बेलायतद्वारा युक्रेनलाई सहयोग घोषणा
बेलायतले युक्रेनको आत्मरक्षामा सघाउन सहयोग घोषणा गरेको छ । जसमा कम्तिमा एक लाख २० हजार ड्रोनसहित, आर्थिक विकासलाई बढावा दिने र बेलायत भित्र रोजगारी सिर्जना गर्ने लक्ष्य राखिएको जनाइएको छ ।
भारतमा महिला आरक्षण विधेयक बहसमा
भारतको संसदमा महिलाका लागि एक तिहाइ सिट आरक्षण सुनिश्चित गर्ने ऐतिहासिक विधेयकमाथि बिहीबारदेखि बहस सुरु भएको छ ।
युक्रेनमा रूसी आक्रमण, १४ जनाको मृत्यु
युक्रेनमा भएको पछिल्लो रूसी आक्रमणमा परी कम्तिमा १४ जनाको मृत्यु भएको स्थानीय अधिकारीले बताएका छन् । अधिकारीका अनुसार युक्रेनमा भएको रूसी आक्रमणमा मृत्यु हुनेमा दुई जना बालबालिकासमेत रहेका छन् ।
इरान-अमेरिका वार्तामा सम्झौताप्रति आशा
इरानसँगको शान्ति वार्ताको दोस्रो चरण अघि बढाउने विषयमा पाकिस्तानमार्फत कूटनीतिक प्रयास तीव्र भइरहेका बेला संयुक्त राज्य अमेरिकाले सम्झौतामा पुग्ने सम्भावनाप्रति आशावादी रहेको जनाएको छ ।
अमेरिका–इरान वार्तामा पाकिस्तानको सक्रियता
करिब सात हप्तादेखि जारी अमेरिका–इरान युद्धलाई कूटनीतिक बाटोबाट समाधानतर्फ लैजान प्रयास तीव्र बनिरहेका बेला पाकिस्तान नयाँ प्रमुख मध्यस्थकर्ताको रूपमा उभिएको छ ।
इरानको विश्वकप यात्रा सुनिश्चित
मध्यपूर्वमा जारी तनाव र युद्धको प्रभावबिच पनि इरानको सन् २०२६ को विश्वकप सहभागिता निश्चित रहेको फिफा अध्यक्ष जियानी इन्फान्टिनोले स्पष्ट पार्नुभएको छ ।
स्कुलमै रक्तपात, नौ को मृत्युले टर्की स्तब्ध
कडा बन्दुक नियन्त्रणका लागि परिचित टर्की एकै साता दुई वटा विद्यालय गोलीकाण्डले स्तब्ध बनेको छ । पछिल्लो घटनामा दक्षिणी कहरामानमारस प्रान्तस्थित एक विद्यालयमा १४ वर्षीय विद्यार्थीले अन्धाधुन्ध गोली चलाउँदा नौ जनाको मृत्यु भएको छ भने १३ जना घाइते भएका छन्, जसमा केहीको अवस्था गम्भीर रहेको अधिकारीहरूले जनाएका छन् ।
चुनावी धक्कापछि राष्ट्रपति मुइजुको कदम : माल्दिभ्समा मन्त्रिमण्डल पुनर्गठन
स्थानीय चुनावमा पार्टीले बेहोरेको कमजोर नतिजापछि माल्दिभ्सका राष्ट्रपति मोहम्मद मुइजुले मन्त्रिमण्डल पुनर्गठन गर्दै मन्त्रीहरूको सङ्ख्या घटाउनुभएको छ । सरकारका अनुसार यो निर्णय राजनीतिक दबाब र हालैको निर्वाचन परिणामसँग प्रत्यक्ष रूपमा जोडिएको छ ।
रुसले चीनको ऊर्जा अभाव पूर्ति गर्ने सङ्केत
मध्यपूर्वमा जारी अमेरिका-इजरायल र इरानबिचको युद्धका कारण विश्व ऊर्जा आपूर्तिमा देखिएको अनिश्चितताबिच रुसले चीनको सम्भावित ऊर्जा अभाव पूर्ति गर्न सक्ने स्पष्ट सङ्केत दिएको छ ।
