विष्णुप्रसाद पोखरेल
दमक, पुस ९ गते । झापाको कमल गाउँपालिकामा भएको दुर्घटनामा परेर एक जनाको ज्यान गएको छ । बससँग स्कुटर ठोक्किँदा एक जनाको ज्यान गएको हो ।
पूर्व–पश्चिम राजमार्गअन्तर्गत कमल गाउँपालिका–४ स्थित ज्योतिचोकमा सोमबार बिहान पूर्वबाट पश्चिमतर्फ जाँदैगरेको मे. ११ प २०५१ नम्बरको स्कुटर र विपरीत दिशाबाट आउँदैगरेको को. १ ख ६४३५ नम्बरको बस एकापसमा ठोक्किएर दुर्घटना भएको इलाका प्रहरी कार्यालय दमकले जनाएको छ ।
दुर्घटनामा परेको स्कुटरको पछाडि सवार रहेका अर्जुनधारा –७ निवासी ५० वर्षीय टेकनाथ खतिवडाको उपचारका लागि अस्पताल लैजादैंगर्दा बाटोमा मृत्यु भएको प्रहरीको भनाइ छ । घटनाबारे आवश्यक अनुसन्धान भइरहेको जिल्ला प्रहरी कार्यालय झापाले जानकारी दिएको छ ।
