सप्तरीमा आगलागी हुँदा पाँच लाख बढीको क्षति

देवरामप्रसाद यादव

सप्तरी, पुस ३ गते  । सप्तरीको तिलाठी कोइलाडी गाउँपालिका वडा नम्बर ७ सडेपारमा आगलागीबाट पाँच लाख भन्दा बढीको क्षति भएको प्रहरीले जनाएको छ । सोमबार साँझ ७ बजे  विद्युत सर्ट भएर आगलागी हुँदा स्थानीय डम्बर रामको ठुलो क्षति भएको हो । 

आगलागीमा चौपाया, अन्नपात, लत्ताकपडा र घरसहित पाँच लाखभन्दा बढी क्षति भएको अग्निपीडित रामले बताउनुभयो ।

आगलागीमा गाई १ , बाछी १, खसी १ जोडी, बाख्रा, पाठापाठी र धान, चामल, गहुँ , दाल, लत्ताकपडा समेत जलेर नष्ट भएको उहाँले जानकारी दिनुभयो । आगो हनुमाननगर कंकालिनी नगरपालिकाका वारुणयन्त्र, प्रहरी र स्थानीयवासीको सहयोगमा दुई घण्टापछि नियन्त्रणमा  लिएको थियो ।