कालीगण्डकीमा अवैध दोहन गर्ने एक्साभेटर स्थानीयको नियन्त्रणमा
पर्वत र बाग्लुङ खण्डमा पर्ने कालीगण्डकी नदी किनारमा वर्षाको भेलमा समेत नदीजन्य पदार्थको अवैध दोहन रोकिएको छैन ।
गिट्टी बालुवाको तस्करी, पालिका मौन
पूर्वी नवलपरासीका खोलामा ढुङ्गा, गिट्टी बालुुवाको निकासी र दोहन सुरु भएको छ। गत असार महिनादेखि भदौसम्म खोलामा गिट्टी, बालुवा, ढुङ्गा उत्खनन रोकिएको थियो। नगर र गाउँपालिकाले उत्खनन गर्न नदिने निर्णय गरे पनि अहिले ती खोलामा चोरी बढेको छ। वातावरणीय मूल्याङ्कन प्रतिवेदन बनाइसकेपछि मात्र ठेक्काको काम सुरु हुने भनिएको थियो। खोलाको ठेक्का असोजबाट लाग्ने भनिए पनि असारदेखि नै खोलाबाट करोडौँको गिट्टी, बालुवा, ढुङ्गा चोरी निकासी भइरहेको छ। हुप्सेकोट गाउँपालिकाका अध्यक्ष लक्ष्मी पाण्डेले त्यसलाई रोक्न खटाइएका गाउँपालिकाका सुरक्षाकर्मीलाई निर्घात कुटपिट हुँदा दुई जना सख्त घाइते भएको बताउनुभयो।
बाँझो जमिनमा सामूहिक आलुखेती
मुस्ताङको लोमान्थाङ गाउँपालिका–३ थिङगरका कृषकले बाँझो जमिनमा सामूहिकरूपमा व्यावसायिक आलुखेती गरेका छन् । लोमान्थाङ गाउँपालिकाको आर्थिक सहयोगमा ठेकार कृषक समूहले एक सय ३० रोपनी जग्गामा सामूहिक आलुखेती गरेर आम्दानी लिन थालेका हुन् ।
राष्ट्रपति पौडेल भोलि पहिलो पटक गृह जिल्लामा आउँदै
राष्ट्रपति रामचन्द्र पौडेल भोलि शनिवार गृह जिल्ला तनहुँ आउँदै हुनुहुन्छ । राष्ट्रपति बनेपछि पौडेल पहिलो पटक गृह जिल्ला भ्रमणको लागि आउन लाग्नु भएको हो ।
बाख्राको दुधबाट चिज उत्पादन, बजारको समस्या
सुन्दा अचम्म लाग्न सक्छ, बाख्राको दुधबाट विभिन्न परिकार बनाउन सकिन्छ भन्दा । यहाँको भिरकोट नगरपालिका–८, ओकादीका ४५ वर्षीय दिलबहादुर गुरुङले बाख्राको दुधबाट चिज बनाउँदै आउनुभएको छ । भारतमा सात वर्ष विद्युत्को काम गरेका गुरुङले गाउँमा आएर १७ वर्ष विद्युत्को काम गरेसँगै २०६९ सालदेखि बाख्रा पाल्न थाल्नुभएको हो ।
गण्डकीका सामुदायिक विद्यालयको पठनपाठन प्रभावित
मन्त्रिपरिषदबाट पारित भई सङ्घीय संसदमा रहेको विद्यालय शिक्षा विधेयक २०८० को विरोधमा देशैभरका शिक्षक आन्दोलनमा छन् ।
गण्डकीले गर्यो वन विधेयक पारित
गण्डकी प्रदेश सभा बिहीबारको बैठकले वन विधेयक पारित गरेको छ । मन्त्रिपरिषद्को २४ साउनमा बसेको बैठकले पास गरेको गण्डकी प्रदेशमा वनसम्बन्धी व्यवस्था गर्न बनेको विधेयक सोही दिन प्रदेश सभामा दर्ता भएको थियो ।
भूमिहीन सुकुम्वासीलाई जग्गाको निस्सा वितरण
संविधान दिवसको अवसर पारेर गोरखाको भिमसेनथापा गाउँपालिकाले पालिकाभित्र रहेका भूमिहीन दलित, भूमिहीन सुकुम्वासी र अव्यवस्थित बसोबासीहरुलाई निस्सा जग्गा प्राप्त गर्ने प्रमाणपत्र वितरण गरिएको छ ।