दक्षिणी लेबनानमा भएको इजरायली आक्रमणमा पाँच जनाको मृत्यु
दक्षिणी लेबनानको अन्सारीयेह सहरमा भएको इजरायली हवाई आक्रमणमा पाँच जनाको मृत्यु भएको जनाइएको छ । लेबनानी राष्ट्रिय समाचार एजेन्सीले बुधबार शहरलाई लक्षित गरी गरिएको आक्रमणमा पाँच जनाको मृत्यु भएको पुष्टि गरेको छ ।
फ्रान्समा पक्राउ परेका इरानी नागरिक स्वदेश फिर्ता : मिडिया
एक वर्ष भन्दा लामो समयदेखि फ्रान्समा बन्दी बनाइएका इरानी नागरिक महदिह एस्फान्डियारी स्वदेश फर्केको इरानको सरकारी टेलिभिजनले बुधबार रिपोर्ट गरेको छ । इरानले दुई फ्रान्सेली नागरिकलाई रिहा गरेको एक हप्ता पछि उहाँलाई रिहा गरेको जनाइएको छ ।
इरानी नाविक फिर्ता, हिन्द महासागरमा युद्धको छाया
मध्यपूर्वको द्वन्द्व विस्तारिँदै हिन्द महासागरसम्म प्रभाव पारिरहेका बेला श्रीलङ्काले आफ्नो भूमिमा आश्रय लिएका २३८ इरानी नाविकलाई स्वदेश फिर्ता गरेको जनाएको छ । अमेरिकी पनडुब्बी आक्रमणपछि समुद्रमा सङ्कटमा परेका ती नाविकलाई उद्धार गरी मानवीय आधारमा संरक्षण दिइएको थियो ।
लेबनानमा भएको सहायताकर्मीको हत्याको विश्व व्यापी निन्दा, युद्ध अन्त्य गर्न आह्वान
अस्ट्रेलिया, ब्राजिल, क्यानाडा, कोलम्बिया, इन्डोनेसिया, जापान, जोर्डन, सिएरा लियोन, स्विजरल्यान्ड र बेलायतलगायत १० देशले लेबनानमा बढ्दो विस्थापन र सङ्कटको बारेमा चिन्ता व्यक्त गर्दै द्वन्द्व क्षेत्रमा रहेका मानवीय कामदारको सुरक्षाका लागि आह्वान गरेका छन् ।
साउदी भ्रमणमा सरिफ, कूटनीति र आर्थिक सहायतामा जोड
क्षेत्रीय तनावबिच कूटनीतिक सक्रियता बढाइरहेको पाकिस्तानले एकातर्फ अमेरिका-इरान शान्ति प्रयासमा भूमिका खेलिरहेको छ भने अर्कोतर्फ आफ्नो प्रमुख साझेदारसँग आर्थिक तथा रणनीतिक सम्बन्ध बलियो बनाउन अघि बढेको छ ।
उत्तर कोरियाको आणविक क्षमता तीव्र वृद्धि : आइएइए
अन्तर्राष्ट्रिय आणविक निगरानी निकायका प्रमुखले उत्तर कोरियाको आणविक हतियार उत्पादन क्षमतामा ‘धेरै गम्भीर वृद्धि’ भइरहेको चेतावनी दिएका छन् । पछिल्ला निरीक्षण र मूल्याङ्कनले देशको संवर्धन तथा पुनः प्रशोधन गतिविधि तीव्ररूपमा बढिरहेको देखाएको हो ।
गाजामा भएको इजरायली आक्रमणमा दस जनाको मृत्यु
गाजास्थित प्यालेस्टिनी क्षेत्रको उत्तरी भागमा भएको इजरायली आक्रमणमा एक जना बच्चासहित दस जनाको मृत्यु भएको गाजाको नागरिक सुरक्षा एजेन्सीले बताएको छ ।
चीन-रुस सम्बन्ध ‘बहुमूल्य’ : सी
विश्वव्यापी अस्थिरता र द्वन्द्वले अन्तर्राष्ट्रिय परिदृश्य थप जटिल बनाइरहेका बेला चिनियाँ राष्ट्रपति सी जिनपिङले चीन-रुस सम्बन्धलाई ‘विशेष रूपमा बहुमूल्य’ भन्दै यसको रणनीतिक महत्त्व अझ बढेको बताउनुभएको छ ।
