बढ्दै संक्रमण : २४ घण्टामा १८ जनामा कोरोना पुष्टि
पछिल्लो २४ घण्टामा थप १८ जनामा कोरोना संक्रमण पुष्टि भएको छ।
बालबालिकालाई कोरोनाविरुद्धको खोप दिइने
सुदूरपश्चिम प्रदेशमा पाँचदेखि १२ वर्षमुनिका तीन जिल्लाका बालबालिकालाई कोरोनाविरुद्धको खोप दिइने भएको छ । पहिलो चरण अन्तर्गत कैलाली, कञ्चनपुर र डडेल्धुराका बालबालिकालाई फाइजर खोप दिन लागिएको हो ।
कोभिडविरुद्धको फाइजर (पेडियाट्रिक) खोप काठमाडौंमा आइपुग्याे
पाँच वर्षदेखि १२ वर्षमुनिका बालबालिकालाई लगाउने २२ लाखभन्दा बढी कोभिडविरुद्धको फाइजर (पेडियाट्रिक) खोप आज काठमाडौं आइपुगेको छ ।
हैजा राेग के हाे र यसबाट कसरी बच्ने ?
पछिल्लो केही दिनदेखि शुक्रराज ट्रपिकल तथा सरुवा रोग अस्पतालमा झाडा पखालाका बिरामी बढ्न थालेका छन् । अस्पतालमा बिहीबार यो वर्षकै धेरै १९ जना झाडा पखालाका बिरामी अस्पतालमा आएको अस्पतालका सूचना अधिकृत नवराज गौतमले जानकारी दिनुभयो । उहाँका अनुसार अस्पतालमा अहिले छ जना झाडा पखालाका बिरामी उपचाररत छन् ।
मेडिकल कलेज स्थापनाका लागि समन्वय समिति गठन
डडेल्धुरामा मेडिकल कलेज स्थापनाका लागि जिल्लास्तरीय समन्वय, सहकार्य समिति गठन गरिएको छ । अमरगढी नगर प्रमुख डिल्लीराज जोशीको संयोजकत्वमा जिल्ला समन्वय समिति प्रमुख, राष्ट्रिय भूमि आयोगका अध्यक्ष, जिल्लास्थित सबै राजनीतिक दलका प्रमुख, प्रमुख जिल्ला अधिकारी, नापी, मालपोत, वन, स्वास्थ्य, शिक्षा समन्वय कार्यालयका प्रमुखहरु सदस्य रहने गरी समिति गठन गरिएको हो ।
नेपालमा पहिलोपटक ‘हर्मोनन क्लिनिक’ सञ्चालनमा ल्याइँदै
यौनिक तथा लैङ्गिक अल्पसङ्ख्यक समुदायका संविधान प्रदत्त हक संरक्षण गर्न ‘हर्मोनल क्लिनिक’ सेवा सञ्चालनमा ल्याइने भएको छ । यौनिक तथा लैङ्गिक अल्पसङ्ख्यक भन्नाले समलिङ्गी महिला, समलिङ्गी पुरुष, द्विलिङ्गी, पारालिङ्गी, अन्तर्लिङ्गी, र क्वेयर आदि पर्दछन् ।
२४ घण्टामा थप ११ जनामा कोरोना सङ्क्रमण
काठमाडौं, असार ४ गते। पछिल्लो २४ घण्टामा थप ११ जनामा कोरोना सङ्क्रमण पुष्टि भएको छ। स्वास्थ्य तथा जनसङ्ख्या मन्त्रालयका अनुसार १५ सय ९० जनाको पीसीआर परीक्षण गर्दा ११ जनामा सङ्क्रमण पुष्टि भएको हो। मन्त्रालयका अनुसार ९४४ जनाको एन्टीजेन परीक्षण गर्दा तीन जनामा संक्रमण पुष्टि भएको छ। त्यसैगरी २४ घण्टामा ११ जना सङ्क्रमणमुक्त भएका छन्। मृत्युदर शून्य रहेको नेपालमा अहिले सक्रिय सङ्क्रमितको सङ्ख्या १०४ पुगेको छ।
शिक्षण अस्पतालमा स्वास्थ्य बीमा कार्यक्रम स्थगन
