सिन्धुली–१ मा द्विपक्षीय स्पर्धा
सिन्धुली जिल्लाको प्रतिनिधि सभा सदस्य निर्वाचन क्षेत्र नं. १ को चुनावी वातावरण तात्न थालेको छ। यस निर्वाचन क्षेत्रमा नेकपा (एमाले)को २५ वर्षे विरासत भत्काउने दाउमा नेपाली कांग्रेस लागेपछि निर्वाचनको वातावरण निकै रोचक बन्दै गएको छ। उक्त निर्वाचन क्षेत्रमा अहिले सत्तारूढ गठबन्धनबाट कांग्रेसका श्यामकुमार घिमिरे र एमालेबाट प्रदीपकुमार कटुवाल प्रतिस्पर्धामा हुनुहुन्छ।
करिब एक लाख राष्ट्रिय परिचयपत्र वितरण
वडाबाटै राष्ट्रिय परिचयपत्र वितरण गर्ने सरकारको लक्ष्यअनुसार दोलखामा खटिएको टोलीले चार महिनामा करिब एक लाख राष्ट्रिय परिचयपत्र वितरण गरेको छ। गत असार १ देखि कात्तिक ५ गतेसम्म खटिएका ३५ टोलीले यहाँका ७४ वटै वडाबाट ९१ हजार ८६६ राष्ट्रिय परिचयपत्र वितरण गरेको जिल्ला प्रशासन कार्यालयले जनाएको छ। वडाबाट वितरण गरिए पनि जिल्ला प्रशासन कार्यालयबाट साउनदेखि असोजसम्म एक हजार ४७९ राष्ट्रिय परिचयपत्र वितरण गरिएको जानकारी दिँदै कार्यालयका सूचना अधिकारी औलाखबहादुर आलेले भन्नुभयो, “कार्यालयमा राष्ट्रिय परिचयपत्र लिनेको भीड कम भएको छैन।”
काठमाडौंमा समाचकेवा (फोटो फिचर)
काठमाडौंमा बसोबास गर्ने तराई क्षेत्रका आदिवासी थारु समुदायले समाचकेवा पर्व मनाएका छन्। थारु महिला समाज उपत्यका समितिको आयोजनामा समाचकेवा पर्व काठमाडौंमा मनाइएको हो।
सकिमना पुन्हीमा सजियो भक्तपुर (फोटो फिचर)
नेवारी समुदायले नेपाल संवतको पहिलो पूर्णिमाको अवसरमा मंगलबार सकिमना (सकिमिला) पुन्ही पर्व मनाएका छन् ।
आचारसंहिता सबैलाई समानरूपमा लागू हुन्छ : आयुक्त भण्डारी
निर्वाचन आयोगका आयुक्त रामप्रसाद भण्डारीले निर्वाचन आचारसंहिता सबैलाई समानरूपमा लागू हुने भएकाले यसमा साना वा ठूला दल भन्ने प्रश्न नआउने बताउनुभएको छ ।
कांग्रेस र एमालेबीच मुख्य प्रतिस्पर्धा, २१ उम्मेदवार चुनावी मैदानमा
ललितपुर प्रतिनिधिसभा निर्वाचन क्षेत्र नम्बर १ मा नेकपा (एमाले)का नवराज सिलवाल र नेपाली कांग्रेसका उदय शमशेर जबराबीच मुख्य प्रतिस्पर्धा हुँदैछ । प्रदेशसभा निर्वाचन क्षेत्र (क)मा मधुसुदन पौडेल र (ख)मा चेतनाथ सञ्जेल एमालेको उम्मेदवार हुनुहुन्छ । यसैगरी, गठबन्धनबाट नेकपा (माओवादी केन्द्र) का हरि दाहाल प्रदेशसभा सदस्यतर्फ (क)मा र ललितपुर (ख) मा कांग्रेसका मीनकृष्ण महर्जन उम्मेदवार हुनुहुन्छ ।
१० वर्षमा मुलुकको राजनीतिलाई सुधार गर्ने गगन थापाको प्रतिबद्धता
नेपाली कांग्रेसका महामन्त्री गगनकुमार थापाले १० वर्षमा मुलुकको राजनीतिलाई पूरै सुधार गर्ने प्रतिबद्धता जनाउनुभएको छ ।
सांस्कृतिक वैभवलाई आर्थिक उपार्जनसँग जोडौँ: ऊर्जामन्त्री भुसाल
ऊर्जा, जलस्रोत तथा सिँचाइमन्त्री पम्फा भुसालले सांस्कृतिक वैभवलाई आर्थिक उपार्जनसँग जोडेर समृद्ध नेपाल बनाउन सकिने बताउनुभएको छ ।