प्रधानमन्त्री कृषि आधुनिकीकरण परियोजना किसानका लागि प्रभावकारी बन्दै
प्रधानमन्त्री कृषि आधुनिकीकरण परियोजनाको म्याद तीन वर्ष बाँकी रहँदा यसको प्रभाव भने बढ्दै गएको छ । सरकारले २०७३ सालमा लागु गरेको सो परियोजना किसानका लागि लोकप्रिय बन्दै गएको छ ।
‘काम गर्न सकेसम्म वृद्धभत्ता लिन्न’
दैनिक काम नगरे हात र मुख जोड्न धौधौ हुने भएकोले ७९ वर्षीय देउबहादुर थापा दिनहुँ काममा खटिनु हुन्छ। राज्यबाट पाउने सुविधा लिने हो भने उहाँले केही दिन आराम गरेर खान पुग्छ तर उहाँ सुविधा लिन भन्दा काम गर्नमा आनन्द मान्नुहुन्छ।
अव्यवस्थित तारले बजार कुरुप बन्दै
अव्यवस्थित तारले नवलपुर बजार कुरुप बन्दैगएको छ । अव्यवस्थित तारका कारण बजार कुरुप र जोखिमपूर्ण बनेको छ । इन्टरनेट सेवा बिस्तारका नाममा बिभिन्न सेवा प्रदायक कम्पनीले अब्यवस्थित रुपमा बिद्युत तथा सोलारका पोलमा जथाभावी तार टाङ्गने काम गरेसँगै नवलपुरका मुख्य चोक तथा बजार कुरुप बन्दैगएको छ ।
सामाजिक क्षेत्रमा योगदान पुर्याउने चारजना सम्मानित
म्याग्दी जिल्लाको कला संस्कृति, साहित्य, लघुउद्यम, कृषि तथा पशुपालन र सामाजिक क्षेत्रमा योगदान पुर्याउने चार जनालाई सम्मान गरिएको छ ।
योजनाहरुको ठेक्का तोड्न सकिँदैन : मुख्यमन्त्री पाण्डे
गण्डकी प्रदेश सरकारका मुख्यमन्त्री सुरेन्द्रराज पाण्डेले प्रदेशभित्र रहेका अलपत्र योजनाहरुको ठेक्का सम्झौता तोड्न नसकिने बताउनुभएको छ ।
लेक लागेका बिरामीको उपचार मुक्तिनाथमै
मुस्ताङ जिल्लाको प्रसिद्ध तीर्थस्थल मुक्तिनाथ मन्दिरमा दर्शन गर्न आउने भक्तजनलाई लेक लागेमा त्यहीँ नै उपचार गर्ने व्यवस्था गरिएको छ। हिन्दु तथा बौद्ध धर्मावलम्बीको साझा तीर्थस्थल मुस्ताङको वारागुङ मुक्तिक्षेत्र–१, मुक्तिनाथ मन्दिरमा ‘हाइअल्टिच्युड ट्रिटमेन्ट सेन्टर’ (मुक्तिनाथ स्वास्थ्य सेवाश्रम अस्पताल) स्थापना भएपछि भक्तजनलाई सहज भएको छ। मुक्तिनाथ दर्शन गर्न आएका धार्मिक पर्यटकलाई समस्या भएमा आकस्मिक उपचार गर्न सहज भएको छ। गत पुस महिनादेखि मुक्तिनाथ मन्दिरमा सेवाश्रम स्थापना गरिएको हो।
‘लिटिल बुद्ध’ साकारको एकल प्रस्तुति
लिटिल बुद्धका रूपमा परिचित र्यापर साकारले पोखरामा एकल प्रस्तुति गर्नुभएको छ । ‘इभोलुसन टुर–साकार इन पोखरा’ नाम दिइएको कन्सर्टमा साकारले विभिन्न गीत गाउनुभएको थियो । पोखराको लेकसाइडमा आयोजित कन्सर्टमा साकारले हाउसफुल दर्शकमाझ आफूलाई प्रस्तुत गर्नुभएको थियो । उहाँको कन्सर्टमा करिब सात सय दर्शक उपस्थित थिए । उहाँले ‘गाजा मेन’, ‘कब्जा’, ‘१००’, ‘नेप्लिज स्टाइल’, ‘मेक द्याट मनी’ र उनको पछिल्लो एलबम ‘इकेस्टेसी इन द प्यालेस’ का गीत सुनाएका आयोजकले जारी गरेको प्रेस नोटमा उल्लेख छ ।