त्रिभुवन विश्वविद्यालय शिक्षण अस्पतालमा स्वास्थ्य बीमा कार्यक्रमलाई स्थगित गरेको छ ।
हट्दैछ सुरक्षित गर्भपतनको भ्रम
मुलसरी रोकामगर रोल्पा थवाङकी सामुदायिक अगुवा हुनुहुन्छ । सामुदायिक अगुवा हुनुअघि उहाँमा प्रजनन स्वास्थ्यबारे धेरै भ्रम भएकाले यस विषयमा खुलेर बोल्न लजाउने गर्नुहुन्थ्यो ।
मंकिपक्स आशङ्का गरिएका पुरुषमा कुष्टरोग पुष्टि
मंकिपक्स भएको आशंकमा अस्पताल भर्ना भएका पुरुषमा कुष्ट रोग पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
खोप सुरक्षित र प्रभावकारी भएकाले निर्धक भएर लगाउन आग्रह
बालबालिकाहरुलाई लगाइन कोरोनाविरुद्धको खोप सुरक्षित र प्रभावकारी भएकोले निर्धक भएको खोप लगाउन जनस्वास्थ्य विज्ञको आग्रह छ ।
रेबिजको लक्षण देखिएका शत प्रतिशतको मृत्यु : खोप अनिवार्य लगाउन चिकित्सकको सुझाव
दुई महिना अगाडि काठमाडौंका २७ वर्षीय पुरुष टेकुस्थित शुक्रराज ट्रपिकल तथा सरुवा रोग अस्पतालमा रेबिज भएर भर्ना हुनुभयो । अस्पतालमा भर्ना भएको चार दिनपछि उहाँको मृत्युभयो । शिक्षण पेशामा आवद्ध उहाँलाई एक महिना पहिला कुकुरले टोकेपछि अस्पताल भर्ना हुनुभएको परिवारले बताएको छ ।
टेकु अस्पतालमा हैजाका बिरामी भर्ना
टेकुस्थित शुक्रराज ट्रपिकल तथा सरुवा रोग अस्पतालमा हैजाका बिरामी भर्ना भएका छन् ।
मंकिपक्सका शङ्कास्पद बिरामी टेकु अस्पतालमा भर्ना
विदेशबाट काठमाडौं आएका मंकिपक्सका शंकास्पद एक बिरामीलाई टेकुस्थित शुक्रराज ट्रपिकल तथा सरुवारोग अस्पतालमा भर्ना गरिएको छ ।
जनप्रतिनिधिलाई आँखा स्वास्थ्य सचेतना
ग्रामीण क्षेत्रका आँखाको बिरामी पहिचान गरी उपचारका लागि प्रेरित गर्न कपिलवस्तुका जनप्रतिनिधिलाई आँखा स्वास्थ्य शिक्षा प्रदान गरिएको छ । छन्दे कालेवाबु नारायणी आँखा अस्पताल बहादुरगन्जले कपिलवस्तुका नवनिर्वाचित जनप्रतिनिधिलाई सचेतना प्रदान गरेको छ । अस्पतालले शिवराज र बुद्धभूमि नगरपालिकाका सबै जनप्रतिनिधिलाई एक दिने प्रशिक्षण गरेको छ ।
अस्पतालको शौचालयमा नवजात शिशुको शव फेला
कपिलवस्तुको सदरमुकाम तौलिहवास्थित कपिलवस्तु अस्पतालको कर्मचारीले प्रयोग गर्ने शौचालयमा नवजात शिशुको शव फेला परेको छ । बिहान ९ः३० बजे ईनडोर रुमको (बिरामी भर्ना गर्ने कक्ष) शौचालयको डस्टविनभित्र फालेको अवस्थामा शव फेला परेको जिल्ला प्रहरी कार्यालय कपिलवस्तुका प्रमुख प्रहरी उपरीक्षक दानबहादुर कार्कीले बताउनुभयो ।
राज्यमन्त्री वली अस्पताल भर्ना