विहारमा नयाँ नेतृत्व, मुख्यमन्त्रीमा सम्राट चौधरी
भारतको विहार राज्यमा राजनीतिक इतिहासमै महत्त्वपूर्ण मोड आएको छ । भारतीय जनता पार्टी (भाजपा)का नेता सम्राट चौधरीले बुधबार विहारको मुख्यमन्त्रीका रूपमा शपथ लिनुभएको छ ।
मध्यपूर्व द्वन्द्व शान्तितर्फ उन्मुख, कूटनीतिक गतिविधि तीव्र
मध्यपूर्वमा जारी युद्धका बिच पछिल्ला दिनहरूमा कूटनीतिक पहलहरू तीव्र बन्दै गएका छन् र प्रमुख पक्षबिच वार्ता तथा संवादका सङ्केत देखिन थालेका छन् ।
टर्की विद्यालयमा गोलीकाण्ड, १६ घाइते
टर्कीको दक्षिणपूर्वी क्षेत्रमा रहेको एक विद्यालयमा पूर्व विद्यार्थीबाट गरिएको अन्धाधुन्ध गोलीकाण्डमा कम्तीमा १६ जना घाइते भएका छन् । यस गोलीकाण्डले देशमा विद्यालय सुरक्षाबारे पुनः गम्भीर चिन्ता उत्पन्न गराएको छ ।
१०० युरोमा पिकासो जित्ने अवसर
अल्जाइमर अनुसन्धानका लागि कोष जुटाउने उद्देश्यले फ्रान्समा आयोजना गरिएको एक विशेष राफलमार्फत केवल १०० युरोमा करोडौँ मूल्यको पाब्लो पिकासोको चित्रकला जित्ने अवसर प्रदान गरिएको छ ।
सार्क पत्रकार मञ्चका अध्यक्ष लामा राष्ट्र संघको बैठकमा सहभागी
सार्वजनिक प्रशासनसम्बन्धी संयुक्त राष्ट्र संघको विज्ञ समिति (सिपा) को २५ औं सत्रमा भाग लिन सार्क पत्रकार मञ्चका अध्यक्ष राजु लामा अमेरिका पुग्नुभएको छ । संयुक्त राष्ट्र संघको मुख्यालयमा सुरु भएको बैठकमा उहाँले भाग लिन अमेरिका पुग्नुभएको हो ।
कर धम्कीमा चीनको कडा चेतावनी
अमेरिका र चीनबिच व्यापारिक तनाव फेरि चर्किने सङ्केत देखिएको छ । जहाँ अमेरिकी राष्ट्रपति डोनाल्ड ट्रम्पले चीनमाथि नयाँ कर लगाउने चेतावनी दिएपछि बेइजिङले त्यसको ‘कडा प्रतिआक्रमण’ गर्ने स्पष्ट सन्देश दिएको छ ।
सुडानमा जनवरीदेखि भएका ड्रोन आक्रमणमा सात सय जनाको मृत्यु : राष्ट्रसङ्घ
यस वर्षको जनवरीदेखि हालसम्म सुडानमा भएका ड्रोन आक्रमणमा करिब ७०० जना सर्वसाधारणको मृत्यु भएको संयुक्त राष्ट्रसङ्घीय सहायता प्रमुख टम फ्लेचरले बताउनु भएको छ । उहाँले तीन वर्ष लामो गृहयुद्धले सुडानमा विश्वको सबै भन्दा ठूलो मानवीय सङ्कट सिर्जना गरेको बताउनु भएको छ ।
अमेरिकी नाकाबन्दीप्रति चीनको कडा आपत्ति
इरानका बन्दरगाह वरपर अमेरिकाले लागु गरेको नाकाबन्दीप्रति चीनले तीव्र असन्तुष्टि जनाउँदै यसलाई ‘खतरनाक र गैरजिम्मेवारपूर्ण’ कदमका रूपमा व्याख्या गरेको छ, जसले क्षेत्रीय तनाव थप चर्काउने र नाजुक युद्धविरामलाई कमजोर पार्ने चेतावनी दिएको छ ।
