इरान नयाँ सर्वोच्च नेता छान्ने तयारीमा
आयातुल्ला अली खामेनीको अमेरिका र इजरायलको आक्रमणमा मृत्यु भएपछि इरानले नयाँ सर्वोच्च नेता नियुक्त गर्ने प्रक्रिया छिट्टै अघि बढाइरहेको छ । नेतृत्व विशेषज्ञ सभाका सदस्य अहमद खातमीले सरकारी टेलिभिजनलाई भन्नुभयो, “हामी सबै प्रयास गरिरहेका छौँ । ईश्वरको इच्छा भए, नेतालाई चाँडै नै नियुक्त गरिने छ ।
इरानमाथि आक्रमण ‘अन्तर्राष्ट्रिय कानुनसँग असङ्गत’ : क्यानडाका प्रधानमन्त्री
क्यानडाका प्रधानमन्त्री मार्क कार्नीले बुधबार इरानमा अमेरिकी-इजरायली आक्रमण ‘अन्तर्राष्ट्रिय कानुनसँग असङ्गत’ भएको उल्लेख गर्दै द्वन्द्वलाई तुरुन्त कम गर्न आह्वान गर्नु भएको छ ।
श्रीलङ्काद्वारा इरानी लडाकु जहाजबाट ३२ जनाको उद्धार
श्रीलङ्काले इरानी “फ्रिगेट आइरिस डेना” जहाजमा मा सवार ३२ जना चालक दलका सदस्यलाई घाइते अवस्थामा उद्धार गरेको विदेश मन्त्री विजिथा हेराथले बताउनु भएको छ ।
स्पेनद्वारा इरानमाथि अमेरिकी आक्रमणमा आफ्नो आधार प्रयोग अस्वीकार
स्पेनका प्रधानमन्त्री पेड्रो सान्चेजले बुधबार अमेरिकी राष्ट्रपति डोनाल्ड ट्रम्पको आग्रह अस्वीकार गर्दै आफ्नो देशको विमान र सैन्य आधार इरानमाथि आक्रमणका लागि प्रयोग गर्न नदिने घोषणा गर्नु भएको छ ।
मध्यपूर्व युद्धले भारतको ग्यास आपूर्ति जोखिममा
मध्यपूर्वमा जारी युद्धका कारण भारतको ऊर्जा आपूर्तिमा प्रत्यक्ष असर पर्ने सङ्केत देखिएको छ । देशको सबैभन्दा ठुलो तरलीकृत प्राकृतिक ग्यास (एलएनजी) आयातकर्ता पेट्रोनेट एलएनजीले केही अपरेसन अवरुद्ध हुन सक्ने चेतावनी दिएको छ ।
इरान युद्धसँगै भ्रामक सूचनाको बाढी
इरानमा अमेरिका-इजरायलले सुरु गरेको सैन्य आक्रमणसँगै डिजिटल संसारमा समानान्तर ‘सूचना युद्ध’ चर्किएको छ । पुनःप्रयोग गरिएका पुराना तस्बिर, भिडियो गेमका दृश्यलाई क्षेप्यास्त्र आक्रमणका रूपमा प्रस्तुत गरिएको सामग्री तथा कृत्रिम बौद्धिकता (एआई) बाट बनाइएका युद्ध दृश्यले सामाजिक सञ्जाल भरिएको छ ।
अमेरिकाद्वारा पाकिस्तानी दुतावासका कर्मचारीलाई पाकिस्तान छोड्न आदेश
अमेरिकाले पाकिस्तानी वाणिज्य दूतावासमा कार्यरत कर्मचारीलाई पाकिस्तान छोड्न आदेश दिएको छ, भने साउदी अरब, साइप्रस र ओमानमा मिसन छोड्न अनुमति दिएको छ ।
होर्मुजमा इरानको नियन्त्रण दाबी, युद्ध तीव्र
मध्यपूर्वमा जारी युद्ध पाँचौँ दिनमा प्रवेश गर्दा इरानले विश्व ऊर्जा आपूर्तिको प्रमुख मार्ग होर्मुज जलडमरूमध्यमा ‘पूर्ण नियन्त्रण’ रहेको दाबी गरेको छ । यसैबिच इजरायलले इरान र लेबनानमा नयाँ आक्रमण सुरु गरेको जनाएको छ, जसले क्षेत्रीय तनाव थप चर्किएको सङ्केत दिएको छ ।
उत्तर कोरियामा संसदीय निर्वाचन घोषणा
