चल्नै सकेन नगर सभा
झापाको दमक नगरपालिकाको नीति तथा कार्यक्रम र बजेट पास नभएपछि दैनिक काम कारबाही र राजस्व उठाउने विषयमा अन्योल भएको बताइएको छ । ११ औँ नगर सभाको चौँथो बैठकमा नेकपा एमालेका नगर सभा सदस्यहरू उपस्थित नभएपछि नगर सभा सुरु भएको दुई मिनेटमा नै स्थगित भएको हो ।
ट्राफिक लाइट उद्घाटन
इटहरीस्थित मुख्य चोकमा जडान गरिएको ट्राफिक लाइटको प्रदेश १ का मुख्यमन्त्री राजेन्द्र राईले मङ्गलबार उद्घाटन गर्नुभएको छ ।प्रदेश सरकारअन्तर्गतको यातायात व्यवस्था तथा सञ्चार मन्त्रालयको आर्थिक सहयोग र इटहरी उपमहानगरपालिका वडा नम्बर ६ को समन्वयमा इटहरीको मुख्य चोकमा जडान गरिएको ट्राफिक लाइटको औपचारिक सुरुवात भएको हो ।
कोरोना बढेपछि झापामा उच्च सतर्कता
झापामा कोरोना सङ्क्रमणदर बढ्न थालेको भन्दै झापाका प्रमुख जिल्ला अधिकारी छविलाल रिजालको अध्यक्षमा बसेको विपद् व्यवस्थापन समितिले तत्काल यसको रोकथामका लागि सबै प्रकारका आवश्यक तयारी गर्ने र सय बेडको होल्डिङ सेन्टरलाई दुरुस्त राख्ने निर्णय गरेको छ।
सङ्घीयता खारेज हुँदैन : वरिष्ठ उपाध्यक्ष पोखरेल
नेकपा (एमाले) का वरिष्ठ उपाध्यक्ष ईश्वर पोखरेलले कसैलाई मन लाग्दैमा सङ्घीयता खारेज नहुने बताउनुभएको छ । विराटनगरमा मंगलबार प्रेस चौतारी नेपाल प्रदेश १ कमिटीले आयोजना गरेको पत्रकार सम्मेलनमा नेता पोखरेलले नेपालको संविधान सहमतिमा बनेकाले कुनै एक जनालाई चाहना हुँदैमा संघीयता खारेज नहुने बताउनुभएको हो ।
नापी भएको छ वर्षपछि लालपुर्जा
नापी कार्यालय उदयपुरले स्थानीयले भोगचलन गर्दै आएको तर गाउँ ब्लकमा रहेका जग्गा व्यवस्थित गर्ने भन्दै सम्बन्धित जग्गाधनीलाई सोमबारदेखि लालपुर्जा वितरण गर्न सुरु गरेको छ । झन्डै छ वर्ष पहिले नै नाप जाँच गरी तयार पारिएको भए पनि सम्बन्धित जग्गाधनीले जग्गाको स्वामित्व नपाएको अवस्थामा सोमबार आयोजित एक कार्यक्रममा त्रियुगा नगरपालिकाका प्रमुख वसन्तकुमार बस्नेत र उपप्रमुख महेश्वरी राईले वडा नम्बर १२ का दुई जना जग्गाधनीलाई संयुक्त रूपमा लालपुर्जा वितरण गरेर सो कार्यक्रमको शुभारम्भ गर्नुभएको हो ।
-original-thumb.jpg)
करारका कर्मचारी हटाएकोमा आपत्ति
नेपाल कम्यूनिष्ट पार्टी (माओवादी केन्द्र) इनरुवा नगर कमिटिले ईनरुवा नगरपालिकाबाट करार सेवामा कार्यरत कर्मचारीलाई विभेदपूर्ण तरिकाले अवकाश दिइएको भन्दै आपत्ति जनाएको छ । नगर अध्यक्ष तोया गिरी र सचिव मो. मोख्खतार आलमले संयुक्त विज्ञप्ति जारीगर्दै निर्णय सच्याउन आग्रह गर्नुभएको छ ।
विराटनगर महानगरकाे कर दायरामा हेरफेर
विराटनगर महानगरपालिकाले करको दायरामा हेरफेर गरेको छ । सामाजिक कार्यहरुमा कर घटाइए पनि निर्माण र मदिरा व्यवसायलगायतमा कर बढाएको छ ।
