म्याग्दीमा रु ३३ करोड ४६ लाखको सुन्तला बिक्री
जिल्लामा यस वर्ष सुन्तलाको उत्पादन बृद्धि हुँदा किसानले राम्रो आम्दानी गरेका छन् । कृषि ज्ञान केन्द्रका प्रमुख सञ्जीव बास्तोलाका अनुसार सुन्तला पकेट क्षेत्रबाट बिक्री भएको सुन्तलाको विवरणअनुसार जिल्लामा रु ३३ करोड ४६ लाखको सुन्तला बिक्री भसकेको छ ।
भूकम्प प्रभावित क्षेत्रबाट फर्किंदै दाता
जाजरकोट भूकम्पपछि जिल्लामा आएका दाता धमाधम फिर्ता हुन थालेका छन् ।
पूर्वाधार निर्माण प्राथमिकतामा
कर्णाली प्रदेश सरकारले पर्यटन प्रवर्धन गर्न पूर्वाधार निर्माणमा जोड दिएको छ ।
मदन भण्डारी राजमार्ग स्तरोन्नतिको काम सुरु
मदन भण्डारी राजमार्ग अन्तर्गत रोल्पा–सल्यान खण्डको स्तरोन्नतिको काम सल्यानको बागचौरबाट औपचारिक रूपमा सुरु भएको छ ।
समृद्ध दैलेखको गुरुयोजना निर्माण
स्थानीय स्रोतसाधनको अधिकतम प्रयोग गरी जिल्लाको आर्थिक, सामाजिक र पूर्वाधार विकासमार्फत दैलेख जिल्लालाई नमुना बनाउने उद्देश्यले समृद्ध दैलेख गुरुयोजना निर्माण गरिएको छ । शनिबार दैलेख सदरमुकाममा आयोजना गरिएको सभाबाट आएका सुझावलाई समेटेर गुरुयोजना निर्माण गरिएको हो ।
नेपाल–चीन सुरक्षाकर्मीद्वारा सीमा क्षेत्रमा संयुक्त अनुगमन
नेपाल र चीनका सुरक्षाकर्मीले हुम्लाको उत्तरी सीमा क्षेत्रको संयुक्त अनुगमन गरेका छन् । उत्तरी नाम्खा गाउँपालिका–५ हिल्साको किट क्षेत्रमा पर्ने सीमानाकाको शनिबार अनुमगन गरिएको हो ।
स्थानीय सेवा ऐन बनाउँदै प्रदेश सरकार
सङ्घीयता कार्यान्वयन भएको सात वर्षपछि सुदूरपश्चिम प्रदेश सरकारले सुदूरपश्चिम प्रदेश स्थानीय सेवा (गठन तथा सञ्चालन) ऐन बनाउँदै छ ।
पुनर्संरचनापछि पनि फेरिएन गाउँको दुःख
तत्कालीन गाउँ विकास समिति हुँदै अहिलेको गाउँपालिका र नगरपालिका बनेर दुई पटक स्थानीय तहको पुनर्संरचना फेरिँदा पनि बैतडीको मेलौली नगरपालिका–८ को सिङ्गो वडाले पञ्चायतकालकै दुःख खेप्नु परेको छ ।
पाथीभरा क्षेत्रमा प्रहरी र आन्दोलनकारीबीच झडप, चार घाइते
ताप्लेजुङ, माघ १३ गते । पाथीभरा क्षेत्रमा शनिबार प्रहरी र केवलकार निर्माणको विरोध गरिरहेका आन्दोलनकारीबीच झडप हुँदा चार जना घाइते भएका छन् । काफ्लेपाटीभन्दा माथि रहेको बलुडाँडामा झडप भएको हो ।प्रमुख जिल्ला अधिकारी नेत्रप्रसाद शर्माका अनुसार झडपमा सशस्त्र प्रहरीका तीन जना घाइते भएका छन् । आन्दोलनकारीतर्फ दुई व्यक्ति घाइते भएको बताइएको छ । आन्दोलनकारीले प्रहरीलाई ढुङ्गा हानेपछि स्थिति तनाबपूर्ण बनेको थियो । प्रहरीले आन्दोलनकारीबाट तीन खुकुरी, गुलेली र अन्य सामान बरामद गरेको जिल्ला प्रहरी कार्यालयले जनाएको छ । सशस्त्र प्रहरी नायब उपरीक्षक नरेश महर्जनका अनुसार आन्दोलनकारीसँग लुकाइएको हतियार रहेको सूचना पाएपछि खोजतलास गर्ने क्रममा विभिन्न सामान बरामद गरिएको हो । हिमालयन कन्सट्रक्सनले १५ महिनाभित्र निर्माण सम्पन्न गर्ने गरी केवलकार निर्माण योजना अघि बढाएको हो । गत मङ्गलबारदेखि जमिन सम्याउने काम सुरु भएको हो । अहिले अवस्था सामान्य रहेको प्रशासन कार्यालयले जनाएको छ ।
