ट्याक्टर दुर्घटना हुँदा चालकको मृत्यु

अर्जुन काफ्ले

स्याङ्जा, मङ्सिर ४ गते । पुतलीबजार नगरपालिका वडा नं १४ भिरबारीमा ट्याक्टर दुर्घटना हुँदा चालकको मृत्यु भएको छ । सोमबार भित्री सडक खण्डमा तोप्सेबाट लामागेतर्फ आउँदै गरेको ग १ त ४९८७ नं. को ट्याक्टर बाटोमा पल्टिँदा चालक दाङ जिल्ला दंगीशरण गापा ४ का २८ वर्षीय रामहरि चौधरीको मृत्यु भएको हो । 

ट्याक्टरले च्यापिँदा चालक चौधरीको घटनास्थलमै मृत्यु भएको प्रहरी नायब उपरिक्षक इन्द्रबहादुर रानाले जानकारी दिनुभयो । घटनाको थप अनुसन्धान कार्य अगाडि बढाएको रानाले बताउनुभयो ।