एमआरआई खरिदको फाइल अड्किएपछि समस्या
दैनिक एक हजार पाँच सय बिरामीलाई ओपीडीबाट सेवा दिँदै आएको भरतपुर केन्द्रीय अस्पतालमा एमआरआई सेवा लिनेको सङ्ख्या पछिल्लो समय वृद्धि भएको छ तर एमआरआई उपकरण खरिदका लागि अस्पतालले स्वास्थ्य मन्त्रालयलाई जानकारी गराई त्य
भरतपुर अस्पतालमा विरामीको चाप धान्न कठिन
स्वास्थ्य विमाको कार्यक्रमलाई स्थानीय पालिकाले प्राथमिकतामा राखेर विमित गराउँदा त्यसको असर भरतपुर अस्पतालमा परेको छ । नव निर्वाचित पालिका प्रमुख र विगतका पालिका प्रमुखहरुले आफ्नो कार्य क्षेत्रमा रहेका सेवाग्राहीलाई विमित कार्यक्रम प्राथमिकतामा राखेका थिए । चितवन बाहिर पनि यो कार्यक्रम जोडतोडकासाथ जनप्रतिनिधिले राखेका छन् । विमा गरेकाहरु उपचारका लागि भरतपुर अस्पताल आउने गरेका छन् ।
जंगली मौरीलाई घारमा राखेर वार्षिक ७ लाखसम्म आम्दानी
कैलाश लामा चरिकोट, जेठ २२ गते । दोलखाको गौरीशंकर गाउँपालिका वडा नम्बर–५ सुरी स्थित काप्ती विकड गाउँमा विगत नौँ वर्षदेखि यहाँका किसानहरुले मौरीपालन व्यवसाय गर्दै आएका छन् । भौगोलिक विकटताले सदरमुकाम चरिकोटबाट दुई दिनसम्म हिँडेर पुग्नुपर्ने यस गाउँमा हालसालै कच्ची सडक पुगेकाले महलाई बजारसम्म पु¥याउन सजिलो भएको छ ।अधिकांश गुरुङ बस्तीमा आयआर्जनका लागि गाई, भैंसी, बाख्रालगायतका पशुपालन गरेता पनि मुख्य रुपमा चौरी र भेडापालन गरिन्छ । तर सुरुसुरुम एकदुई वटा काठको डुडमा परम्परागत रुपमा मौरी पालन गरेता पनि हाल आधुनिक घारमा मौरीपालन गरिँदै आएको छ ।सिकर्मी काममा पोख्त रहेका काप्ती गाउँका विशाल खड्का (रामकुमार)ले मौरीको आधुनिक घार निर्माण गारी जंगलको रुखको टोड्कोमा बस्ने मौरीलाई घारमा राखेर मौरी उत्पादन गर्न थालेपछि हाल यस गाउँका अधिकांशले घरायसी प्रयोज मात्र नभएर व्यवसायिक रुपमा समेत मौरी पालन गर्न थालेका छन् ।वनजंगलको रुखको टोड्कोमा रहने मौरीलाई झोलामा ल्याएर घारमा राखी मौरी उत्पादन गर्न थालेका उहाँकोमा हाल एक सय २० घार मौरी छन् । हाल घारबाटै मौरी उत्पादन गरी बेच्ने गरेको उहाँले बताउनुभयो ।‘वार्षिक सात सयदेखि एक हजारसम्म मौरी घार बेच्ने गरेको छु ।’उहाँले भन्नुभयो, ‘एक घारमा एपि सेरेना जातको २५ हजारसम्म मौरी र एउटा रानी हुन्छ ।’ मौरी नभएको घारको तीन हजार पाँच सय र मौरीसहितको घारलाई दस हजार रुपियाँ लिने गरिन्छ ।मौरी घार निर्माणका लागि घर नजिकै फर्निचर स्थापना गरी एक जना सिकर्मीलाई मासिक तलबमा राखिएको छ भने, श्रीमती निरुता गुरुङ खड्का र आफूसमेत लागि परेको विशाल बताउनुहुन्छ ।