आगलागीबाट घर मतान ध्वस्त
ताप्लेजुङको मेरिङ्देन गाउँपालिकामा सोमबार बिहानै आगलागी भएको छ । मेरिङ्देन गाउँपालिका–२ सान्थाक्रामा भएको आगलागीबाट स्थानीय दावा शेर्पाको घर–मतान जलेर ध्वस्त भएको छ ।
सामुदायिक विद्यालय प्रविधिमैत्री बन्दै
इलामको सूर्योदय नगरपालिकाका सामुदायिक विद्यालयको शैक्षिक गुणस्तरमा सुधार आएको छ । नगरले सामुदायिक विद्यालयलाई प्रविधियुक्त बनाउने अभियान सञ्चालन गरेपछि विद्यालयको गुणस्तरमा सुधार आएको हो ।
पाँच लाख भारूसहित पाँचजना पक्राउ
झापा जिल्लाको मेचीनगर नगरपालिका ८ पूर्व–पश्चिम लोकमार्ग स्थित जोरसिमल चेक प्वाइन्टबाट सशस्त्र प्रहरीले पाँच लाख २१ हजार भारतीय रुपियाँसहित पाँचजनालाई पक्राउ गरेको छ ।
पर्यटक आवागमन बढेसँगै ब्यूँतिदैं खुम्बु पर्यटन क्षेत्र
कोरोना संक्रमण कम हुँदैजाँदा यस वर्ष सोलुखुम्बुको खुम्बुक्षेत्र भ्रमण गर्ने पर्यटकको संख्या ह्वात्तै बढेको छ । दुई वर्षसम्म करिब शुन्यको अवस्थामा रहेको खुम्बुको पर्यटन सगरमाथा लगायतका हिमाल आरोहणको यो ‘स्प्रिङ’ सिजनमा अघिल्लो वर्षको तुलनामा यस वर्ष ८३ प्रतिशतभन्दा बढीले पर्यटकको आगमनमा बृद्धि भएको छ ।
धरानमा एक जना कोरोना सङ्क्रमितको मृत्यु
बीपी कोइराला स्वास्थ्यविज्ञान प्रतिष्ठान धरानमा उपचारको क्रममा एक जना कोरोना सङ्क्रमितको मृत्यु भएको छ।
विराटनगरका एक हजार ४८४ जना काेभिड बिरामीले पाए राहत
कोरोना महामारीले गर्दा उत्पन्न असहज परिस्थितिका कारण गरिबीको चपेटामा परेका विराटनगरका एक हजार ४८४ परिवारले सरकारबाट राहत सुविधा लिएका छन् ।वर्तमान सरकारले कोरोना महामारीका कारण गरिबीको चपेटामा परेका नागरिकलाई राहत दिने घोषणा गरेको थियो ।
जमिन भासिएसँगै तुङ्खागाउँ नै जोखिममा
बर्खा लागे संगै धनकुटाको साँगुरीगढि गाँउपालिका वडा नम्बर– ५ तुङ्खाको जमिन भासिन थाले पछि स्थानीयहरु चिन्तित बनेका छन् । हिउँदमा पानीको मुल फुटेर लेदो सहितको पानी जमिन बाहिर आउने र बर्खामा जमिन धाँजाफाटेर भासिने क्रम नरोकिए पछि गाउँनै जोखिममा परेको छ ।
ओलाङ्चुङगोलामा बीओपीद्वारा सरसफाइ
ताप्लेजुङको उत्तरी सीमावर्ती गाउँ ओलाङ्चुङगोलामा सशस्त्र प्रहरी बल नेपालले सरसफाई अभियान सञ्चालन गरेको छ । ओलाङ्चुङगोलामा रहेको सशस्त्र प्रहरीको बोर्डर आउट पोष्ट (बीओपी) ले ओलाङ्चुङगोला क्षेत्रमा सरसफाई गरेको हो ।
मध्यतमोरको सुरुङ निर्माण सम्पन्न
ताप्लेजुङमा सानिमा मिडिल तमोर हाइड्रोपावर लिमिटेडले निर्माण गरिरहेको मध्यतमोर जल विद्युत् आयोजनाको सुरुङ निर्माण कार्य सम्पन्न भएको छ । मध्य तमोर जल विद्युत् आयोजना कुल ७३ मेगावाट क्षमताको हो ।आयोजनाले शनिबार प्रेस वक्तव्य जारी गर्दै शुक्रबार राति १०ः३० बजेतिर सुरुङ छेड्ने कार्य (ब्रेक थ्रु) सम्पन्न भएको जनाएको छ ।