उत्तर कोरियाले यस महिनाभित्र आफ्नो सर्वोच्च जनसभाका लागि प्रतिनिधि चयन गर्ने घोषणा गरेको छ । सत्तारूढ वर्कस पार्टीको हालै सम्पन्न पाँच वर्षे महाधिवेशनलगत्तै सार्वजनिक गरिएको यस निर्णयले देशको राजनीतिक संरचना र शीर्ष नेतृत्वको औपचारिक भूमिकाबारे नयाँ चासो जन्माएको छ ।
पूर्वी लेबनानको बालबेकमा इजरायली हवाई आक्रमण, चारको मृत्यु, छ जना घाइते
इजरायली विमानले पूर्वी लेबनानको बालबेक सहरको आवासीय भवनलाई लक्षित गरी आक्रमण गर्दा चार जनाको मृत्यु हुनुका साथै छ जना घाइते भएको जनाइएको छ । उद्धार टोलीले अझै पनि क्षेतिग्रस्त भवनको भग्नावशेष मुनि फसेका मानिसलाई निकाल्ने काम गरिरहेको लेबनानी राष्ट्रिय समाचार एजेन्सीले रिपोर्ट गरेको छ ।
पाँच वर्षे मार्गचित्र सार्वजनिक गर्दै चीनको वार्षिक राजनीतिक अधिवेशन सुरु
सुस्त बन्दै गएको अर्थतन्त्र, उच्च युवा बेरोजगारी र बाह्य व्यापारिक दबाबका बीच चीनले आफ्नो वार्षिक राष्ट्रिय राजनीतिक अधिवेशन सुरु गर्न लागेको छ ।
युद्धको मारमा पश्चिम एसिया ७८७ इरानी मारिए
अमेरिका/इजरायल–इरान युद्धको चौथो दिनसम्ममा ७८७ जना इरानी नागरिक मारिएका छन् । यस युद्धमा छ अमेरिकी सेनाको पनि ज्यान गएको छ । युद्ध लम्बिँदै जाँदा अमेरिका र इजरायलले आक्रमण थप तीव्र पारेका छन् । इरानका सामरिक महत्वका विभिन्न स्थलमा हवाई आक्रमण जारी राखिएको अमेरिकी समाचार संस्था एपीले जनाएको छ । आफ्ना सर्वोच्च नेता आयातोल्लाह अली खामेनीसहित धेरै उच्च अधिकारी मारिएपछि आक्रोशित इरानले इजरायलसहित अमेरिकी सैन्य अखडा रहेका खाडी क्षेत्रका देशमा प्रत्याक्रमण जारी राखेको छ । अमेरिकाका राष्ट्रपति डोनाल्ड ट्रम्पले इरानलाई पराजित नगरेसम्म युद्ध नरोकिने बताउनुभएको छ ।
सीमामा पाँचौँ दिनको युद्ध, ६७ अफगानी सुरक्षाकर्मी मारिएको पाकिस्तानको दाबी
पाकिस्तानले अफगानिस्तानसँगको जारी सीमापार युद्ध पाँचौँ दिनमा प्रवेश गरेको अवस्थामा ६७ अफगानी सुरक्षाकर्मी मारिएको दाबी गरेको छ ।
मध्यपूर्व युद्धः नागरिकमाथि बढ्दो मारप्रति संयुक्त राष्ट्रसङ्घ स्तब्ध
मध्यपूर्वमा तीव्र बन्दै गएको युद्धका कारण सर्वसाधारणमाथि परेको गम्भीर मानवीय असरप्रति संयुक्त राष्ट्रसङ्घले गहिरो चिन्ता व्यक्त गरेको छ ।
बढ्दो क्षेत्रीय तनावका बिच अमेरिकाद्वारा खाडी मुलुकका दूतावास बन्द
बढ्दो तनावका बिचमा संयुक्त राज्य अमेरिकाले मध्यपूर्व र खाडी मुलुक स्थित दुतावास तथा कूटनीतिक मिसन बन्द गर्ने घोषणा गरेको छ भने तनावग्रस्त देशमा रहेका कर्मचारी र नागरिकलाई देश छोड्न आदेश दिएको छ ।
भारतीय एयरलाइन्सद्वारा मध्यपूर्वमा उडान पुनः सुरु
भारतीय एयरलाइन्सले युद्वका कारण मध्य पूर्वका देशमा रोकिएका हजारौं यात्रुलाई स्वदेश फर्काउनका लागि सीमित व्यावसायिक सेवा पुनः सुरु गर्ने जनाएको छ ।
इरानी ‘आणविक प्रतिष्ठानमा आक्रमण भएको कुनै सङ्केत छैन’ : आइएइए