मह उत्पादन भन्दा पनि मौरीसहितको घार नै विक्री गर्दा वार्षिक सातदेखि दस लाख रुपियाँसम्म आम्दानी हुने बताउँदै उहाँले भन्नुभयो ‘हाल मौरीको माग प्रशस्तै छ, तर पु¥याउन सकेको छैन ।’रोजगारीको सिलसिलामा २०६२ सालमा मलेसिया पुग्नुभएका विशालले करिब ४ वर्ष विदेशमा बिताउँदा पनि वार्षिक एक लाख बचाउन नसकेपछि गाउँमै फर्केर सिकर्मी काममा लाग्नुभएको थियो ।गाउँघरमा परम्परागत रुपमा मौरी पाल्ने तरिकालाई आधुनिक र व्यावसायिक बनाउँदा पनि फाइदा हुने विश्वासमा २०७० साल फागुनदेखि मौरीपालनमा लाग्नुभएका उहाँले जंगलको मौरी संकलन गरी मौरी उत्पादन थाल्नुभएको हो ।हाल जिल्लाका अधिकांश क्षेत्रका मौरीपालक किसानले मौरी घार किनेर लाने गरेको उहाँ बताउनुहुन्छ । त्यसैगरी काठमाडौंलगायत जिल्ला बाहिरबाट समेत मौरी घारको माग हुने गरेको छ । हालसम्म उहाँले पाँच पटकसम्म मौरीपालन तथा उत्पादनसम्बन्धी तालिम लिनुभएको छ ।उहाँले कृषि तथा पशुपन्छी विकास मन्त्रालयबाट २०७७ साल असोजमा ४० औँ विश्व खाद्य दिवसको अवसरमा उत्कृष्ट मौरीपालन गर्ने कृषकतर्फ राष्ट्रिय स्तरमा द्वितीय भई नगद आठ हजार रुपियाँ पुरस्कार समेत पाउनुभएको थियो ।
मेलम्ची आयोजनाकाे भविश्यबारे छलफल
मेलम्ची खानेपानी आयोजनाबाट प्रभावित स्थानीय तहसँग खानेपानी मन्त्रालयले मेलम्ची खानेपानी आयोजनाका भविश्यबारे छलफल थालेको छ ।
‘स्थानीय सरकार, हाम्रो सरकार’ भन्ने अनुभूति गराउँछौँ
काभ्र्रेपलाञ्चोक जिल्लाको चौरीदेउराली गाउँपालिकाकी नवनिर्वाचित अध्यक्ष रेणुका चौलागाईंले आफ्नो कार्यकालमा ‘स्थानीय सरकार, हाम्रो सरकार’ भन्ने अनुभूति हुने गरी कार्यक्रम अघि बढाउने प्रतिबद्धता जनाउनुभएको छ । उहाँले गाउँपालिकाभित्र रहेका ज्येष्ठ नागरिकलाई गाउँपालिकाको अस्पतालमा निःशुल्क उपचार गर्ने पहिलो प्रतिबद्धता जनाउनुभएको छ ।
चितवनमा रु चार अर्ब ७२ करोड २१ लाख बजेट विनियोजन
सङ्घीय सरकारले चितवन जिल्लालाई आगामी आर्थिक वर्ष २०७९/८० का लागि रु चार अर्ब ७२ करोड २१ लाख बजेट विनियोजन गरेको छ । जिल्लामा महानगरपालिका एक, नगरपालिका पाँच र गाउँपालिका एक छ ।
यौन दुर्व्यवहार आरोपमा वार्डेन पक्राउ
काठमाडौँ जोरपाटीस्थित सर्वनाम शिक्षालयका छात्रामाथि यौन दुर्व्यवहार गरेको आरोपमा शिक्षालयका वार्डेन रामजी बस्नेतलाई प्रहरीले रामेछापबाट पक्राउ गरेको छ । पक्राउ परेका बस्नेतलाई काठमाडौँ ल्याइँदै छ ।बस्नेतले यौन दुव्र्यवहार गरेको जानकारी गराउँदा पनि सुनुवाइ नगरेको भन्दै शिक्षालयमा प्रदर्शन भएपछि प्रहरीले शिक्षालयका प्रिन्सिपल दम्पतीलाई पनि नियन्त्रणमा लिएको छ ।
