विद्युत् खपत विस्तारको रणनीति बनाइने
ऊर्जा, जलस्रोत तथा सिँचाइ मन्त्रालयले विद्युत्को आन्तरिक खपत विस्तारका लागि नयाँ रणनीति बनाउने भएको छ । ऊर्जा, जलस्रोत तथा सिँचाइमन्त्री विराजभक्त श्रेष्ठले नेपाल उद्योग परिसङ्घका पदाधिकारीसँगको छलफलमा यस्तो जानकारी गराउनुभएको हो ।
पेट्रोलियममा उच्च मूल्य बढेको वर्ष
एक वर्षको अवधिमा बजारमा पेट्रोलियम पदार्थमा उच्च मूल्यवृद्धि भएको छ । अन्तर्राष्ट्रिय बजारमा मूल्य बढ्दा त्यसको मारमा नेपाली उपभोक्ता परेका हुन् । एक वर्षको अवधिमा पेट्रोल लिटरमा ५६ रुपियाँ, डिजेल प्रतिलिटरमा ५८ रुपियाँ, हवाई इन्धन आन्तरिक लिटरमा ८८ रुपियाँ र खाना पकाउने एलपी ग्यास प्रतिसिलिन्डरमा एक सय रुपियाँ मूल्य बढेको छ । नेपाल आयल निगमका अनुसार २०८१ चैत अन्तिममा प्रतिलिटर १६३ रहेको पेट्रोलको मूल्य अहिले बढेर २१९ रुपियाँ पुगेको छ । यस्तै प्रतिलिटर १४९ रुपियाँ रहेको डिजेलको मूल्य बढेर लिटरमा २०७ रुपियाँ पुगेको छ ।
गौर भन्सारको राजस्व सङ्कलनमा उल्लेखनीय सुधार
गौर भन्सार कार्यालयले चालु आर्थिक वर्ष २०८२/०८३ मा राजस्व सङ्कलनतर्फ उत्साहजनक प्रगति हासिल गरेको छ। गत आर्थिक वर्षको तुलनामा यस वर्ष लक्ष्यअनुसार उच्च उपलब्धि प्राप्त भएको कार्यालय प्रमुख विकासकुमार रजकले जानकारी दिनुभयो।
सार्ने भए जग्गा र मुआब्जा माग
विश्वसम्पदा सूचीमा सूचीकृत लुम्बिनी क्षेत्र संरक्षणका लागि सर्वोच्च अदालतले प्रदूषणजन्य उद्योगलाई स्थानान्तरण गर्न दिएको आदेशपछि उद्योगी व्यवसायी अलमलमा परेका छन् । अदालतको ऐतिहासिक आदेशले लुम्बिनीआसपास १५ किलोमिटर क्षेत्रभित्र रहेका ६१ भन्दा बढी उद्योग हटाउन निर्देशन दिएपछि उद्योगीले अबको बाटोबारे स्पष्टता खोजिरहेका हुन् । सर्वोच्चको गत भदौमा भएको आदेशको पूर्ण पाठ केही दिनअघि मात्रै सार्वजनिक भएको थियो ।
कोलम्बिया-इक्वेडर व्यापार युद्ध चर्कियो
दक्षिण अमेरिकाका दुई छिमेकी मुलुक कोलम्बिया र इक्वेडरबिच जारी व्यापार तनाव थप चर्किएको छ । इक्वेडरले कोलम्बियाली सामानमा कर बढाएको भोलिपल्ट नै कोलम्बियाले पनि प्रतिउत्तर स्वरूप इक्वेडरबाट आयात हुने वस्तुमा १०० प्रतिशतसम्मको भन्सार शुल्क लगाउने निर्णय गरेको जनाएको छ ।
गण्डक विद्युत् उत्पादन १५ बाट ३ मेगावाटमा झर्यो
पश्चिम नवलपरासीस्थित गण्डक जलविद्युत केन्द्र (सुरजपुरा) को उत्पादन क्षमतामा भारी गिरावट आएपछि यसको सुधारका लागि सरकारको ध्यानाकर्षण गराइएको छ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले शनिबारका लागि कृषिउपजको थोक मूल्य निर्धारण गरेको छ ।
सुनको मूल्य बढ्यो, चाँदीको घट्यो
स्थानीय बजारमा आज सुनकोे मूल्य बढेको छ भने चाँदीको मोल घटेको छ । सुन प्रतितोला दुई हजार २०० ले बढेको छ भने चाँदी तोलामा ८५ ले घटेको छ ।
-original-thumb.jpg)
आर्थिक समृद्धिका लागि निजी क्षेत्रसँग सहकार्य आवश्यक : राष्ट्रपति
राष्ट्रपति रामचन्द्र पौडेलले व्यापारव्यवसाय, उद्योग धन्दा र आर्थिक क्रियाकलापको विकास र विस्तार नै हाम्रो आर्थिक समृद्धिको मूल आधार भएको धारणा व्यक्त गर्नुभएको छ ।
सुनचाँदीको मूल्य घट्यो
नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला दुई लाख ९४ हजार ७०० र त्यति नै परिमाणको सेतो धातुको मूल्य रु चार हजार ८७५ कायम भएको छ ।
घट्यो कच्चा तेलको मूल्य
एक महिनादेखि निरन्तर बढ्दै गएको कच्चा तेलको मूल्यमा गिरावट आएको छ । अमेरिकाका राष्ट्रपति डोनाल्ड ट्रम्पले इरानसँग दुई साताका लागि युद्धविराम गर्ने सहमति जनाएपछि बुुधबार अन्तर्राष्ट्रिय बजारमा तेलको मूल्यमा उच्च गिरावट आएको हो । कच्चा तेलको मूल्य १५ प्रतिशतले घटेर प्रतिब्यारेल ९५ अमेरिकी डलरमा झरेको छ । पश्चिम एसियाली मुलुकमा भएको युद्धका कारण निरन्तर तेलको मूल्य बढेर प्रतिब्यारेल १२० अमेरिकी डलरसम्म पुगेको थियो ।