मतदाताको मन जित्न सफल भएको छु: उम्मेदवार सिंह
काठमाडाैँ क्षेत्र नम्बर – १ का प्रतिनिधि सभा उम्मेद्वार रहनुभएका प्रकाशमान सिंहले विगत ५ वर्षमा आफ्नो नेतृत्वमा भएको भौतिक विकाश मतदाताको मन जित्न सफल भएको बताउनुभएकाे छ। आज घरदैलाे कार्यक्रमका क्रममा उहाँले उक्त कुरा बताउनुभएकाे हाे ।
रसुवाको होटल व्यवसाय चलायमान हुन थाल्यो
हिमाली छटाको आनन्द लिन आउने आन्तरिक एवं बाह्य पर्यटकको सङ्ख्या जिल्लामा क्रमशः वृद्धि हुँदै गएको छ । यसबाट होटल व्यवसायीको आर्थिक अवस्था सुधार समेत हुन थालेको छ ।
नौ घण्टा पैदलयात्रा हिँडेर देवघाटधाम परिक्रमा
पवित्र धार्मिक तीर्थस्थल देवघाटधाममा गण्डकी परिक्रमा गरिएको छ । वैदिक सनातन धर्म र संस्कृतिको प्रचार–प्रसार गर्ने उद्देश्यले मङ्गलबार नौ घण्टा पैदलयात्रा हिँडेर गण्डकी परिक्रमा गरिएको हो । छब्बीस किलोमिटरको दूरीमा करिब तीन हजारको सहभागिता रहेको देवघाट क्षेत्र विकास समितिले जनाएको छ ।
परीक्षाफल ढिला हुँदा विद्यार्थी आन्दोलित
पठनपाठन चलिरहेका बेला धादिङस्थित नीलकण्ठ बहुमुखी क्याम्पसमा स्नातक तह तेस्रो वर्षमा अध्ययनरत विद्यार्थीहरू अकस्मात् प्लेकार्ड लिएर क्याम्पस प्राङ्गणमा उभिए। प्लेकार्डमा लेखिएको थियो, ‘खै रिजल्ट मुसाले खायो, खै मुसो टीयूभित्र पस्यो,’ ‘सङ्ख्यामा विश्वमै एक नम्बर, गुणस्तरमा विश्वमै अन्तिम,’ ‘शिक्षामा राजनीति गर्न पाइँदैन, यस्तो विश्वविद्यालय चाहिँदैन,’ ‘विश्वविद्यालयमा राजनीति बन्द गर, विद्यार्थीको भविष्यमाथि खेलबाड नगर।’
कात्तिक नाचको वस्त्रहरण लीला साेमबार राति प्रदर्शन हुँदै
रिसमा होश गुमाएकी राधाले कृष्णलाई आफ्नो लुगाा लुकाएकोमा गाली गर्नुहुन्छ । तर जवाफमा कृष्णले यसरी बिना वस्त्र नुहाउन लाज नलागेको भन्दै जवाफ फर्काउनुहुन्छ ।
घमाइलो काँठ क्षेत्र (फोटो फिचर)
चाडपर्व सकिएसँगै मौसम पूर्ण रूपले खुलेको छ । आजभोलि काठमाडौँ उपत्यका वरिपरि रमाइला दृश्यहरू देख्न पाइन्छ ।
जनताको सेवक बन्न तयार छु : ऊर्जा मन्त्री भुसाल
वाम–लोकतान्त्रिक गठबन्धनका तर्फबाट ललितपुर क्षेत्र नं ३ का उम्मेदवार पम्फा भुसालले ललितपुरवासी जनताको सेवकका रुपमा काम गर्ने दृढताका साथ आफू फेरि जनताको घरदैलोमा आएको बताउनुभएको छ ।
हल्का वर्षाको सम्भावना
हाल देशमा पश्चिमी वायुको सामान्य प्रभाव रहेको छ । उक्त मौसमी प्रणालीको प्रभावले बदली हुनका साथै हल्का वर्षाको सम्भावना रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
काभ्रेपलाञ्चोकमा कडा प्रतिस्पर्धा
काभ्रेपलाञ्चोक जिल्लामा प्रतिनिधि सभा तथा प्रदेश सभा सदस्य निर्वाचनका लागि दलहरूले आक्रामक चुनावी अभियान सञ्चालन गरेका छन् । प्रतिनिधि सभाको दुईवटा निर्वाचन क्षेत्र रहेको काभ्रेपलाञ्चोकमा कात्तिक १७ अघि सामान्य घरदैलो गरेका दलले अहिले सार्वजनिक तथा