अटो चालकको मृत्यु भएपछि पृथ्वी राजमार्ग अवरुद्ध
धादिङको थाक्रे गाउँपालिका-१ सिम्लेमा ट्रकले अटोलाई ठक्कर दिँदा शनिबार अटो चालकको मृत्यु भएको छ।
बैंकको अत्याधुनिक भवन बन्दै
भरतपुर–१० स्थित भरतपुर हाइटमा निर्माण गर्न लागिएको भवनको आज बैंकका अध्यक्ष एवं नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले शिलान्यास गर्नुभयो ।
काठमाडौँ प्रमुख बालेन्द्र र माओवादी अध्यक्ष दाहालबीच भेटवार्ता
काठमाडौँ महानगरपालिकाका प्रमुख वलेन्द्र साहले नेकपा (माओवादी केन्द्र) का अध्यक्ष पुष्पकमल दाहाल भेटवार्ता गर्नुभएकाे छ । शनिबार विहान अध्यक्ष निवास खुमलटारमा उहाँले भेटवार्ता गर्नुभएकाे हाे ।
राताे मछिन्द्ननाथको भोटोजात्रा आज
काठमाडौं, जेठ २१ गते । नेपालका विख्यात जात्राहरूमध्ये एक हो भोटोजात्रा । करुणामयको रथको खटजलमा उभी पुरानो रत्नजडित भोटो सर्वसाधारणलाई चारै दिशाबाट देखाएपछि यो वर्षको मछिन्द्ननाथको जात्रा समाप्त हुने गर्छ ।कर्काेटक नाग टौदहमा विराजमान हुनुहुन्छ भन्ने विश्वास छ । नागले आफ्नी श्रीमतीको आँखा सञ्चो गराउन वैद्य खोज्दै हिँड्नुभएको थियो रे ।” नाग मानिसको रूप धारण गरेर नागपोखरीबाट बाहिर निस्किएर वैद्यको खोजीमा हिँडे । डराएका किसानले आफ्नो शरीरबाट पसिना आएको मैलो मिचेर रानीको आँखामा लगाइदिए । त्यसले रानीको आँखा सञ्चो भयो । त्यसपछि नागराज खुसी भएर पत्थर र हिरामोतीहरु जडित अमूल्य भोटो उपहार दिए । भोटो बोकेर किसान फेरि धर्तीमा फर्किए । एकदिन किसान खेतमा काम गर्न भोटो लगाएर गए । त्यसपछि त्यहाँ भेला भएका मानिसहरुले जसले आफ्नो हो भन्ने प्रमाण जुटाउन सक्छ त्यसले भोटो लैजान पाउने भनेर मच्छिन्द्रनाथलाई चढाए । तर किसान र भूत दुबैले भोटो आफ्नै हो भन्ने प्रमाण जुटाउन सकेनन् । यसरी आजसम्म पनि हरेक वर्ष जात्राको अन्तिम दिन भोटो कसैको हो भने प्रमाण जुटाएर लिन भोटो चारै दिशामा देखाउने चलन रहेको जोशी बताउनुहुन्छ । प्राचीन कालको परम्परानुसार कुनै पनि विवादको निर्णय लिन गाह्रो परेमा झगडियाहरूलाई देवताको अगाडि राखी शपथ लिन लगाउने चलन छ । यसरी भोटो मछिन्द्नानाथकै जिम्मामा रह्यो र बर्षेनि त्यस भोटोको हकदार कोही भए अगाडि आओ भनी त्यसलाई प्रदर्शित गर्ने परम्परा प्रचलित भयो । यसरी यो भोटो जात्राको परम्पराले मध्यकालीन नेपालको न्याय व्यवस्थालाई झल्काएको जोशीको भनाइ छ ।
सगरमाथा आरोही कार्कीलाई सम्मान