वनेमलाई कारबाहीको सिफारिस, शङ्खर निष्कासित
चन्द्र पन्दाकताप्लेजुङ, असार ३२ गते। नेकपा (माओवादी केन्द्र) ले ताप्लेजुङको मैवाखोला गाउँपालिकाका अध्यक्ष विजयप्रकाश वनेमलाई कारबाहीको सिफारिस गरेको छ। पार्टीले सोधेको स्पष्टीकरण चित्तबुझ्दो नभएकोभन्दै १ नम्बर प्रदेश समितिले केन्द्रीय समितिसमक्ष वनेमलाई कारबाहीको सिफारिस गरेको हो।माओवादी केन्द्र १ नम्बर प्रदेश समितिले केन्द्रीय अध्यक्ष पुष्पकमल दाहाल ‘प्रचण्ड’ लाई पत्र लेख्दै वनेमलाई प्रदेश समितिको सम्पूर्ण जिम्मेवारीबाट निलम्बन गरी आवश्यक छानविन र कारबाहीको लागि सिफारिस गरेको हो। प्रदेश समितिले गत असार ३ गते सोधेको स्पष्टीकरणको जवाफ वनेमले ५ गते बुझाएको भए पनि चित्तबुझ्दो नभएकोले आवश्यक कारबाहीका लागि सिफारिस गरिएको प्रदेश समिति अध्यक्ष हर्कबहादुर नेम्बाङ र सचिव गणेश उप्रेतीद्वारा हस्ताक्षरित पत्रमा उल्लेख छ। माओवादी केन्द्र प्रदेश समितिका सचिवालय सदस्यसमेत रहेका वनेमले गत वैशाख ३० गते सम्पन्न स्थानीय तहको निर्वाचनमा प्रयोग गर्न दिइएको उम्मेदवार मनोनयनपत्र (टिकट) को दुरुपयोग गरी पार्टीलाई ठूलो क्षति पुर्याएकाले कारबाहीको सिफारिस गरिएको जनाइएको छ। जिल्ला समन्वय समिति चयनका क्रममा पार्टीको निर्णय विपरीत वनेमले आफू प्रस्तावक रही माओवादी केन्द्र फुङ्लिङ नगर समितिका अध्यक्ष गङ्गाराम शङ्खरलाई प्रमुख पदमा उम्मेदवारी दर्ता गराउनुभएको थियो। पार्टीको निर्णयविरुद्ध जिल्ला समन्वय समिति प्रमुख पदमा शङ्खरलाई उम्मेदवारी दर्ता गर्न लगाएर पार्टीलाई गम्भीर क्षति पु¥याएकाले कारबाहीका लागि सिफारिस गरिएको माओवादी केन्द्रको १ नम्बर प्रदेश समितिले जनाएको छ। यता पार्टीका फुङ्लिङ नगरसमिति अध्यक्ष तथा नगर कार्यपालिका सदस्य शङ्खरलाई अनिश्चित समयका लागि सम्पूर्ण जिम्मेवारीबाट निष्कासन गरेको प्रदेश समितिले जनाएको छ।प्रदेश समितिले जिल्ला समन्वय समिति ताप्लेजुङका संयोजक विष्णुकुमार हाङ्बाङ र नगर समिति इन्चार्ज बमबहादुर भट्टराई (तारा) लाई पत्र पठाउँदै शङ्खरलाई निष्कासित गरेको जानकारी गराएको छ। वर्तमान सत्ता गठबन्धनबाट स्थानीय तहको निर्वाचनमा सहभागी भएको माओवादी केन्द्रलाई जिल्ला समन्वय समितिको प्रमुख पद आफ्नो भागमा परेको थियो। माओवादीका आधिकारिक उम्मेदवारले मनोनयन दर्ता गर्न नपाएपछि गठबन्धन साझेदार दल नेपाल कम्युनिस्ट पार्टी (एकीकृत समाजवादी) का जिल्ला अध्यक्ष छिरिङ लामा जिल्ला समन्वय समितिको प्रमुख बन्नुभएको छ।
निगुरोमा जीवन देख्दै पूर्वी मोरङका सयौं परिवार
पूर्वी मोरङका सयौं मानिसलाई सामुदायिक वनको निगुरो नै रोजगारीको श्रोत बनेको छ ।
