विष्णुप्रसाद पोखरेल
दमक, मङ्सिर ३ गते । झापाको कमल गाउँपालिका–३ स्थित कमल खोलाको पुलमा मोटरसाइकलको ठक्करबाट एक वृद्धको मृत्यु भएको छ । ६५ वर्षीय एक वृद्धको ठक्करले मृत्यु भएको हो ।
शनिवार राति ८ बजे पूर्वपश्चिम राजमार्गमा पूर्वबाट पश्चिमतर्फ आइरहेको प्र १–०१–०१४ प ९६७७ नम्बरको मोटरसाइकलको ठक्करबाट पैदलयात्री सोही ठाउँका ६५ वर्षीय कृष्णबहादुर गिरीको मृत्यु भएको प्रहरीले जनाएको छ ।
दुर्घटनामा गम्भीर घाइते गिरीको उपचारका लागि विएण्डसी अस्पताल बिर्तामोड पठाइएकोमा उपचारको क्रममा मृत्यु भएको प्रहरीको भनाइ छ । ठक्कर दिने सवारीसहित चालकलाई इलाका प्रहरी कार्यालय दमकमा राखेर आवश्यक अनुसन्धान भइरहेको जिल्ला प्रहरी कार्यालय झापाले जनाएको छ ।
