिता एशियन कप छनोट अक्टोबर १ देखि ९ सम्म हुँदैछ। त्यसका लागि पनि यही टोलीले सहभागिता जनाउने तालिका रहेको छ। छनोट खेल भियतनाममा आयोजना हुँदैछ।
विश्वकप फुटबलको खेल तालिका परिवर्तन
कतारमा आगामी मङ्सिर ५ गतेदेखि प्रारम्भ हुने फिफा वल्डकप २०२२ एक दिन अगाडि अर्थात् मङ्सिर ४ गतेदेखि हुने भएको छ ।
एन्फा मानार्थ अध्यक्ष श्रेष्ठ, कार्यवाहक प्रशिक्षकमा हुमागाईं
अखिल नेपाल फुटबल संघ (एन्फा) को मानार्थ अध्यक्षमा नरेन्द्र श्रेष्ठ नियुक्त हुनुभएको छ । बिहिबार बसेको एन्फा बैठकले आगामी साधारणसभामा प्रस्ताव सहित अनुमोदन गर्ने गरी श्रेष्ठलाई मनार्थ अध्यक्षमा नियुक्त गर्ने निर्णय गरेको हो ।
रियलले चुम्यो सुपर कप उपाधि
यूईएफए सुपर कप फुटबलको उपाधि स्पेनिस पावर हाउस रियल म्याड्रिडले जितेको छ । फिनल्यान्डमा बुधबार राति भएको खेलमा रियलले जर्मन प्रतिद्वन्द्वी आइन्ट्राक्ट फ्रान्कफर्टलाई २–० गोलले हराउँदै रियलले उपाधि चुमेको हो ।
वाइ पोनटिङलाई इन्डोर क्रिकेट उपाधि
इटहरी क्रिकेट एकेडमीको आयोजनामा सुनसरीमा सम्पन्न अन्तरविद्यालय इन्डोर क्रिकेट प्रतियोगिको उपाधि वाइ पोनटिङले जितेको छ । इटहरी क्रिकेट रंगशालाको इन्डोर क्रिकेट हलमा विहिबार भएको फाइनल खेलमा वाइ पोनटिङले पशुपति स्कुललाई पाँच विकेटले हरायो ।
‘प्याराग्लाइडिङ प्रतियोगिता पोखरामै गरौँ’
नवौँ राष्ट्रिय खेलकुद प्रतियोगिताअन्तर्गत प्याराग्लाइडिङ खेल सञ्चालन पोखरामा नै गर्दा उपयुक्त हुने सुझाव दिइएको छ। पोखरा रङ्गशालामा आयोजित छलफल कार्यक्रममा प्याराग्लाइडिङका राष्ट्रिय तथा अन्तर्राष्ट्रिय खेलाडीले सुरक्षासहित अन्य कारणले गर्दा पोखराभन्दा अन्यत्र उक्त प्रतियोगिता सञ्चालन गर्न मनासिब नभएको निष्कर्ष निकालिएको छ।
दीपा भारतीय क्लबमा अनुबन्ध
नेपाल पुलिस क्लब तथा राष्ट्रिय टोलीकी मिडफिल्डर दीपा न्यौपाने भारतीय क्लबमा अनुबन्ध हुनुभएको छ । मिडफिल्डर दीपाले केरेला महिला लिगका लागि भारतीय क्लब डनबस्को एफएसँग सम्झौता गर्नुभएको हो ।
यूईएफए सुपर कप भिडन्त आज
स्पेनको च्याम्पियन क्लब रियल म्याड्रिडले ट्रफी जितेर गत सत्र सकाएको थियो। सो क्लबले यस सत्रको सुरुवात ट्रफी जितेर नै गर्न चाहेको छ। यसका लागि रियल म्याड्रिडले बुधबार जर्मनीको आइन्ट्राक्ट फ्रान्कफर्टसँग यूईएफए सुपर कपको उपाधि भिडन्त गर्दैछ। यूएएफए सुपर कप नयाँ सत्रको सुरुवातमा च्याम्पियन्स लिग विजेता र युरोपा लिग विजेताबीच हुने गर्दछ। सो खेल फिनल्यान्डको हेलसिन्कीमा हुनेछ। फिनल्यान्डमा पहिलो पटक यूईएफएको फाइनल हुन लागेको हो।
नेपाल र केन्याबीचको खेल तालिका सार्वजनिक
नेपाल र केन्याबीच हुन लागेको टी–२० र एक दिवसीय सिरिजको खेल तालिका सार्वजनिक भएको छ । नेपाल क्रिकेट संघ (क्यान) ले मंगलबार केन्या भ्रमणको खेल तालिका सार्वजनिक गरेको हो ।
टेबुल टेनिस संघद्वारा स्यान्टुको विदाई
टेबुल टेनिसका राष्ट्रिय च्याम्पियन स्यान्टु श्रेष्ठ टेुबल टेनिस खेल छाडेर अष्ट्रेलिया जान लाग्नुभएको छ । उहाँ उच्च शिक्षा अध्ययन गर्नका लागि अष्ट्रेलिया जान लाग्नुभएको हो ।
