गोरखापत्र अनलाइन
झापा फुटबल क्लब गृह जिल्लामा सम्मानित
‘सी’ डिभिजन च्याम्पियन बन्दै ‘बी’ डिभिननमा बढुवा भएको झापा फुटबल क्लबलाई गृह जिल्लामा सम्मान गरिएको छ । झापा गोल्डकप आयोजक समितिले झापा फुटबल क्लबका खेलाडी तथा अफिसियललाई शुक्रबार नगद सहित सम्मान गरेको हो ।
'ठेकीको मदानी'मा सुधिर र सुपा
काठमाडौं, असार ३ गते । मोडल सुधिर श्रेष्ठ र सुपा खनालको अभिनय रहेको 'ठेकीमा मदानी' बोलको म्युजिक भिडियो सार्वजनिक भएको छ । 'क्ल्यासिक फ्रेम मुभिज'को आधिकारिक युट्युव च्यानलमार्फत भिडियो सार्वजनिक भएको हो। यस गीतमा गायक गोविन्द अर्याल र गायिका मेलिना मैनालीको स्वर रहेको छ । लोक फ्लेवरको यस गीतमा शब्द साजन पराजुलीको रहेको छ । स्वयम गायक अर्यालले संगीतवद्ध गर्नुभएको यस गीतलाई नारायण दंगालले संगीत संयोजन गर्नुभएको हो । युवा प्रेम र आकर्षणलाई प्रस्तुत गरिएको भिडियोमा भिडियोमा सुदिप आचार्य र सुज्मा थापाको समेत अभिनय देख्न सकिन्छ । सुरेश पाण्डेले कोरियोग्राफी गर्नुभएको भिडियोलाई महफुज अन्सारीको छायाँकन रहेको छ । भिडियोमा सुबाश देवकोटाको सम्पादन छ। मोहन घिमिरे निर्माता रहेको यस भिडियोलाई सुधन धितालको निर्देशनमा तयार पारिएको हो ।
मुना मासिकका सम्पादक भट्टराईको बिदाइ
गोरखापत्र संस्थानको मासिक प्रकाशन मुना मासिकका सम्पादक हरिप्रसाद भट्टराईलाई संस्थान व्यवस्थापनले शुक्रबार सम्मानसहित बिदाइ गरेको छ । सम्पादक भट्टराई ५८ वर्ष उमेरहदका कारण संस्थान सेवाबाट बिदा हुनुभएको हो ।
फिल्म 'दोख'को शीर्ष गीत रिलिज
काठमाडौं, असार ३ गते । अनुप बरालले निर्देशन गर्नुभएको फिल्म 'दोख'को शीर्ष गीत रिलिज भएको छ । शुक्रबार काठमाडौंमा आयोजित पत्रकार सम्मेलनमा ‘वन चरी उड्यो’ बोलको गीत सार्वजनिक गरिएको हो ।चर्चित लोकपप ब्यान्ड नेपथ्यका गायक अमृत गुरुङको स्वरमा रहेको यो गीतसँगै उहाँले फिल्म संगीतको सुरुवात गर्नुभएको छ । श्रवण मुकारुङको शब्द र आभाषको संगीत रहेको गीतलाई नेपथ्य ब्यान्डले एरेन्ज गरेको हो । असार २४ गतेदेखि देशव्यापी प्रदर्शनमा आउने तयारीमा रहेको फिल्मको पटकथा राजन कठेतले लेख्नुभएको हो । फिल्ममा दीया मास्के, मनिष निरौला, लोकमणि सापकोटा, माओत्से गुरुङ, रोयदीप श्रेष्ठ, राज थापा, सुरज मल्ल, कमल देवकोटा र साजन थापाको अभिनय छ ।फिल्मका निर्माता सविन ज्ञवाली र मनोज अधिकारी हुन् । शैलेन्द्र कार्कीको छायांकन रहेको फिल्मलाई निमेष श्रेष्ठले सम्पादन गर्नुभएको हो । यस्तै, भीम न्यौपाने, ओम गुरुङ, रञ्जु वाग्ले थापा कार्यकारी निर्माताको रुपमा रहेको फिल्मको एसोसिएट निर्माताको रुपमा सन्तोष पाठक, धर्म अधिकारी, प्रवीन पाठक, सुमिता आचार्य, दीपक खनाल र युवराज भट्टराई हुनुहुन्छ ।
खोलामा डुबेर एकको मृत्यु, एक घाइते
