चितुवाको आक्रमणबाट बालकको मृत्यु
बाजुरामा चितुवाको आक्रमणबाट एक बालकको मृत्यु भएको छ । खप्तड छेडेदह गाउँपालिका–३ धुर्तोलाका ८ वर्षीय विजय रावतको आइतबार साँझ चितुवाको आक्रमणबाट मृत्यु भएको हो ।
मुख्यमन्त्री शाहमाथि प्रतिपक्षीले उठाए प्रश्न
सुदूरपश्चिम प्रदेशको प्रदेश सभामा अवरोध जारी राखेका प्रतिपक्षी दलले मुख्यमन्त्री कमलबहादुर शाहको नैतिकतामाथि प्रश्न उठाएका छन् ।
आर्थिक प्रलोभनमा वन विनाश
यहाँका वनजङ्गल जथाभाबी फँडानी गरिएका छन् ।
-original-thumb.jpg)
प्रदेश राजधानी संरक्षण योजना
कर्णाली प्रदेश सरकारले प्रदेश राजधानी संरक्षण आयोजना कार्यान्वयन गर्न लागेको छ । बढ्दो जनसङ्ख्यालाई दृष्टिगत गरेर व्यवस्थित राजधानी निर्माण गर्ने योजना सरकारको छ ।
कोशी र गण्डकीमा वर्षाको सम्भावना
काठमाडौँ, चैत १८ गते । हाल देशमा पश्चिमी वायुको आंशिक प्रभाव रहेको छ । लुम्बिनी प्रदेश, कर्णाली प्रदेश, सुदूरपश्चिम प्रदेशलगायत देशका पहाडी भू–भागमा आंशिक बदली रही बाँकी भू–भागको मौसम मूख्यतया सफा रहेको मौसम पूर्वानुमान महाशाखाले जनाएको छ ।आज कोशी प्रदेश र गण्डकी प्रदेशको पहाडी भू–भागको एक–दुई स्थानमा मेघगर्जन र चट्याङसहित हल्का वर्षा तथा उच्च पहाडी र हिमाली भू–भागका एक–दुई स्थानमा हल्का हिमपातको सम्भावना रहेको छ । यसबाट दैनिक जनजीवन, कृषि, स्वास्थ्य, सडक तथा हवाई यातायातमा आंशिक प्रभाव पर्न सक्ने हुँदा त्यसबाट हुन सक्ने असरबाट बच्न आवश्यक उपाय र सतर्कता अपनाउन महाशाखाले अनुरोध गरेको छ ।
ईदका अवसरमा आज सार्वजनक बिदा
काठमाडौँ, चैत १८ गते । सरकारले इस्लाम धर्मावलम्बीको पर्व ईदका अवसरमा आज सार्वजनिक बिदा दिएको छ । गृह मन्त्रालयका प्रवक्ता एवं सहसचिव रामचन्द्र तिवारीका अनुसार, २०८० माघ २९ को नेपाल राजपत्रमा प्रकाशित सूचनाअनुसार आज सार्वजनिक बिदा दिइएको हो । इस्लाम धर्मावलम्बीको महान पर्व ‘ईद–उल–फित्र’ हर्षोल्लासका साथ मनाउने परम्परा रही आएको छ ।
नेपाल फर्काइए पुरातात्त्विक सम्पदा
नेपाल प्राचीन कालदेखि सांस्कृतिक कलाकृतिका दृष्टिले समृद्ध छ ।
लेबलबिनाका वस्तु जफत गर्ने चेतावनी
सरकारले लेबलबिनाका वस्तु बजारमा पठाएमा जफत गर्ने चेतावनी दिएको छ । वाणिज्य, आपूर्ति तथा उपभोक्ता संरक्षण विभागले २० गतेपछि बजारमा लेबल नभएका वस्तु भेटिएमा जफत तथा सम्बन्धित उत्पादक उद्योगलाई कारबाही हुने जानकारी गराएको हो ।
विश्व बैङ्कको बिस अर्ब चालिस करोड सहयोग
तेस्रो पुल सुधार तथा मर्मत कार्यक्रम कार्यान्वयनका लागि विश्व बैङ्कले २० अर्ब ४० करोड रुपियाँ प्रदान गर्ने भएको छ । विश्व बैङ्कको कार्यकारी निर्देशक बोर्डले १५ करोड अमेरिकी डलरको वित्तीय ‘प्याकेज’ आइतबार स्वीकृत गरेको हो ।
वरिष्ठ पत्रकार कोइरालाको निधन
वरिष्ठ पत्रकार एवं पूर्वराजदूत कमल कोइरालाको ८७ वर्षको उमेरमा आज साँझ निधन भएको छ । केही दिनअघि घरमै लड्नुभएका कोइरालालाई उपचारको लागि सिनामङ्गलस्थित केएमसी अस्पतालमा भर्ना गरिएको थियो । उपचारकै क्रममा उहाँको निधन भएको हो ।
उच्च अदालत हेटौंडा इजलासमा ५८.९३ प्रतिशत मुद्दा फर्छ्यौट
बागमती प्रदेशको राजधानी हेटौंडामा अवस्थित उच्च अदालत पाटन हेटौंडा इजलासले चालू आर्थिक वर्षको चैत पहिलो सातासम्ममा ५८.९३ प्रतिशत मुद्दा फर्छ्यौट गरेको छ ।
बगमबेली फूलमा मोहित स्थानीय