खेत बगाउँछ बाढी, मत बढार्छ आश्वासन
सिन्धुली, दुधौली नगरपालिका–११ निवासी ५० वर्षीय धर्म कुँमरले हरेक निर्वाचनमा उम्मेदवारले उठाउने गरेको विकासको मुद्दा ‘कमला नदी नियन्त्रण’ सुन्दै आउनुभएको छ। यो बीचमा धेरै जनप्रतिनिधि फेरिए पनि कमला नदी कटानको समस्या भने फेरिन नसकेको उहाँको दुखेसो छ। वर्षामा कमलाको बाढीजस्तै चुनावका बेला नेताहरूको आश्वासनको बाढी आउँछ। कमलाले खेत बगाउँछ, आश्वासनको बाढीले जनमत बढार्छ अनि मतदाताको समस्या ज्युँका त्युँ।
चितवनका मतदाताले सम्झाए वाचा
आगामी प्रतिनिधि सभा र प्रदेश सभाको निर्वाचनका लागि पूर्वअर्थमन्त्री सुरेन्द्र पाण्डे, राष्ट्रिय योजना आयोगका पूर्वउपाध्यक्ष डा. विश्वनाथ पौडेललगायत १० स्वतन्त्रसहित १९ जना उम्मेदवारकै कारण चितवन प्रतिनिधि सभा निर्वाचन क्षेत्र नं. १ राष्ट्रिय चासोको विषय बनेको छ।
एकमात्र निर्वाचन क्षेत्र रहेको रामेछापमा २२ जना उम्मेदवार
मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि रामेछाप जिल्ला २२ जना उम्मेदवारबीच प्रतिस्पर्धा हुँदैछ ।
सिन्धुली निर्वाचन क्षेत्र नं. १ मा १२ र २ मा नौ उम्मेदवारबीच प्रतिस्पर्धा
प्रतिनिधिसभा र प्रदेशसभा सदस्य निर्वाचनका लागि पहिलो हुने निर्वाचित हुने निर्वाचन प्रणालीको सिन्धुली निर्वाचन क्षेत्र १ र २ मा उम्मेदवारबीच प्रतिस्पर्धा हुने भएको हो ।
अबको भिजन, गुणस्तरीय जीवन : ऊर्जा मन्त्री भुसाल
विगतका निर्वाचनमा व्यक्त प्रतिबद्धताहरू अधिकांश पुरा गरेकाे भन्दै वाम–लोकतान्त्रिक गठबन्धनका उम्मेदवार ऊर्जा, जलस्रोत तथा सिँचाइ मन्त्री पम्फा भुसाल घरदैलोमा पुग्दा मतदाताले शुभेच्छा प्रकट गरिरहेका छन् ।
वडा स्तरबाटै राष्ट्रिय परिचयपत्रको काम
राष्ट्रिय परिचयपत्र वितरणको कामलाई थप प्रभावकारी बनाउन रामेछापमा अब वडा तहबाटै काम हुने भएको छ। राष्ट्रिय परिचयपत्र तथा पञ्जीकरण विभागले सदरमुकाम मन्थलीमा राष्ट्रिय परिचयपत्रसम्बन्धी अभिमुखीकरण कार्यक्रम गरी अब परिचयपत्र वितरण कार्यलाई वडा तहसम्म पुर्याउने जानकारी दिएको हो।
भगवती मन्दिरमा महिला वर्जित
दोलखाको भीमेश्वर नगरपालिका–५ स्थित पवित्र महाँकाल भगवतीको मन्दिरभित्र पसी महिलाले भगवतीको दर्शन गर्नुहुँदैन भन्ने प्रचलन रहिआएकाले महिलालाई भगवतीको मूर्ति हेर्न र मन्दिरभित्र पस्न निषेध गरिँदै आइएको छ।
काठमाडौं क्षेत्र ९ लाई धुलोमुक्त बनाउने प्रतिबद्धता
नेकपा (एमाले) काठमाडौं क्षेत्र ९ का प्रतिनिधि सभा र प्रदेश सभाका उम्मेदवारले आफ्नो क्षेत्रलाई धुलो र हिलोमुक्त बनाउने घोषणा गर्नुभएको छ । शनिबार ६ बुँदे प्रतिबद्धतापत्र सार्वजनिक गर्दै उहाँहरूले सो घोषणा गर्नुभएको हो ।
