जलेश्वर नगरपालिकाको ७२ करोडको बजेट सार्वजनिक
महोत्तरीको सदरमुकाम समेत रहेको जलेश्वर नगरपालिकाले आर्थिक वर्ष २०७९–८० का लागि ७२ करोड १५ लाख रुपियाँको अनुमानित वजेट सार्वजनिक गरेको छ । जलेश्वर नगरपालिकाले सम्पन्न गरेको नवौं नगरसभाबाट सो अनुमानित बजेट प्रस्तुत गर्दैै नीति तथा कार्यक्रम सार्वजनिक गरेको हो ।
बाँझो जमिनलाई कृषि वनमा परिणत गरिँदै
धनुषाको मिथिला नगरपालिका–८, जमुनिवासमा दश हेक्टरभन्दा बढी बाँझो जमिनमा कृषि वन लगाउने कार्य भइरहेको छ । रोजगारी सिर्जना, उत्पादनमा वृद्धि ल्याउन र जलवायु परिवर्तनको नकारात्मक प्रभावलाई न्यूनिकरण गर्ने उद्देश्यले कृषि वन लगाउन लागिएको हो ।
मिटरब्याजीविरुद्ध जाहेरीको तयारी
मिटरब्याजीबाट पीडित महोत्तरी जिल्लाका भङ्गहा नगरपालिकाका बासिन्दा तिनीहरूलाई कारबाही गर्ने प्रक्रियामा अगाडि बढेका छन् ।जिल्लाको भङ्गहा नगरपालिका क्षेत्रका आधा दर्जन मिटरब्याजीहरूले ब्याज र तमसुकको जालमा फसाएर सो क्षेत्रका धेरै जनाको उठिबास गराएकोले उनीहरूमाथि कारबाहीको माग गर्दै प्रक्रिया अगाडि बढाएका हुन् ।
पानी जमेपछि बालबालिकालाई विद्यालय पठाउन समस्या
लहान नगरपालिका १ र २ वडा भएर बग्ने भबरा नहरको बाँध भत्केर निस्केको फोहोर पानी वरिपरि चारैतिरबाट आएर जमेपछि घरबाट निस्कन र बालबालिकालाई विद्यालय पठाउन स्थानीयलाई समस्या भएको छ । लहान–१ का सोनवति सिंह दुनुबारले पानी जमेर विद्यालय पठाउन नपाएको दुखेसो पोख्नुभयो ।
-original-thumb.jpg)
कार दुर्घटनामा बालकको मृत्यु
सर्लाहीको धनकौल गाउँपालिका –५, छठीघाट पुलमा शनिबार मध्यराती कार दुर्घटना हुँदा चार वर्षीय बालकको मृत्यु भएको छ । अन्य सात जना घाइते भएका छन् ।
अपाङ्गता भएका दम्पतीको चुलो चिसो
धनुषाको सबैला नगरपालिका–१२, उतिमपुरका एक अपाङ्गता भएका दम्पती भोक र दुधे बालक स्याहार्ने चिन्ताले पिरोलिएका छन् । ४४ वर्षीय इन्दल गडेरी र २५ वर्षीया कविताकुमारी पाल अपाङ्गता भएका दम्पती हुन् । इन्दलको खुट्टा अपाङ्गता छ भने कविता आँखाले देख्नुहुन्न । उहाँहरूको तीन महिनाको दुधे बालक छ । यो दम्पतीको घरमा चुलो छ, पकाउने भाँडाकुँडा छन् तर मुस्किलले कहिलेकाहीँ खाना पाक्छ । कसैले खाद्यान्न सहयोग गरे चुलो बल्छ नभए भोको पेट निदाउनुपर्ने बाध्यता छ ।
अझै विकृतिको सिकार बन्दै दलित
परापूर्वदेखि सामाजिक विकृतिको सिकार बन्दै आएका दलितहरू अझै सोही पीडाबाट गुज्रिरहेको पूर्वसहायक राज्यमन्त्री कलावतीदेवी पासवानले बताउनुभएको छ ।मतदाता नामावलीमा महिला, दलितलगायत सीमान्तकृत समुदायको पहँुच सुनिश्चिताका लागि सरोकारवालासँग शनिबार कलैयामा भएको कार्यक्रममा पासवानले यस्तो बताउनुभएको हो ।
बागमतीमा सशस्त्रको विपद् पूर्व तयारी अभ्यास
सशस्त्र प्रहरीले शनिबार दिउँसो सर्लाही र रौतहटको सीमा भएर बग्ने बागमती नदीमा मधेश प्रदेशस्तरीय विपद् पूर्व तयारी अभ्यास गरेको छ । प्रदेशका गृह तथा सञ्चारमन्त्री भरतप्रसाद साहको प्रमुख आतिथ्यतामा बागमतीस्थित नुनथरमा महोत्तरीको बर्दिवासस्थित सशस्त्र प्रहरी बल नेपालको छिन्नमस्ता बाहिनीले विपद् पूर्व तयारी अभ्यास कार्यक्रम सम्पन्न गरेको हो ।
सिरहाका त्रिसट्ठी बस्ती जोखिममा