लुम्बिनी प्रदेशका स्वास्थ्य राज्यमन्त्री विमला खत्री वली अस्वस्थ हुनुभएपछि उहाँलाई लुम्बिनी प्रादेशिक अस्पतालमा भर्ना गरेर उपचार गरिएको छ ।
टेकु अस्पतालमा कुष्ठरोग उपचार
टेकुस्थित शुक्रराज ट्रपिकल तथा सरुवा रोग अस्पतालले कुष्ठरोगका बिरामीको पनि उपचार सुरु गरेको छ । सरुवा रोग अस्पताल भए पनि शुक्रराज अस्पतालले हालसम्म कुष्ठरोगको उपचार गरेको थिएन । अहिले अस्पतालले सबै प्रकारका सुविधासहित कुष्ठरोगको उपचार सुरु गरेको हो ।
नर्स बेलायत लैजाने प्रस्ताव मन्त्रिपरिषद्मा
बेलायत सरकारबाट माग भए बमोजिम नर्सिङ जनशक्ति पठाउने योजनाअनुरूप श्रम समझदारीपत्रमा हस्ताक्षरका गर्नका लागि मन्त्रिपरिषद् प्रस्ताव पठाइएको छ।
१८ वर्ष पुगेका स्वस्थ व्यक्तिलाई रक्तदान गर्न आह्वान
रक्तदाता राजेन्द्र श्रेष्ठले जेठ २८ गते रक्तदान गर्नुभएसँग उहाँले आफ्नो जीवनमा एक सय पटक रक्तदान गरिसक्नु भएको बताउनुभयो । श्रेष्ठले २०४९ सालमा पहिलो पटक रक्तदान गर्नुभएको थियो ।
जिल्ला अस्पताल डोटीमा अक्सिजन प्लान्ट जडान
जिल्ला अस्पताल डोटीमा अक्सिजन प्लान्ट जडान गरिएको छ । दिनको १० वटा सिलिन्डर भर्नसक्ने क्षमता रहेको सो प्लान्टको सोमबार सुदूरपश्चिम प्रदेशका सामाजिक विकास राज्यमन्त्री टेकबहादुर रैकाले उदघाटन गर्नुभयो ।
लैङ्गिक हिंसा न्यूनीकरणमा एकद्वार संकट व्यवस्थापन केन्द्र कति प्रभावकारी ?
लैङ्गिक हिंसाबाट विशेषगरी महिला तथा बालबालिकाहरू पीडित-प्रभावित हुने गरेका छन् । यसबाट उनीहरूमा शारीरिक, यौनजन्य, मानसिक तथा मनोवैज्ञानिक, आर्थिक तथा सामाजिक असर पर्ने गरेको छ ।
लमजुङमा निःशुल्क स्वास्थ्य बीमा कार्यक्रम सुरु
लमजुङमा निःशुल्क स्वास्थ्य बीमा कार्यक्रम सुरु भएको छ । जिल्लाका सहिद र बेपत्ताका परिवार, जनयुद्ध, द्वन्द्व, जनआन्दोलनका घाइतेहरु, ‘ख’ वर्गको अपाङ्गता परिचयपत्र भएकाहरुको निःशुल्क स्वास्थ्य बीमा भएको छ ।
शुक्रबारबाट १२ वर्षदेखि १७ वर्षका बालबालिकालाई बुस्टर मात्रा खोप दिइदै
कोरोनाविरुद्धको दुई मात्रा खोप लगाएको तीन महिना पुगेका १२ वर्षदेखि १७ वर्ष उमेर समूहका बालबालिकाहरुलाई बुस्टर मात्रा खोप लगाउन लागिएको हो ।
परिचयपत्रका आधारमा स्वास्थ्य सेवा लिन सकिने
योगदानमा आधारित सामाजिक सुरक्षा कोषमा योगदान गर्ने योगदानकर्ताले कोषमा योगदान गरेको परिचयपत्र देखाएर स्वास्थ्य उपचार सेवा लिन सक्नेछन् । कोष र पाटन अस्पतालबीच बिहीबार भएको सम्झौताअनुसार योगदानकर्ताले कोषमा योगदान गरेको परिचयपत्र देखाएर स्वास्थ्य सेवा लिनसक्ने भएका हुन् ।