राममणि दाहाल हेटौँडा, जेठ २१ गते । मकवानपुर जिल्लाका पहिलो सगरमाथा आरोही विक्रम कार्की आफ्नै गाउँमा सम्मानित हुनुभएको छ ।पूर्वी मकवानपुरको बकैया गाउँपालिका ४ का कार्कीलाई बकैया गाउँपालिकाले सर्वोच्च शिखर सगरमाथाको सफल आरोहण गरी पालिकाको नाम उच्च बनाएको र प्रतिष्ठा बढाएको भन्दै शुक्रबार पालिकामा कार्यक्रम आयोजना गरी सम्मान गरेको हो । पालिका अध्यक्ष धर्मराज लामिछाने, उपाध्यक्ष भक्तबहादुर खत्री र पालिकाका प्रमुख प्रशासकीय अधिकृत लक्ष्मण पुडासैनीले नगद १० हजारसहित दोसल्ला ओढाएर सम्मान गर्नुभएको थियो । कार्कीसहितको नौ जना नेपाली र एक जना भारतीय नागरिक गरी दस जनाको समूहले सगरमाथाको सफल आरोहण गरेका थिए ।लामो समयदेखिको सगरमाथाको चुचुरोमा पाइला राख्ने आफ्नो लामो समयदेखि इच्छा जेठ ७ गते शनिबार बिहान ११ः२२ मा पूरा भएको आरोही कार्कीले बताउनुभयो । आधार शिविरबाट हिँडेको चौथो दिनमा सगरमाथाको चुचुरोमा नेपालको झण्डासहित पुग्न सफल कार्कीले यसअघि आधा दर्जन हिमालको आरोहण गरिसक्नुभएको छ ।जेठ २ गते सगरमाथाको सर्वोच्च शिखरमा पाइला टेक्ने लक्ष्यसहित तयारी गरेर काठमाडौँबाट निस्किएको कार्कीको टोलीमा गएका दीपक महतको मृत्यु भएपछि आरोहण समय लम्बिएको थियो ।माउण्टेरिङ, रक क्लाम्बिङ, हिमालमा जोखिममा परेकाको उद्धार, क्यानोनिङ, प्राथमिक उपचार, स्किलगायतका प्रशिक्षण लिनुभएका कार्कीले गाइडको कामसँगै काठमाडौँमा ट्रेकिङ व्यवसाय गर्दै आउनुभएको छ ।
अस्पताललाई चाप धान्न धौधौ
स्वास्थ्य बीमाको कार्यक्रमलाई स्थानीय तहले प्राथमिकतामा राखेर बीमा गराउँदा भरतपुर अस्पतालमा सेवा लिनेको चाप बढेको छ । नवनिर्वाचित पालिका प्रमुख र विगतका पालिका प्रमुखले आफ्नो कार्यक्षेत्रमा रहेका सेवाग्राहीको स्वास्थ्य बीमा कार्यक्रमलाई प्राथमिकतामा राखेका थिए । चितवनबाहिर पनि यो कार्यक्रम जनप्रतिनिधिले राखेका छन् । बीमा गरेकाहरू उपचारका लागि भरतपुर अस्पतालमा आउने गर्छन् । भरतपुर अस्पतालमा क्षमता वृद्धि नगर्दा स्वास्थ्य बीमा गरेका उपचार गराउन आउने बिरामीको चापलाई धान्न नसकिने अस्प
राम्रो व्यवहारका भोका छन् ज्येष्ठजन
घरपरिवारको हेलासँगै सरकारले पनि बेवास्ता गरेको दोलखाली ज्येष्ठजनले गुनासो गर्नुभएको छ । सरकारले ज्येष्ठ नागरिकप्रति कानुनमा गरेको व्यवस्था कागजको खोस्टाझैँ हुन पुग्दा सुविधा त छोडौँ तनावलाई पन्छाएर मन बहकाउने ठाउँसम्म पनि नपाएको गुनासो ज्येष्ठ नागरिक दुर्गाप्रसाद उप्रेतीले गर्नुभयो ।
दुर्घटनामा एकको मृत्यु
