काठमाडौं, मङ्सिर ४ गते । इजिप्टले युद्धग्रस्त गाजामा १९० ट्रक सहायता सामग्री पठाएको छ । इजिप्टले गाजा पट्टीको युद्धग्रस्त प्यालेस्टिनी एन्क्लेभमा १९० भन्दा बढी सहायता सामग्री बोकेका ट्रकहरू पठाएको हो ।
इजिप्टको ताह्या मिस्र कोषले उपलब्ध गराएको दुई हजार पाँच सय टन सहायता प्याकेज बोकेको काफिले रफाह सीमा नाका हुँदै गाजा प्रवेश गर्नेछ । इजिप्टको राजधानी कायरोमा आयोजित उद्घाटन समारोहमा इजिप्टका प्रधानमन्त्री मोस्तफा मदबोलीले गाजामा हालसम्म दुई तिहाइभन्दा बढी सहयोग इजिप्टबाट पठाएको बताउनु भयो ।
इजरायलले अक्टोबर ७ मा गाजा–सत्ताधारी हमास लडाकुहरूको नेतृत्वमा भएको आक्रमणको बदलास्वरूप गाजापट्टीमा आक्रमण गरिरहेको छ । जसमा हमासले इजरायलमा करिब एक हजार दुई सय व्यक्तिको हत्या गरेको छ ।
दुई सयभन्दा बढी बन्धक बनाएको छ । जारी द्वन्द्वले तटीय एन्क्लेभमा १२ हजार प्यालेस्टाइनीको मृत्यु भएको छ । गाजापट्टीमा पानी, बिजुली, इन्धन र अन्य आवश्यक सामग्रीको आपूर्ति बन्द गरिएको छ । अक्टोबर २१ देखि, इजिप्टबाट राफा क्रसिङ हुँदै प्यालेस्टिनी एन्क्लेभमा सीमित मानवीय सहायतालाई अनुमति दिइएको छ । सिन्ह्वा/न्यूज एजेन्सी नेपाल