अन्तर्राष्ट्रिय आणविक ऊर्जा निकाय (आइएइए) उनको एजेन्सीले इरानमा अमेरिका र इजरायलको आक्रमणपछि कुनै पनि आणविक प्रतिष्ठानमा क्षति पुगेको वा क्षति भएको ‘कुनै सङ्केत नभेटिएको’ संयुक्त राष्ट्रसङ्घको आणविक निगरानी संस्थाका प्रमुखले सोमबार जानकारी गराउनु भएको छ ।
इरानी आक्रमणपछि युरोपमा ग्यासको मूल्य बढ्यो
कतारको राज्यद्वारा सञ्चालित ऊर्जा कम्पनी कतार इनर्जीले आफ्ना दुई मुख्य ग्यास प्रशोधन केन्द्रमा सुविधामा इरानले आक्रमण गरेपछि तरलीकृत प्राकृतिक ग्यासको मूल्य बढेको हो ।
इजरायली सेनाद्वारा लेबनानमा नयाँ निकासी आदेश जारी
इजरायली सेनाले लेबनानका दर्जनौं स्थानमा मङ्गलबार नयाँ निकासी आदेश जारी गरेको छ । इजरायली सेनाले विज्ञप्ति जारी गर्दै लेबनानको ५० वटा स्थानका बासिन्दालाई, आफ्नो सुरक्षाका लागि तुरुन्तै सुरक्षित ठाउँमा जान आग्रह गर्दै आदेश जारी गरेको सेनाका अरबी भाषाका प्रवक्ता अविचाय अद्राईले बताउनु भएको छ ।
फ्रान्सले युरोपलाई जोगाउन आणविक हतियार बढाउने
राष्ट्रपति इम्यानुएल म्याक्रोँले सोमबार फ्रान्सले आफ्ना परमाणु हतियारको सङ्ख्या बढाउने र महाद्वीपको रक्षाका लागि आठ देशसँग सहकार्य गर्ने बताउनु भएको छ ।
इरान आक्रमणका लागि अमेरिकी राष्ट्रपतिको निर्देशन र कारबाहीको थालनी र लक्ष्य
अमेरिकी राष्ट्रपति डोनाल्ड ट्रम्पले अमेरिका र इजरायलको संयुक्त कारबाहीका लागि निर्देशन थियो, “अपरेसन एपिक फ्युरी’ स्वीकृत भएको छ । फिर्ता गरिएको छैन । शुभकामना !” त्यसपछि अमेरिकी सेनाले व्यापक आक्रमण सुरु गर्यो जसले इरानी कमान्ड र कन्ट्रोल स्थल ध्वस्त पारेको छ, मिसाइल पूर्वाधार नष्ट गरेको छ र नौ सेना जहाजलाई डुबाइ दिएको छ ।
फिलिपिन्समा हेलिकप्टर दुर्घटना, दुई जनाको मृत्यु
फिलिपिन्सको मनिलाबाट करिब दुई घण्टा दक्षिणपूर्वको दुरीमा मङ्गलबार हेलिकप्टर दुर्घटना हुँदा एक जना मलेसियाली नागरिक र एक फिलिपिनो नागरिकको मृत्यु भएको जनाइएको छ ।
बुल्गेरियाली पूर्वराष्ट्रपति गठबन्धन गरेर निर्वाचनमा जाने घोषणा
बुल्गेरियाका पूर्वराष्ट्रपति रूमेन राडेभले अर्को महिना हुने मध्यावधि निर्वाचनमा भाग लिनका लागि गठबन्धन गरेको मङ्गलबार घोषणा गर्नु भएको छ । उहाँको समूह पाँच वर्ष यता भएकोे आठौँ पटकसम्मको मतदानमा शीर्ष स्थानमा रहेको छ ।
बहराइन, जोर्डन र इराक छाड्न अमेरिकी नागरिकलाई विदेश मन्त्रालयको निर्देशन
अमेरिकाले बहराइन, जोर्डन र इराकमा सुरक्षा सेवामा रहेका कर्मचारीबाहेक अन्य गैर–आकस्मिक सेवामा कार्यरत अमेरिकी नागरिकलाई ती मुलुकबाट जति सक्दो छिटो बाहिरिन सूचना जारी गरेको छ ।
नेपालीको एकताका लागि जापानमा एएनओ गठन
विश्वभर शान्तिको कामना गर्दै बुद्धको जन्मस्थल नेपालीहरुले भगवान गौतमबुद्धका बहुसंख्यक अनुयायी रहेको जापानमा एशोसिएसन अफ नेपाली ओरिजिन (एएनओ) को जापान राष्ट्रिय कमिटी गठन गरेका छन्।