सात मेट्रिक टन नकुहिने फोहर व्यवस्थापन
काठमाडौँ, माघ १३ गते । काठमाडौँ महानगरपालिका–१० को अगुवाइमा बुद्धनगर वाग्मती पुल ९युएन पार्क अगाडि० क्षेत्रको नदी एवं किनारमा सफाइ गरी सात मेट्रिक टन नकुहिने फोहर व्यवस्थापन गरिएको छ ।वडा नं १० का कार्यवाहक वडाध्यक्ष सुनिता भित्रकोटी तथा सदस्य सतिस तण्डुकारको संयोजनमा त्यस क्षेत्रमा सफाइ गरी सात मेट्रिक टन नकुहिने फोहर व्यवस्थापन गरिएको वाग्मती सफाइ अभियानकर्मी किशोरसिंह शाहीले जानकारी दिनुभयो । अधिकारसम्पन्न वाग्मती सभ्यता एकीकृत विकास समितिका आयोजना निर्देशक नारायणप्रसाद भण्डारीलगायत कर्मचारी, कामानपा वडा नं ११ का अध्यक्ष हिरालाल तण्डुकार, रोटरी क्लब अफ काठमाडौँ हेरिटेजका अध्यक्ष हेमा अधिकारी तथा अन्य पदाधिकारी, कामानपा वडा नं १० का कर्मचारी, नदी संरक्षण संस्थाका अध्यक्ष मेघ आले, वाग्मती सफाइ महाअभियानका प्रमुख अभियानकर्मी लीलामणि पौड्याललगायतको सफाइमा सक्रियता थियो । आजको सफाइबाट उठाइएको फोहर काठमाडौँ महानगरपालिका वातावरण विभाग टेकुको ट्रकमा राखी व्यवस्थापन गरिएको उहाँले सुनाउनुभयो । सफाइका लागि मुक्तिनाथ विकास बैंकका बोर्ड सदस्य नारायणकुमार श्रेष्ठले बैंकको तर्फबाट माक्स र पन्जा वाग्मती सफाइ महाअभियानलाई प्रदान गर्नुभएको थियो । अर्को हप्ताको सरसफाइ कामानपा वडा नं ६ को संयोजकत्वमा गर्नेगरी तयारी गरिएको सफाइ महाअभियानले जनाएको छ ।विसं २०७० जेठ ५ गतेदेखि सुरु भएको वाग्मती सफाइ महाअभियान प्रत्येक हप्ता शनिबार बिहान दुई घण्टा जारी छ । सफाइ महाअभियानलाई सघाउन विगत तीन हप्तादेखि काठमाडौँ महानगरपालिकाको वाग्मती नदीसँग सीमा जोडिएका वडाहरूले सफाइको नेतृत्व गर्दै आएका छन् ।
बाख्रा चराउन गएका दुई किशोरी मृत फेला
बाख्रा चराउन गएका दुई किशोरी जंगलमा मृत अवस्थामा भेटिएका छन् । ढकारी गाउँपालिका –८, पल्साता निवासी १३ र १५ वर्षीया दुई किशोरीको शव क्षतविक्षत अवस्थामा फेला परेको बताइएको छ ।
‘सरकार समृद्धि र सामाजिक न्यायमा प्रतिबद्ध छ’
उपप्रधान तथा अर्थमन्त्री विष्णुप्रसाद पौडेलले सरकार मुलुकको समृद्धि र सामाजिक न्याय हासिलका लागि प्रतिबद्ध रहेको बताउनुभएको छ।
निजामती कर्मचारी संगठन सल्यान अध्यक्षमा घर्ती
नेपाल निजामती कर्मचारी संगठन सल्यानको अध्यक्षमा डिल्लीबहादुर घर्ती निर्वाचित हुनुभएको छ । नेकपा (एमाले) निकट कर्मचारी संगठनको सल्यान सदरमुकाम खलङ्गामा सम्पन्न १२ औँ अधिवेशनले सर्वसम्मत रूपमा नयाँ नेतृत्व चयन गरेको हो ।
फिदिम भेट्रान्स गोल्डकपको उपाधि रेड स्टार विर्तामोडलाई
फिदिममा आयोजित दोस्रो अन्तर्राष्ट्रिय आमन्त्रण फिदिम भेट्रान्सको उपाधि रेड स्टार क्लब विर्तामोडले उचालेको छ।