गण्डकीमा प्रदेशका संरचनाको मूल्याङ्कन गर्न कार्यदल गठन
गण्डकीमा प्रदेश सरकार मातहत रहेका बोर्ड, आयोग, प्रतिष्ठान लगायतको भूमिका र आवश्यकता मूल्याङ्कन गर्न प्रदेश सरकारले कार्यदल गठन गरेको छ।
समयमै वडा कार्यालय भवन निर्माण
गोरखाको गण्डकी गाउँपालिका– ८ को बरफेदीमा समयमै वडा कार्यालयको भवन निर्माण सम्पन्न भएको छ । संविधान दिवसको अवसर पारेर आफ्नै भवनबाट गाउँपालिकाले सेवा सुचारु गरेको हो ।
बेनीमा नेपाल जेसीजको क्षेत्र ‘ख’ सम्मेलन
म्याग्दी जेसीजको आतिथ्यतामा आयोजना हुन लागेको नेपाल जेसीजको क्षेत्र ‘ख’ सम्मेलनको तयारी पुरा भएको छ । सम्मेलनले जिल्लाको पर्यटन प्रवर्द्धनमा टेवा पुग्ने विश्वास गरिएको छ ।
राष्ट्र निर्माणमा सबै एकजुट हुनुपर्ने : प्रदेश प्रमुख गुरुङ
गण्डकी प्रदेशका प्रदेश प्रमुख पृथ्वीमान गुरुङले सङ्घीय लोकतान्त्रिक गणतन्त्रात्मक शासन व्यवस्थाको माध्यमद्वारा दिगो शान्ति, सुशासन र समृद्ध राष्ट्र निर्माणमा एकजुट हुने प्रेरणा प्रदान गर्न सकोस् भन्ने कामना गर्नुभएको छ ।
संविधान दिवसमा तनहुँका कारागारका ११ कैदी रिहा
संविधान दिवसको अवसरमा तनहुँ कारागारमा विभिन्न मुद्दामा अदालतबाट दोषी ठहर भई सजाय काटिरहेका ११ जनाको कैद मिनाहा भएको छ ।
गोरखामा यात्रुवाहक बस एकआपसमा ठोक्कियो
गोरखामा गोरखा दरौदी यातायातको यात्रुवाहक बस एक आपसमा ठोक्किएको छ । भीमसेन थापा गाउँपालिका–५ को बगुवामा बुधबार बिहान १० बजे ना ५ ख ५०२८ र ना ५ ख २६२७ नम्बरको यात्रुवाहक बस एक आपसमा ठोक्किएको हो ।
स्याङ्जाका छ कैदीबन्दीको कैद मिनाहा
संविधान दिवसको सन्दर्भ पारेर जिल्ला कारागार स्याङ्जाका छ कैदीबन्दीले कैद मिनाहा पाएका छन् ।
एमाले गण्डकी अधिवेशनको लोगो सार्वजनिक
नेकपा (एमाले) गण्डकी प्रथम प्रदेश अधिवेशनको तयारीमा जुटेको छ । यही असोज १५ र १६ गते पोखरामा हुने पार्टीको प्रथम प्रदेश अधिवेशनको लोगो एमालेले सार्वजनिक गरिएको छ ।
नारायणगढ–बुटवल सडक : कछुवा गतिमा हुँदै छ निर्माण
राष्ट्रिय गौरवको आयोजनाका रूपमा रहेको नारायणगढ–बुटवल सडकखण्डको निर्माण सुरु भएको पाँच वर्ष बित्न लाग्यो। तीन वर्षमा निर्माण सक्ने गरी ठेक्का लिएको ठेकेदार कम्पनीले काम गरिसकेको छैन । यसले गर्दा पश्चिमबाट पूर्वतर्फ आउने र जाने यात्रुले निकै कष्ट बेहोर्नु परेको छ ।
बारीबाटै ड्र्यागन फ्रुट बिक्री
तनहुँमा एक महिला उद्यमीले उत्पादन गरेको सिउँडी फल (ड्र्यागन फ्रुट) ग्राहक बारीमै आएर टिपेर लैजाने गरेका छन्। व्यास नगरपालिका–५, ढोडेनीमा नेपाल घरेलु तथा साना उद्योग महिला उद्यमी समिति तनहुँको अध्यक्ष कल्पना गौलीले लगाएको ड्र्यागन फ्रुट किन्न ग्राहक बारीमै पुग्छन्।
