• गोरखापत्र अनलाइन
• २५ चैत २०८०, आइतबार

कृषि सडक कालोपत्रे

ट्र्याक खोलेको तीन दशकपछि तनहुँको एक कृषि सडक कालोपत्रे भएको छ । म्याग्दे गाउँपालिका–२ स्थित पिपलडी कृषि मोटरमार्ग कालोपत्रे भएको हो । म्याग्दे गाउँपालिका–२ का वडा सदस्य रमेश क्षेत्रीले ट्र्याक खुलेको ३० वर्षपछि कालोपत्रे भएको बताउनुभयो । गण्डकी प्रदेश सरकारको ३० लाख बजेटमा ४२० मिटर बाटो कालोपत्रे गरिएको अधिकारीले जानकारी दिनुभयो । क्षेत्रीले भन्नुभयो, “कालोपत्रे गरिएपछि यहाँ आवागमन सहज हुनुका साथै यस क्षेत्रमा उत्पादन भएका कृषि सामग्री बजारसम्म पु¥याउन सहज भएको छ ।”