‘मल ल्याउन प्रयत्नशील छौँ’
कृषि तथा पशुपन्छी विकास मन्त्री मृगेन्द्रकुमार सिंह यादवले सरकार जतिसक्दो चाँडो रासायनिक मल भित्र्याउन प्रयत्नशील रहेको बताउनुभएको छ । सङ्घीय सरकार मातहत रहेका कृषि तथा पशुसँग सम्बन्धित मधेश प्रदेशका विभिन्न कार्यालयका प्रमुखहरूसँग शुक्रबार सर्लाहीको नवलपुरस्थित उष्ण प्रदेशीय बागवानी केन्द्रमा छलफल गर्दै मन्त्री सिंहले साउन दोस्रो सातासम्ममा मल भित्र्याउने प्रयत्न भइरहेको बताउनुभएको हो । सरकारले ओमानबाट कोलकत्ता सुख्खा बन्दरगाह हुँदै ५० हजार टन यूरिया मल ल्याउन लागेको मन्त्री यादवले जानकारी दिनुभयो ।
खेतीमा आकषर्ण घटेसँगै ‘बेठी’ परम्परा लोप
हिजोआज खेतबारी अधिकांस बाँझोनै देखिन्छ । धान रोपाइँ पहिलेको तुलनामा आधाजस्तै कमी भएको पाइन्छ, जसरी पहिले हुने गर्दथे । धनकुटाका सन्तोष कार्की सानै छदाँ गैरीखेत र सीमखेतमा बेठी लगाएर रोपाइँ गरेको सम्झन्छन् । तर बेठी लगाएर रोपाइँ नगरेको करिव दुई दसक भएको उहाँ बताउनुहुन्छ । घरका सबै जना राजगारीका लागि भन्दै विदेशिए कोही शहर पसे त्यसपछि खेती गर्न छाडेपछि बेठी परम्परा पनि सँगसँगै लोप भएर गएको उहाँले बताउनुभयो ।
-original-thumb.jpg)
बाँदर धपाउने नयाँ प्रविधि सिक्दै किसान
दिनभरि खेतमा पाकेको मकै रुँग्दा थकित भएका इलामका किसान बाँदर धपाउने उपकरण निर्माण गरेर प्रयोगमा ल्याउन थालेका छन् । इलाम नगरपालिका–५ मा बाँदर धपाउन नयाँ प्रविधि सफल भएपछि अन्य वडाका किसानले पनि सोही प्रविधि निर्माण र प्रयोग गर्न थालेका हुन् ।
मोरङ कारागारमा कोरोना सङ्क्रमण फैलियो
विराटनगरस्थित मोरङ कारागारका कैदीबन्दीमा कोरोना सङ्क्रमण फैलिएको छ ।
विद्युत् आपूर्ति नहुँदा उदयपुर सिमेन्ट उद्योग बन्द
दैनिक रु ७३ लाखभन्दा भन्दाबढी घाटा बेहोर्दै आएको उक्त उद्योगले विद्युत् आपूर्ति बन्द भएपछि दुई हप्ताभित्र रु १६ करोड घाटा बेहोर्नु परेको महाप्रबन्धक गोपीकृष्ण न्यौपानेले बताउनुभयो ।
टनेलभित्रै फस्टायो तरकारी खेती
कृषि ज्ञान केन्द्रले टनेल बनाउन अनुदान दिएपछि किसान प्रोत्साहित भएका छन् । सामान्यतया जाडो मौसममा रायो सागको खेती हुने गर्छ । तर यसको बजार माग बाह्रै महिना उच्च रहेका कारण झापाका किसानले बर्खे मौसममै आधुनिक प्रविधिबाट अग्र्यानिक रायो साग उत्पादन गरेर लाभ लिन थालेका छन् ।
प्रदेश १ मा पहिलो पटक : इटहरी चोकमा ट्राफिक लाइट
प्रदेश सरकारको आर्थिक सहयोगमा प्रदेश १ मा पहिलो पटक इटहरी चोकमा ट्राफिक लाइट जडान गरिएको छ । इटहरी उपमहानगरपालिका–६ को कार्यालयको सक्रियतामा प्रदेश सरकारअन्तर्गतको यातायात व्यवस्था तथा सञ्चार मन्त्रालयको २६ लाख रुपियाँको सहयोगमा ट्राफिक लाइट जडान गरिएको हो ।