हेटौंडा, जेठ २० गते । पूर्वपश्चिम महेन्द्र राजमार्गअन्तर्गत हेटौँडा-३ को तीनताप्के भन्ने ठाउँमा कुखुरा बोक्ने बोलेरो गाडी दुर्घटना हुँदा बोलेरोका चालकको मृत्यु भएको छ। शुक्रबार दिउँसो बस्तिपुरबाट हेटौँडातर्फ आउँदै गरेको ना ५ च ३६२७ नम्बरको बोलेरो गाडी अनियन्त्रित भई दुर्घटनाग्रस्त हेटौंँडा–६ का ३३ वर्षीय गोपाल दाहालको मृत्यु भएको हो।एकदिन अघि पनि सोही ठाउँ नजीक ट्याक्टर दुर्घटना हुँदा चितवनको रत्ननगर–८ का ३१ वर्षीय सन्दिप अर्यालको ज्यान गएको थियो। हेटौंडाबाट मनहरीतर्फ जाँदै गरेको ना २ च २९५ नम्बरको ट्र्याक्टर अनियन्त्रित भएर खोल्सामा पल्टिदा चालक अर्यालको घटनास्थलमै मृत्यु भएको प्रहरीले जनाएको छ। रासस
‘एक हप्तामा सिसडोललाई दुर्गन्धमुक्त बनाउँछौँ’
काठमाडौं, जेठ २० गते। काठमाडौं महानगरपालिकाका प्रमुख बालेन्द्र शाहले एक हप्ताभित्रै नुवाकोटको सिसडोललाई दुर्गन्धमुक्त बनाउने बताउनुभएको छ। शुक्रबार महानगरपालिकाको टोलीसहित सिसडोल पुग्नुभएका मेयर शाहले यस्तो बताउनुभएको हो। लामो समयदेखि काठमाडौं उपत्यकाको फोहोर व्यवस्थापनको समस्या हल नभएपछि महानगरको नगरप्रमुख शाह र उपप्रमुख सुनिता डंगोलसहितको टोली अवलोकनका लागि शुक्रबार बिहान सिसडोल पुगेको थियो। सिसडोल पुगेको टोलीसँग स्थानीयले गुनासो पोखेका थिए। ‘सिसडोल क्षेत्रलाई हप्तामा गन्ध नआउने गरी केमिकलको व्यवस्था हुन्छ। केमिकल हालिसकेपछि एक हप्ताभित्र गन्ध हटाइन्छ’’, प्रमुख शाहले भन्नुभयो। स्थानीयको समस्या र गुनासो सुनेपछि तत्काल आफूलाई काम गर्ने वातावरण मिलाइ दिन स्थानीय समुदायसँग नगरप्रमुख शाहले आग्रह गर्नुभएको छ। उहाँले भन्नुभयो, “म कुनै पार्टीको मानिस होइन, काम गर्न आएको स्वतन्त्र व्यक्ति हो, मैले काम गर्न कसैसँग साँठगाँठ गर्नुपर्दैन, काम गर्न त दिनुपर्यो, काम गरेको चार दिन मात्र भएको छ, काम गर्न दिएपछि मात्रै काम हुन्छ”, सिसडोलबासीलाई सम्झाउँदै उहाँले भन्नुभयो।काम गर्नलाई सहजीकरण गरी दिनका लागि हिजो (बिहीबार) मात्रै सहरी विकास मन्त्री रामकुमारी झाँक्रीसँग छलफल गरेको पनि शाहले बताउनुभएको थियो। “काममा सहजीकरण गरी दिन भन्दै हिजो मात्रै गएर छलफल गरेको थिएँ, त्यसैले थाहा पाएँ, आज पनि विद्युत र खानेपानीको मानिसलाई बोलाएको छु,” उहाँले भन्नुभयो। फोहोरबाट गन्ध आएको गुनासोलाई सम्बोधन गर्दै ‘केमिकल’ राखेर गन्ध हटाउने उपाय अपनाउने आश्वासन पनि प्रमुख साहले दिनुभएको छ। छलफलमा काठमाडौं उपत्यकाको फोहोर व्यवस्थापनमा मन्त्रालय र काठमाडौं महानगरपालिकाबीच सहकार्य गरेर समस्याको समाधान गर्ने विषयमा छलफल भएको छ। केमिकल हालेर गन्ध हटाउन एक हप्ताको समय लाग्ने भन्दै उहाँले एक हप्तामा गन्ध नआउने बनाउन सकिने र केमिकल हाल्न आउने ट्रकलाई नरोक्न पनि स्थानीय