तुलसीपुर उपमहानगरपालिका ९ स्थित कृष्ण मन्दिरको ओरालोमा केशर शाहीको घरको फूलबारीमा अहिले बगमबेली फूल फुलेर मनमोहक वातावरण बनाएको छ । फूलले आफ्नो आकर्षक रंग र बगमबेलीको अनौठो फूलझरिका कारण स्थानीय र बाह्य पर्यटकहरूको मन तानेको छ ।
गाजामा इजरायली आक्रमणमा १४ जनाको मृत्यु
प्यालेस्टिनी रेड क्रिसेन्टले आइतबार गाजा पट्टीमा एक हप्ताअघि एम्बुलेन्समा इजरायली सेनाको गोली लागेर मारिएका १४ उद्धारकर्ताको शव फेला पारेको बताएको छ ।
गणतन्त्रको विकल्प बलियो र संस्थागत लोकतन्त्र : अध्यक्ष यादव
जनता समाजवादी पार्टी (जसपा) नेपालका अध्यक्ष उपेन्द्र यादवले लोकतान्त्रिक गणतन्त्रको विकल्प बलियो र संस्थागत लोकतन्त्र नै भएको बताउनुभएको छ ।
प्रधानमन्त्रीको औपचारिक थाइल्याण्ड भ्रमण: पूर्व प्रधानमन्त्री र पूर्व पराराष्ट्रमन्त्रीसँग परामर्श
प्रधानमन्त्री केपी शर्मा ओलीको मित्रराष्ट्र थाइल्याण्डको औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को छैटौं शिखर सम्मेलनमा सहभागितबारे आज पूर्व प्रधानमन्त्री र पूर्व परराष्ट्रमन्त्रीहरुसँग परामर्श छलफल भएको छ।
-original-thumb.jpg)
व्यवस्था बदल्छु भन्नु दिवास्वप्नाः मुख्यमन्त्री पाण्डे
गण्डकी प्रदेशका मुख्यमन्त्री सुरेन्द्रराज पाण्डेले सङ्घीय लोकतान्त्रिक गणतन्त्र ठूलो त्याग, समर्पण र योगदानपछि संस्थागत बनेको जनाउँदै अबको विकल्प यसकै विकास भएको बताउनुभएको छ। आइतबार गण्डकी प्रदेशसभाको मुख्यमन्त्रीसँग प्रश्नोत्तर कार्यक्रममा उहाँले यस्तो धारणा राख्नुभएको छ।
सामुदायिक वनमा आगो लगाउने एक पक्राउ
सामुदायिक वनमा आगो लगाएको आरोपमा प्रहरीले एक जनालाई पक्राउ गरेको छ ।
भाटभटेनी लुटपाट गर्ने सबै कोटेश्वर क्षेत्रका बासिन्दा, एक भारतीय नागरिक
प्रहरीले चैत १५ गते कोटेश्वरस्थित भाटभटेनी सुपरमार्केट लुटपाटमा सङ्लग्न नौ जनालाई पक्राउ गरेको छ।
सोमबार इदको सार्वजनिक बिदा
नेपाल सरकारले इस्लाम धर्मावलम्बीको पर्व ईद–उल फित्र (इद) को अवसरमा सोमबार सार्वजनिक बिदा दिने निर्णय गरेको छ।
पत्रकार रजकको मृत्युबारे छानबिन गर्न माग
प्रेस चौतारी नेपालले यही चैत १५ गते शुक्रबार तीनकुनेमा भएको प्रदर्शनका क्रममा पत्रकार सुरेश रजकको मृत्युका सम्बन्धमा छानबिन गर्न माग गरेको छ।
राप्रपा उपाध्यक्ष मिश्र र महामन्त्री जबरालाई अदालतमा उपस्थित गराइयो
राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्र र महामन्त्री धवल शमशेर जबरालाई अदालतमा उपस्थित गराइएको छ।
नेप्से परिसूचक २९ अङ्कले बढ्यो
यो साता कारोबारको पहिलो दिन नेपाल स्टक एक्सचेन्जमा एक दशमलव ११ प्रतिशतको वृद्धि देखिएको छ ।
शतप्रतिशत अनुदानमा सिँचाइ यन्त्र उपकरण वितरण
कृषि ज्ञान केन्द्र पश्चिम नवलपरासीले गरिब विपन्न समुदायलाई बेमौसमे तरकारी खेतीका लागि सिँचाइ उपकरणहरू सहयोग गरेको छ ।
साबालेन्कालाई मियामी ओपन टेनिस उपाधि
आइतबार भएको महिला एकलतर्फको फाइनलमा चौथो वरियताकी अमेरिकी खेलाडी जेसिका पुगुलालाई २–० को सोझो सेटमा हराउँदै साबालेन्का च्याम्पियन बन्नुभएको हो ।
उच्च स्तरीय छानबिन समिति गठन गर्न माग
सुदूरपश्चिम प्रदेश दीगो वन व्यवस्थापन विधेयकलाई लिएर ठुलो आर्थिक चलखेल भइरहेको भन्दै प्रतिपक्षी दलले उच्च स्तरीय छानबिन समिति गठन गर्न माग गरेका छन् ।
