गोरखापत्र अनलाइन
आज मनसुन गतिविधि बढ्ने, यी प्रदेशमा भारी वर्षा
हाल मनसुनको न्यून चापीय रेखा सरदर स्थानको आसपासमा अवस्थित रहेको छ । साथै, बङ्गालको खाडीबाट जलवाष्पयुक्त हावाको समेत प्रभाव रहेकाले मनसुन गतिविधि केही बढ्ने देखिन्छ ।
तीन नयाँ चलचित्रको भिडन्त
देशैभरका चलचित्र घरमा तीन नयाँ नेपाली चलचित्र प्रदर्शनमा आएका छन् । ‘ताराहरू’, ‘माग्ने राजा’ र ‘जनै हराएको मान्छे : सम्बन्धका धागाहरू’ शुक्रबारदेखि प्रदर्शनमा आएका चलचित्र हुन् ।
‘उरमाल’ लाई मदन पुरस्कार–२०८१
छुदेन काविमोको पुस्तक ‘उरमाल’ लाई मदन पुरस्कार–२०८१ प्रदान गरिने भएको छ ।
सङ्खुवासभामा ४.४ म्याग्निच्युडको भूकम्प
सङ्खुवासभा जिल्लाको माघाङ्ग वरपर केन्द्रबिन्दु भएको स्थानीय मापन अनुसार ४.४ म्याग्निच्युडको भूकम्प गएको छ । शुक्रबार राति ११ः१५ बजे भूकम्प गएको छ।
हेलिकोप्टर उडानमा नयाँ नीति
नेपाल नागरिक उड्डयन प्राधिकरणले बर्खाको समयमा हुन सक्ने सम्भावित हवाई दुर्घटना न्यूनीकरणका लागि हेलिकोप्टर उडानमा नयाँ नीति लागु गरेको छ । तुलनात्मक रूपमा जोखिम बढी हुने बर्सातको समयमा हेलिकोप्टर उडान नियमन गर्दै प्राधिकरणको उडान सुरक्षा नियमन विभागले हरेक चार उडान–अवतरणपछि हेलिकोप्टरको इन्जिनलाई अनिवार्य ३० मिनेट बन्द गरेर पाइलटले आराम गर्नुपर्ने व्यवस्था लागु गरेको हो ।
निजामती विधेयकमा लम्बियो छलफल
सहसचिव खुलाबाट आउने संशोधनमा सङ्घीय मामिला तथा सामान्य प्रशासन मन्त्रालय लचिलो नभएपछि राष्ट्रिय सभाको विधायन व्यवस्थापन समितिमा सङ्घीय निजामती सेवा विधेयक–२०८० माथिको छलफल लम्बिएको छ । पछिल्लो दुई वटा बैठकमा सोसम्बन्धी व्यवस्थामा लामो छलफल भए पनि सहमति भएको छैन । सहमति नहुँदा छलफलसमेत अनिश्चित बनेको छ ।
आमाको नामबाट पनि नागरिकता
राष्ट्रिय सभाले नेपाल नागरिकता (दोस्रो संशोधन) विधेयक–२०८१ पारित गरेको छ । प्रतिनिधि सभाले गरेको संशोधनमा थप व्याख्यासहित परिमार्जन गरेर माथिल्लो सदनले सो विधेयक पारित गरेको हो । प्रतिनिधि सभाबाट सन्देशसहित प्राप्त सो विधेयक अब राष्ट्रिय सभाले गरेको परिमार्जन स्वीकार गर्न पुनः प्रतिनिधि सभामा पठाइने छ । प्रतिनिधि सभाले राष्ट्रिय सभाको परिमार्जन स्वीकार गरेपछि प्रमाणीकरणका लागि राष्ट्रपतिसमक्ष पठाइने छ ।
‘सहमतिले नेपालको अपमान’
भारत र चीनले व्यापारिक प्रयोजनमा नेपाली भूभाग प्रयोग गर्ने सहमति गरेपछि सङ्घीय संसद्मा विरोध जारी छ । सबै दलले भारत र चीनको उक्त द्विपक्षीय सहमतिले सार्वभौम नेपालको अपमान भएको बताएका छन् । कूटनीतिक माध्यमबाट उक्त विवाद समाधानका लागि ठोस पहल लिन सांसदहरूले सरकारलाई सुझाएका छन् । भूमि विवादको उक्त घटनामा सत्तापक्ष–प्रतिपक्ष एकै ठाउँमा छन् ।
म केही बन्न सक्छु भन्ने सोच राख्नुहोस् : महामन्त्री शर्मा
नेपाली कांग्रेसका महामन्त्री विश्वप्रकाश शर्माले विद्यार्थीहरुले मनोबल गुमाउने ‘निरासाको मनोविज्ञान’ मानसिकता राख्न नहुने बताउनु भएको छ ।
संविधान संशोधनमा आदिवासीको पहिचान सुनिश्चित गर्छौं : सभापति देउवा
नेपाली कांग्रेसका सभापति एवं पूर्व प्रधानमन्त्री शेरबहादुर देउवाले संविधान संशोधन गर्दा आदिवासी जनजातिको पहिचान भेटिने र पहिचानका लागि विद्यमान द्वन्द्व मेटिने व्यवस्था मिलाइने बताउनुभएको छ ।
लगानी बोर्ड : आठ अर्ब ८४ करोड लगानी स्वीकृत
लगानी बोर्डको बैठकले ५४ मेगावाट उत्पादन क्षमताको तल्लो अप्सुवा जलविद्युत् परियोजनाका लागि रु आठ अर्ब ८४ करोड बराबरको लगानी स्वीकृत गरेको छ ।
भुटानमाथि नेपालको पुनरागमन जित
भुटानको थिम्पुस्थित चाङ्लिमिथाङ रङ्गशालामा शुक्रबार भएको खेलमा नेपालले भुटानलाई २–१ गोलले हरायो ।
बाढी र पहिरोले त्रिभुवन राजपथ र कान्ति लोकपथ अवरुद्ध
शुक्रबार दिउँसोबाट परेको अविरल वर्षापछि आएको बाढी र पहिरोले हेटौँडा–काठमाडौँ जोड्ने दुई वटा मार्ग अवरुद्ध भएका छन् ।
मधेश प्रदेशको कार्यवाहक मुख्यमन्त्रीको जिम्मेवारी यादवलाई
मधेश प्रदेशका भौतिक पूर्वाधार विकासमन्त्री सरोजकुमार यादवलाई मधेश प्रदेशको कार्यावाहक मुख्यमन्त्रीको जिम्मेवारी तोकिएको छ।
पुलबाट मोटरसाइकलमा खस्दा दुई जना घाइते
डुम्रे–वेशीसहर सडकखण्डमा पर्ने तनहुँको तनहुँ भानु नगरपालिका–२ पाउतुरे खोलाको पुलबाट खस्दा मोटरसाइकलमा सवार दुई जना घाइते भएका छन्।