बासीलाई आग्रह गर्नुभएको छ। फोहोरबाट मल बनाउने अर्को एउटा सिस्टम राख्ने र ड्रिल गरेर ग्यास निकाल्ने योजना पनि प्रमुख शाहले सुनाउनुभयो। त्यसका लागि सिसडोलमा होइन काठमाडौंबाटै फोहोर छुट्टिएर आउनुपर्ने र सबै काम गर्न तीन-चार महिनाको समय लाग्ने पनि बताउनुभयो। “फोहोर सिसडोलमा ल्याएर छुट्याउने होइन, काठमाडौं मै छुट्टिएको आउनुपर्छ,” शाहले भन्नुभयो। अबदेखि कुहिने र नकुहिने वस्तु छुट्टयाएर बिसर्जन गर्ने व्यवस्था मिलाउन र त्यसका लागि जनचेतना जगाउने काम गर्ने पनि उहाँको भनाइ छ। “पाँच मिनेट फोहोर छुट्याउन नदिएकाले मानिसले, मानिस मारिरहेको छ,” उहाँले भन्नुभयो। सिसडोलका स्थानीय जनप्रतिनिधि र नागरिक अगुवाले आफूहरुले स्वस्थ्य वातावरणमा बस्न पाउनुपर्ने माग गर्दै प्रहरी प्रशासन लगाएर दमन गरिएको गुनासो पनि प्रमुख शाहसँग पोखेका छन्। मानव र फोहोर एकै ठाउँमा बस्न नसक्ने भएकाले फोहोर वा स्थानीयको उचित व्यवस्थापन हुनुपर्ने माग स्थानीयको छ। त्यसलाई दृष्टिगत गरेर आफूहरुले पनि फोहोर व्यवस्थापनलाई प्राथमिकतामा राखेर अगाडि बढ्ने शाहले बताउनुभएको छ।
समृद्ध भरतपुर नै मेरो सपना : महानगरपालिका प्रमुख रेनु दाहाल
पहिलोपटक म भरतपुर महानगरमा नयाँ थिएँ । के गर्ने कसो गर्ने कताबाट कामको थालनी गर्ने भन्नेमा अनभिज्ञ थिएँ । पाँच वर्षको बीचमा भरतपुरको समग्र वस्तुस्थिति, भौगोलिक अवस्था र जनताको मनोविज्ञानको बारेमा नजिकबाट बुझ्ने अवसर मिल्यो ।
शैक्षिक बेरोजगारी र बौद्धिक प्रतिभा पलायन रोक्नुपर्छ : प्रधानमन्त्री देउवा
प्रधानमन्त्री शेरबहादुर देउवाले देशभित्र रहेको बढ्दो शैक्षिक बेरोजगारी र बौद्धिक प्रतिभा पलायनलाई न्यूनीकरण गर्नुपर्ने आवश्यकता रहेको बताउनुभएको छ ।
बागमती प्रदेशको नीति तथा कार्यक्रम बहुमतबाट स्वीकृत
बागती प्रदेश सरकारले आगामी आर्थिक वर्ष २०७९/०८० को नीति तथा कार्यक्रम बागमती प्रदेशको प्रदेश सभाबाट बहुमतले स्वीकृत भएको छ । नीति तथा कार्यक्रममाथिको छलफलपछि प्रदेश सभाको बिहीबारको बैठकमा निर्णयार्थ पेस भएकोमा बहुमतले स्वीकृत गरेको हो ।
नीति तथा कार्यक्रम स्वीकृत
बागमती प्रदेश सरकारले आगामी आर्थिक वर्ष २०७९/८० का लागि ल्याएको नीति तथा कार्यक्रम बहुमतबाट स्वीकृत भएको छ । नीति तथा कार्यक्रममाथिको छलफलपछि बिहीबार प्रदेश सभा बैठकको बहुमतले नीति तथा कार्यक्रम स्वीकृत भएको हो ।
शासकीय स्वरुप र निर्वाचन प्रणालीमा सुधार आवश्यक छ : राप्रपा अध्यक्ष लिङ्देन