मनसुन सक्रिय हुँदा वर्षा र बाढीले सिरहाका ६३ बस्ती जोखिममा पर्नसक्ने देखिएको छ । जिल्ला विपत् व्यवस्थापन समितिले तयार गरेको मनसुन पूर्वतयारी तथा प्रतिकार्य योजना प्रतिवेदनले कमला, बलान
वैकल्पिक ऊर्जाप्रति आकर्षण बढ्यो
रौतहटका अधिकांश पालिकामा पूर्ण तथा आंशिक रूपमा विद्युतीकरण भइसके तापनि ग्रामीण भेगका मानिस वैकल्पिक ऊर्जाप्रति आकर्षित भएका छन् । विद्युतीय शक्तिको उपभोगमा लाग्ने खर्चभन्दा कममा वैकल्पिक उर्जाबाट प्राप्त विद्युतीय सेवा उपभोग गर्न पाइने भएपछि उनीहरू वैकल्पिक उर्जाप्रति आकर्षित भएका हुन् । नेपाल विद्युत् प्राधिकरण शाखा गौरका अनुसार रौतहट जिल्लाको १८ वटै पालिकामा विद्युतीकरण भइसकेको छ । यसरी विद्युत् सेवा उपलब्धसमेत भइसकेको अवस्थामा पनि जिल्लाको ग्रामीण भेगका नागरिकले वैकल्पिक उर्जाको रूपमा रहेको सोलार, इन्भर्टर, गोबरग्यास (बायोग्यास)लगायतका प्लान्ट जडान गरी उर्जा सेवा उपभोग गरिरहेका छन् ।
एमाले जसपा तालमेल : जिसस प्रमुखमा दिनेश महतोको उम्मेदवारी घोषणा
सिराहा जिल्ला समन्वय समितिको असार ६ गते हुने निर्वाचनमा नेकपा एमाले र जनता समाजवादी पार्टीबीत तालमेल भएको छ । प्रमुख पदको लागि जसपाबाट दिनेश कुमार महतोले उम्मेदबारीको घाषणा गर्नु भएको छ । प्रमुख सहित तीन सदस्यीय जसपा र उपप्रमुख सहित चार सदस्यीय नेकपा एमालेले लिने गरी तालमेल भएको हो ।
पूर्वाधार, स्वास्थ्य र कृषि प्राथमिकतामा
मधेश प्रदेश सरकारका अर्थमन्त्री शैलेन्द्रप्रसाद साहले आगामी आर्थिक वर्ष २०७९÷८० का लागि बुधबार बसेको प्रदेश सभाको बैठकमा ४६ अर्ब ८८ करोड नौ लाख ४६ हजारको बजेट प्रस्तुत गर्नुभएको छ ।
सेवाग्राहीको भीड अव्यवस्थित
जिल्ला प्रशासन कार्यालयमा नागरिकता लिनेको भीड बढेको छ ।सप्तरीका प्रमुख जिल्ला अधिकारी जनार्दन गौतमका अनुसार स्थानीय तहको निर्वाचन घोषणा भएसँगै स्थानीय तहहरू जनप्रतिनिधिविहीन बने र पञ्जीकरण काममध्ये नागरिकता सिफारिस रोकिएकोले नियमले तोकिएको कागजात नै नपुग्ने भयो ।
कोशीमा विपद् पूर्वको तयारी गर्दै संयुक्त प्रतिकार्य अभ्यास
सुनसरीमा बाढी र आगलागीका कारणले कयौँको ज्यान जाने गरेको र राहत तथा उद्धारमा ढिलाइ हँुदा पर्ने असरसमेतलाई दृष्टिगत गरी कोशी क्षेत्रमा विपद् पूर्वको तयारीको संयुक्त प्रतिकार्य अभ्यास गरिएको छ ।
मधेस प्रदेशको बजेट ४६ अर्ब ८८ करोड ०९ लाख ४८ हजार (पूर्णपाठसहित)
धेस प्रदेश सरकारले ४६ अर्ब ८८ करोड ०९ लाख ४८ हजार रुपियाँको बजेट सार्वजनिक गरेको छ । प्रदेश सरकारका प्रवक्ता समेत रहनुभएको अर्थमन्त्री शैलेन्द्रप्रसाद साहले आर्थिक वर्ष २०७९–८० को आर्थिक बिनियोजन विद्येयक (बजेट) प्रदेश सभाको बैठकमा प्रस्तुत गर्नुभएको हो ।
मधेश प्रदेशको बजेट भाषण
जनकपुर, असार १ गते । मधेश प्रदेश सभाको बजेट भाषण सुरु भएको छ । आर्थिक वर्ष २०७९/८० को आय र व्ययको विवरण पेश गर्नुहुँदै मधेश प्रदेशका अर्थमन्त्री शैलेन्द्रप्रसाद साह । संवैधानिक प्रावधान अनुसार अर्थमन्त्री साहले बुधबार प्रदेशको बजेट प्रस्तुत गर्नुभएको हो ।
सप्तरीमा महिला हिंसाको घटना बढयो
