वसन्त पराजुली
नारायणगढ, पुस ५ गते । नेकपा (एकीकृत समाजवादी)का अध्यक्ष माधवकुमार नेपालले स्वच्छ राजनीति अहिलेको अपरिहार्य आवश्यकता रहेको बताउनुभएको छ । समाजवादी पार्टीको राप्ती नगर कमिटीको नगर सम्मेलनलाई बिहीबार सम्बोधन गर्नुहुँदै अध्यक्ष नेपालले सो कुरा बताउनुभएको हो ।
अध्यक्ष नेपालले भन्नुभयो, “भ्रष्टाचारीका विरुद्धमा पार्टी एकजुट भएर लाग्नुपर्ने बेला आएको छ । अब भ्रष्टाचारीले उन्मुक्ति पाउनु हुँदैन । अहिलेको अपरिहार्य आवश्यकता स्वच्छ राजनीति हो ।”
उहाँले देशमा सुशासन जरुरी बताउनुहुँदै भ्रष्टाचार र अनियमिततामा संलग्न जोकोहीलाई पनि कारबारही गर्नुपर्ने धारणा राख्नुभयो ।
“सबै क्षेत्रमा भ्रष्टाचार फैलिएको छ । यसको छानबिन हुनु जरुरी छ”, उहाँले भन्नुभयो ।
अध्यक्ष नेपालले आर्थिक विकासको आधार कृषि उद्योग, जलश्रोत रहेको बताउनुहुँदै यसको समायोजित विकास गर्न सके देशले कोल्टो फेर्ने धारणा राख्नुभयो ।
उहाँले दलमा शुद्धता जरुरी रहेको बताउनु हुँदै देशको स्वाभिमान बचाउन जरुरी रहेको उल्लेख गर्नुभयो ।
“देशको स्वाभिमान माथि उठोस् । नेपाली पनको भावना उजागर बनोस् । जुनसुकै जात धर्म भए पनि उनीहरूलाई मिलाएर एकताबद्ध बनाएर लैजान सकियोस् भन्ने अहिलेको आवश्यकता हो”, उहाँले भन्नुभयो ।
नेपाली स्वाभिमानमा आँच पुर्याउने विरुद्धमा उठ्नुपर्ने उहाँको भनाइ छ । “पहिला तपाईँहरू देशभक्तिको भावनाको विकास गर्न उठ्नुहोस्”, उहाँले भन्नुभयो ।
-square-thumb.jpg)
-original-thumb.jpg)