राष्ट्रिय प्रजातन्त्र पार्टी (राप्रपा)ले आगामी प्रदेश र सङ्घीय निर्वाचनमा पूर्ण समानुपातिक संसद र जनताले प्रत्यक्ष निर्वाचित गर्ने कार्यकारी प्रधानमन्त्रीको पक्षमा आफ्ना एजेन्डा तयार गर्ने जनाएको छ ।
ऊर्जामन्त्री भुसालको आँखाको शल्यक्रिया सम्पन्न
काठमाडौँ, जेठ १९ गते । ऊर्जा, जलस्रोत तथा सिँचाइमन्त्री पम्फा भुसालको मोतीविन्दु (आँखाको नानीमा जालो पर्ने रोग)को सफल शल्यक्रिया गरिएको छ । यही जेठ १८ गते त्रिपुरेश्वरस्थित ‘नेपाल आँखा अस्पताल’मा उहाँको दाँहिने आँखाको शल्यक्रिया गरिएको हो । उहाँको शल्यक्रिया आँखा रोग विशेषज्ञ डा.किरण शाक्यले गर्नुभएको हो । चिकित्सकको सल्लाहअनुसार मन्त्री भुसाल निवासमै स्वास्थ्यलाभ गरिरहनुभएको छ ।
बतास समूहले पशुपति धर्मशालामा होटल सञ्चालन गर्न नपाउने
जिल्ला अदालत काठमाडौँले बतास समूहलाई पशुपति धर्मशालामा होटल सञ्चालन गर्न दिनेगरी भएको अन्तरकालीन आदेश बदर गरेको छ ।
भक्तपुर जिल्ला समन्वय समिति निर्वाचनको कार्यतालिका
काठमाडौं, जेठ १८ गते । भक्तपुर जिल्ला समन्वय समितिको निर्वाचन कार्यतालिका बुधबार सार्वजनिक भएको छ । भक्तपुर मुख्य निर्वाचन अधिकृतको कार्यालय अनुसार जेठ १९ गते बिहीबार बिहान १० बजेदेखि १२ बजेसम्म मतदाता नामावली प्रकाशन गर्ने कार्यतालिका रहेको छ। शुक्रबार बिहान १० बजे अपरान्ह ५ बजेसम्म मतदाता नामावली सच्याउने वा छुट नाम समावेश गर्न दरखास्त दिइनेछ । साँझ छ बजेसम्म संशोधित मतदाता नामावली प्रकाशन हुनेछ । जेठ २१ गते मतदाताको विरोधमा उजुरी दिने, २२ गते बिहान १० देखि ५ बजेसम्म मतदाताको विरोधमा परेको उजुरी उपर जाँचबुझ गर्ने र साँझ छ बजेसम्म अन्तिम मतदाता नामावली प्रकाशन गरिनेछ ।२३ गते बिहान १० देखि ५ बजेसम्म उम्मेदवारको मनोनयनपत्र दर्ता गर्ने र साँझ छ बजे मनोनयनपत्र दर्ता भएका उम्मेदवारको सूची प्रकाशन हुनेछ ।२४ गते उम्मेदवारको विरोधमा उजुरी दिने, २५ गते बिहान १० बजेदेखि दिउँसो ४ बजेसम्म मनोनयन पत्रको जाँच र उजुरी उपर निर्णय गर्ने र ५ बजे उम्मेदवारको नामावली प्रकाशन गरिनेछ । जेठ २६ गते उम्मेदवारले नाम फिर्ता लिने, उम्मेदवारको अन्तिम नामावली प्रकाशन गर्ने र उम्मेदवारलाई निर्वाचन चिह्न प्रदान गर्ने कार्यतालिका छ । जेठ २८ गते बिहान १० देखि ५ बजेसम्म मतदान हुनेछ । जिल्ला निर्वाचन कार्यालयका सूचना अधिकारीले मतदान कार्य सम्पन्न भएपछि यथाशून्य मतगणना गरेर परिणाम घोषणा हुने बताउनुभएको छ ।
नेपाल–इजरायलबीचको सम्बन्ध थप सुदृढ : सञ्चारमन्त्री कार्की
सञ्चार तथा सूचना प्रविधि मन्त्री ज्ञानेन्द्रबहादुर कार्कीले नेपाल र इजरायलबीचको सम्बन्ध थप सुदृढ भएको बताउनुभएको छ।
