मस्को, फागुन ४ गते । मस्कोको पुस्किन स्क्वायरमा लागेको भिषण आगो नियन्त्रणमा आएको छ । रुसी आपतकालीन अवस्था मन्त्रालयले यसबारेमा जानकारी गराएको हो ।
आगोबाट कुनै मानवीय क्षति भएको छैन । आगो एक हजार पाँच सय वर्गमिटर क्षेत्रमा फैलिएको थियो । आपतकालीन अवस्था मन्त्रालयले पुस्किन स्क्वायरमा रहेको इज्भेस्टिया हल भवनमा आगो फैलिनबाट जोगाउन अग्निनियन्त्रकहरूले व्यवस्थापन गरेको बताए । प्रयोग नगरिएका तीनवटा भवनमा मात्रै आगो लागेको बताइएको छ । सिन्ह्वा/न्यूज एजेन्सी नेपाल
