गोकर्ण पौडेल/लिलाधर वली
दाङ, पौष १५ गते । दाङमा बस दुर्घटना भएको छ । तुलसीपुर–अमेलिया सडक खण्डअन्तर्गत तुलसीपुर उपमहानगरपालिका–१३ दमार गाउँमा बर्दियाबाट पिकनिकका लागि आउँदै गरेको बस दुर्घटनामा परेको हो ।
बर्दियाको बढैया ताल गाउँपालिका–६ मैना पोखरमा रहेको पिपरहवा कृषि कृषक समूहबाट दाङ चखौरामा पिकनिकका लागि आउँदै गरेको भे १ ख २०४१ नम्बरको बस बिहान दुर्घटनामा परेको इलाका प्रहरी कार्यालय तुलसीपुरका प्रमुख एव प्रहरी नायव उपरीक्षक ठाकुरप्रसाद पोख्रेलले जानकारी दिनुभएको छ ।
प्रहरी नायव उपरीक्षक पोख्रेलका अनुसार तुलसीपुर उपमहानगरपालिका १३ दमारगाँउ वनको उकालोमा दुर्घटना हुँदा करिब २० जना भन्दा बढी घाइते भएका छन् । घाइतेहरूलाई उद्धार गरेर तुलसीपुरस्थीत राप्ती प्रादेशिक अस्पताल ल्याउने क्रम चलिरहेको प्रहरी नायव उपरीक्षक पोख्रेलले जानकारी दिनुभएको छ । उद्धार गरेर घाइतेहरूलाई ल्याउने काम भइरहेकाले बस कसरी दुर्घटना भयो भन्ने र कति जना यात्रु थिए भन्ने बारेमा अझै खुल्न नसकेको उहाँले जानकारी दिनुभएको छ ।
-original-thumb.jpg)