तनहुँमा शुक्रबार दिउँसो डुबेर एक जनाको मृत्यु भएको छ।अर्का एक जना घाइते भएका छन्।
एमालेका जनप्रतिनिधिहरुको २० बुँदे संकल्प
नेकपा (एमाले) को स्थानीय तहमा निर्वाचित जनप्रतिनिधिहरुले २० बुँदे संकल्प जारी गर्नुभएको छ । काठमाडौंमा जारी अभिमुखीकरण कार्यक्रममा नवनिर्वाचित जनप्रतिनिधिहरुले शासक होइन, जनताका सेवक भएर काम गर्ने, आफू नेतृत्वमा रहेका पालिकाहरु सुशासन र सदाचारको नमूना बन्ने संकल्प गर्नुभएको हो ।
-original-thumb.jpg)
उत्पादनका कार्यक्रमलाई अब प्राथमिकता : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहालले अब चितवनमा उत्पादनका कार्यक्रमलाई प्राथमिकता दिने बताउनुभएको छ । भरतपुर महानगरपालिकाको आगामी कार्यदिशा विषयक अन्तरक्रिया कार्यक्रममा शुक्रबार उहाँले सो कुरा बताउनुभयो ।
सरकारी विद्यालयको शान : भर्ना हुन नपाएर विद्यार्थी फिर्ता हुन्छन्
पढाइलाई प्रभावकारी बनाउने हो भने निजी भन्दा सामुदायिक विद्यालयलाई आकर्षणको केन्द्र बनाउन सकिन्छ भन्ने उदाहरण तनहुँको एक विद्यालयले प्रस्तुत गरेको छ।
भारतको रेल दुर्घटनामा नेपाली युवकको मृत्यु
भारतको पानी टंयाकीमा रेल दुर्घटनामा हुँदा एक नेपाली युवकको मृत्यु भएको छ।
स्थानीय विकास व्यवस्थापन सहायकविरुद्ध ६ करोडको भ्रष्टाचार मुद्दा
स्थानीय विकास प्रशिक्षण प्रतिष्ठान झापाका तात्कालीन वरिष्ठ व्यवस्थापन सहायक भिमकान्त भण्डारीविरुद्ध ६ करोडभन्दा बढी बिगोसहित भ्रष्टाचार मुद्दा दायर भएको छ।
मंकिपक्स आशङ्का गरिएका पुरुषमा कुष्टरोग पुष्टि
मंकिपक्स भएको आशंकमा अस्पताल भर्ना भएका पुरुषमा कुष्ट रोग पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
खोप सुरक्षित र प्रभावकारी भएकाले निर्धक भएर लगाउन आग्रह
बालबालिकाहरुलाई लगाइन कोरोनाविरुद्धको खोप सुरक्षित र प्रभावकारी भएकोले निर्धक भएको खोप लगाउन जनस्वास्थ्य विज्ञको आग्रह छ ।
दश सहरमा विशेष विद्युत् कार्यक्रम ल्याउँछौं : निर्देशक घिसिङ
नेपाल विद्युत् प्राधिकरणका कार्यकारी निर्देशक कुलमान घिसिङ्ले आउँदो ५० वर्षको मागलार्इ धान्नेगरि १० वटा मुख्य सहरमा विशेष कार्यक्रम ल्याउने तयारी भैरहेको बताउनुभएको छ । समृद्ध भरतपुर महानगरसम्बन्धी कार्यक्रममा शुक्रवार सम्बोधन गर्दै उहाँले नेपालका मुख्य सहरको मागलार्इ पूरा गर्नेगरी विधुतको कार्यक्रम ल्याउने बताउनुभयो ।
चितुवाको आक्रमणबाट डोटीमा दुई जना घाइते
डोटीको दिपायल सिलगढी नगरपालिका– ७ उडितोलामा चितुवाको आक्रमणबाट दुई जना घाइते भएका छन । शुक्रवार बिहान १० बजेतिर गाउँमा पसेको चितुवाको आक्रमणबाट स्थानीय ४५ बर्षीया पार्वती बि.क र पार्वती बि.ककी ३ बर्षीया छोरी लक्ष्मी बि.क घाइते भएका छन् ।
ओलम्पियनहरुको पुनर्मिलन हुने
नेपाल ओलम्पियन सङ्घले ओलम्पिक डेका अवसरमा ओलम्पियनहरुलाई पुनर्मिलन गराउने भएको छ ।