विगत केही महिना यता सप्तरीमा महिला हिंसाको घटना बढ्दो छ । गम्भिर प्रकृतिका महिला हिंसाका घटना बढ्दै जाँदा प्रहरीले ठोस अनुसन्धान भने नगरेको पीडित तथा सरोकारवालाको आरोप छ । पछिल्लो समय सप्तरीमा घरनिकालाको घटना बढेको देखिएको छ ।
सुनसान बन्दै गएको नाढीमन ताल
सर्लाहीको चन्द्रनगर गाउँपालिकास्थित पर्यटकीय स्थल नाढीमन ताल पछिल्लो समय सुनसान देखिन थालेको छ । २०७२ साल चैतमा नेपाली सेनाले तालमा विभिन्न पर्यटकीय संरचना निर्माण गरी तत्कालिन ताल संरक्षण समितिलाई हस्तान्तरण गरेको थियो । त्यसपछि तालमा डुङ्गा चढ्नेलगायत ताल अवलोकनका लागि पुग्नेहरू ह्वात्तै बढेका भए पनि पछिल्लो केही समययता सुनसान देखिएको हो ।
आज मधेश प्रदेश सरकारले बजेट ल्याउँदै
मधेस प्रदेश सरकारले आज (बुधबार) आगामी आर्थिक वर्षको बजेट ल्याउँदैछ । प्रदेश सरकारका प्रवक्ता अर्थमन्त्री शैलेन्द्रप्रसाद साहले आर्थिक वर्ष २०७९-०८० को आर्थिक बिनियोजन विद्येयक(बजेट) आज दिउँसो ४ बजे प्रदेश सभाको बैठकमा प्रस्तुत गरिने प्रदेश सभा सचिवालयले जनाएको छ ।
नेपाली ब्राण्डका खानेतेल नेपालभन्दा भारतमा सस्तो
फेमली, अमृत , निलकमल , सफारी लगायत नेपाली ब्राण्डको खानेतेल नेपाली बजारमा भन्दा भारतीय बजारमा सस्तोमा पाइने गरेको पाइएको छ ।
जनकपुरधामका सडक अतिक्रमणमुक्त गराइने
जनकपुरधामका मुख्य बजार क्षेत्र र वरपरका सडक अतिक्रमणमुक्त गर्न जनकपुरधाम उपमहानगरपालिका कार्यालयले अभियान थाल्ने भएको छ ।
नाढीमन तालमा देखिन छाड्यो चहलपहल
सर्लाहीको चन्द्रनगर गाउँपालिकास्थित पर्यटकीय स्थल नाढीमन ताल पछिल्लो समय सुनसान देखिन थालेको छ । २०७२ साल चैतमा नेपाली सेनाले तालमा विभिन्न पर्यटकीय संरचना निर्माण गरी तत्कालीन ताल संरक्षण समितिलाई हस्तान्तरण गरेको थियो । त्यसपछि तालमा डुङ्गा चढ्नेलगायत ताल अवलोकनका लागि पुग्नेहरु ह्वात्तै बढेका थिए ।
बोलेरोले ठक्कर दिँदा एक जनाको मृत्यु, छ घाइते
महोत्तरी जिल्लाको बर्दिबास नगरपालिका–३ मा गए राति टेम्पोलाई बोलेरो पिकअपले ठक्कर दिँदा एक जनाको मृत्यु भएको छ भने छ जना घाइते भएका छन् । मृत्यु हुनेमा बर्दिबास नगरपालिका–३ का २६ वर्षीया कुन्ता ढुङ्गेल रहेको जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश विष्टले जानकारी दिनुभयो । घाइते ढुङ्गेलको जनकपुरस्थित काव्या अस्पतालमा उपचारका क्रममा आज बिहान मृत्यु भएको प्रहरीले जनाएको छ ।
नागरिकता लिनेको चाप बढ्यो
सर्लाहीमा कक्षा १२ को परीक्षा सम्पन्न भएपछि नागरिकता बनाउनेको चाप बढेको छ । भर्खरै कक्षा १२ को परीक्षा दिएका धेरै जसो विद्यार्थी माथिल्लो कक्षा अध्ययन तथा वैदेशिक रोजगारीमा जाने भन्दै नागरिकता बनाउन जिल्ला प्रशासन कार्यालय र इलाका प्रशासन कार्यालय पुग्ने गरेका छन् । यहाँ जिल्ला प्रशासन कार्यालय मलङ्गवा र हरिवन तथा बरहथवामा रहेका इलाका प्रशासन कार्यालयबाट नागरिकता जारी हुने गरेको छ ।
सालोको हत्यामा संलग्न दिदी र भिनाजु सहित पाँच पक्राउ
सालोको हत्या आरोपमा दिदी–भिनाजु सहित पाँच जनालाई प्रहरीले सोमबार पक्राउ गरेको छ । दिदीको घरमा बसेका पर्साको बहुदरमाई नगरपालिका वडा नम्बर २ सिसियाडी बैरियाटोलका ४० वर्षीय राजेश रामको हत्यामा संलग्न रहेको आरोपमा उनीहरुलाई पक्राउ गरेको प्रहरीले जनाएको छ ।
