प्रतिनिधि सभा बैठक (प्रत्यक्ष प्रसारण)

काठमाडौं, असार ८ गते । सङ्घीय संसद्अन्तर्गतको प्रतिनिधि सभा बैठक सुरु भएको छ । नयाँ बानेश्वरस्थित संसद् भवनमा शुक्रबार बिहान ११ बजेबाट सुरु भएको बैठकमा सांसदहरूले प्रधानमन्त्री पुष्पकमल दाहाल ‘प्रचण्ड’सँग सवालजवाफ गर्नुहुने छ ।

सरकारले प्रस्तुत गरेको आगामी आर्थिक वर्ष २०८०/८१ को बजेटमाथि मन्त्रालयगत छलफल हुनेछ कार्यक्रम छ । आजको बैठकमा संस्कृति, पर्यटन तथा नागरिक उड्डयन, गृह, रक्षा, प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको कार्यालय, राष्ट्रपति तथा उपराष्ट्रपति कार्यालयको बजेटसम्बन्धी छलफल हुनेछ ।