निजामती कर्मचारी संगठन रुकुमपश्चिमको अध्यक्षमा केसी निर्वाचित
नेपाल निजामती कर्मचारी संगठन रुकुमपश्चिमको अध्यक्षमा धनवीर केसी निर्वाचित हुनुभएको छ। शनिबार जिल्ला सदरमुकाम मुसीकोटमा भएको १२ औँ जिल्ला अधिवेशनबाट केसीको अध्यक्षतामा १९ सदस्यीय जिल्ला कार्यसमिति निर्विरोध निर्वाचित भएको हो।
‘नेपाल स्टार्ट अप साना तथा मझौला सम्मेलन’ गर्दै नेपाली कांग्रेस
साना तथा मझौला व्यवसायीले उत्पादन गरेका वस्तुको बजारीकरण तथा उद्यमशीलता विकास गर्ने उद्देश्यले नेपाली कांग्रेस उद्यमशीलता र साना तथा मझौला व्यवसायी विभागले यही माघ १६ र १७ गते ‘नेपाल स्टार्ट अप साना तथा मझौला सम्मेलन’ गर्ने भएको छ।
लोसपाका केन्द्रीय सदस्य जसपामा प्रवेश
पर्साको वीरगन्जमा आयोजित कार्यक्रममा लोसपाका केन्द्रीय सदस्य तथा मधेश आन्दोलनका अगुवा पर्साको बहुदरामाई नगरपालिका–९ का स्थानीयवासी जटाशंकर गुप्ता लगायतको टोली जसपा प्रवेश गरेको हो।
-original-thumb.jpg)
सामाजिक विभेदको अन्त्य गर्न पत्रकार सशक्त रुपमा लाग्नु पर्नेमा जोड
तनहुँको बन्दीपुरमा शनिबारबाट सुरु गरिएको राष्ट्रिय दलित पत्रकार सङ्घ नेपाल गण्डकी प्रदेशको प्रथम अधिवेशनमा बोल्ने वक्ताले जात, लिङ र धर्मको आधारमा हुने विभेदलाई अन्त्य गर्न सञ्चार माध्यमले प्राथमिकता दिएर कलम चलाउनुपर्नेमा जोड दिइएको हो।
स्लेट खानी ओझेलमा पर्दा थामी समुदाय चिन्तित
पुर्खौंदेखि जीवन जिउन सञ्चालनमा आएको दोलखाको बिगु गाउँपालिका –६ आलम्पु स्थितको ढुङ्गा (स्लेट) खानी प्रवर्धनमा सरकारले चासो नदिँदा ओझेलमा परेको छ । खानी ओझेलमा पर्दा स्थानीय थामी समुदाय चिन्तित भएका छन् ।
सङ्गठनात्मक एकतामा उपाध्यक्ष श्रेष्ठको जोड
नेपाल कम्युनिष्ट पार्टी (माओवादी केन्द्र)का उपाध्यक्ष नारायणकाजी श्रेष्ठले यथास्थितिवादमा कम्युनिष्ट आन्दोलन अघि बढ्न नसक्ने बताउनुभएको छ ।
बाँकेका ३५ हजार किशोरीलाई पाठेघरको मुखको क्यान्सरविरुद्ध खोप
बाँकेका ३५ हजार बढी किशोरीलाई माघ २२ गतेदेखि फागुन ६ गतेसम्म पाठेघरको मुखको क्यान्सरविरुद्ध एचपिभी खोप दिइने भएको छ।
रुखबाट खसेर एकको मृत्यु
गोरखामा रुखबाट खसेर एक जना पुरुषको मृत्यु भएको छ ।
रूपन्देहीका ५९ हजार किशोरीलाई ‘एचपीभी’ खोप
रूपन्देहीमा पाठेघरको मुखको क्यान्सरविरुद्धको (एचपीभी) खोप अभियान सञ्चालन हुने भएको छ ।
बगरफाँट-भकिम्ली सडक स्तरोन्नतिले स्थानीय खुसी
बेनीदेखि हाँडेभिर–बगरफाँट हुँदै भकिम्ली गाउँ जोड्ने ग्रामिण सडक स्तरोन्नतिको काम सुरु भएपछि स्थानीयहरु खुसी भएका छन् ।
हुथी विद्रोहीद्वारा मानवीय आवश्यकताका आधारमा यमनका १५३ कैदी रिहा
यमनका हुथी विद्रोहीले शनिबार १५३ जना ‘द्वन्द्वसँग सम्बन्धित’ कैदीलाई रिहा गरेको रेडक्रसको अन्तर्राष्ट्रिय समिति (आइसीआरसी)ले जनाएको छ । सन् २०१४ मा इरान समर्थित हुथी विद्रोहीले कब्जा गरेको यमनको राजधानी सानामा ती कैदीलाई रिहा गरिएको हो ।
